I gat planti, planti pipol husat i no harim yet dispela gospel bilong Jisas Krais. Sapos yu pilim hevi bilong bringim ol i kam insait long Sios bilong Bikpela. wanem Jekop i tok long ol oliv diwai insait long Jekop 5 i gat gutpela rimainda: dispela vinyad em i bilong Bikpela. Em i givim yumi wanwan wanpela liklik eria long halivim Em long wok bilong Em—famili bilong yumi, ol prens bilong yumi, dispela hap yumi stap na i ken mekim senis i kamap. Na sampela taim dispela man yumi halivim long bungim em yumi yet. Tasol yumi i no stap yumi yet long dispela wok, long wanem Bikpela bilong dispela Vinyad i save wok hat wantaim ol wokman biong Em (lukim Jekop 5:72). God i save na lavim ol pikinini bilong Em, na Em bai redim wei bilong wanwan long ol long harim gospel bilong Em, maski ol lain i no laikim Em tu bipo (lukim Jekop 4:15–18). Na bihain, taim dispela wok i pinis, olgeta husat i bin “wok hat tru wantaim [Em] … bai gat hamamas wantaim [Em] bikos long ol prut bilong vinyad bilong [Em]” (Jekop 5:75).
Lukim tu “Jekop i Tisim long Bungim bilong Israel” (video), Gospel Librari.
Jekop 5 em i stori wantaim mining i gat simbol. Em i toktok long ol diwai na ol prut na ol wokman, tasol em toktok long God na ol wok bilong em wantaim ol pipol bilong Em long histori. Taim yu ritim stori, tingting long wanem ol sampela samting insait long stori i makim.
Eksampel, sapos vinyad i makim dispela wol, na dispela oliv diwai i no wel i makim Israel (o ol dispela husat i mekim kavanen wantaim God; lukim Jekop 5:3), dispela wel oliv diwai i makim wanem? Ol gutpela na nogut prut i makim wanem? Wanem ol narapela simbol yu lukim?
Maski Jekop 5 i tisim long ol nesen na planti handred yias bilong wol histori, em long laip bilong yu tu. Wanem ol toksave yu painim bilong yu yet insait long Jekop 5?
Ating moa impoten, Jekop 5 em i toktok long Jisas Krais. Lukluk long Em taim yu rit. Wanem yu lainim long Em, eksampel, insait long ves 40–41, 46–47?
Long sampela moa tingting long Jekop 5, lukim dispela piksa long pinis bilong dispela autlain.
Bikpela i invaitim mi long wok hat wantaim Em insait long vinyayd bilong Em.
Dispela “ol narapela wokman” (Jekop 5:70) husat ol i singautim ol kam insait long vinyad bilong Bikpela em ol kain lain olsem yu. Wanem ol toktru yu painim insait long Jekop 5, moa yet veses 61–62 na 70–75, long wok insait long vinyad bilong Bikpela? Yu lainim wanem long Em taim yu halivim wantaim dispela wok bilong Em?
Taim yu ritim long “laspela taim” Bikpela bai wok hat long vinyad bilong Em, wanem i kirapim tingting bilong yu long sevim Bikpela “wantaim strong bilong yu”? (Jekop 5:71). Ating yu ken tingim wanpela ekspiriens we yu bin pilim hamamas taim yu sevim Bikpela bilong dispela vinyad—eksampel long serim gospel, sevim ol long temple, o strongim ol narapela. Yu bai ken painim ol eksampel Elda Gary E. Stevenson i serim long toktok bilong em “Simply Beautiful—Beautifully Simple” (Liahona, Nov. 2021, 47–50).
Presiden Russell M. Nelson i tis: “Enitaim yu mekim samting long halivim narapela eniwan—long narapela sait bilong veil—i kisim step i go long mekim kavanen wantaim God na kisim ol impoten odinens bilong baptisim na temple, yu halivim long bungim Israel. Em i isi olsem tasol” (“Hope of Israel” [worldwide youth devotional, June 3, 2018], ChurchofJesusChrist.org). Tingim long mekim wanpela lis bilong ol aidia long wanem yu kem memkim long halivim bungim Israel. Long dispela lis bilong yu, yu pilim wanem Bikpela i laik bai yu mekim long dispela de insait long vinyad bilong Em? Long verse 75, olsem wanem na Bikpela i givim pe long yumi long sevis yumi mekim long vinyad bilong Em?
Lukim tu “Israel, Israel, God Is Calling,” Hymns, no. 7; “Old Testament Olive Vineyard” (video), Gospel Library; Gospel Topics, “Gathering of Israel,” “Inviting All to Receive the Gospel of Jesus Christ,” “Participating in Temple and Family History Work,” Gospel Library.
Tisim doktrin. Mekim sua olsem ol tising bilong yu i fokas long dispela wanpela doktrin insait long skripsa. Yu ken mekim dispela taim yu ritim ol skripsa wantaim na bihain serim wantaim wanpela narapela ol toktru yu painim, na tu ol ekspiriens taim ytu bihainim ol dispela tok.
Bikpela i save tingim ol pipol bilong Em wantaim lav na marimari.
Wanpela mining bilong dispela tok holim pas em long bihainim samting o pas wantaim strong tru, klostu na nogat seksek. Olsem wanem dispela mining i halivim yu klia gut long Jekop 6:4–5? Long stori bilong oliv diwai, olsem wanem Bikpela bilong vinyad i opim “han bilong em pulap long marimari”? (lukim, eksampel, Jekop 5:47, 51, 60–61, 71–72). Olsem wanem na Em i mekim dispela bilong yu?
Mi ken sanap strong taim ol narapela i salensim feit bilong mi long Jisas Krais.
Ekspiriens bilong ol lain bilong Nifai wantaim Sherem i save kamap nau yet tede: ol lain pipol i traim hat long bagarapim feit long Krais. Olsem wanem na Jekop i bekim taim feit bilong em i painim birua? Wanem samting yu lainim long ol bekim bilong em? Yu ken mekim wanem nau long redi long ol taim feit bilong yu long Seivia bai painim birua?
Lukim tu Jeffrey R. Holland, “The Cost—and Blessings—of Discipleship,” Liahona, May 2014, 6–9; “Sherem Denies Christ” (video), Gospel Library.
Olsem wanem bai yu serim dispela stori bilong ol oliv diwai bai ol pikinini i klia gut? Wanpela we em long wokabaut autsaid na lukluk long wanpela diwai na toktok liklik long ol main poin bilong dispela stori. Bikpela bilong vinyad i mekim wanem long ol dispela diwai bilong Em? Olsem wanem na yumi ken kamap olsem ol wokman insait long stori na halivim ol narapela pilim lav bilong Seivia?
Jekop serim dispela stori bilong ol oliv diwai long invaitim ol pipol bilong em long kam long Krais. Em i ken mekim wankain long ol pikinini bilong yu. Ating yu ken samaraisim stori wantaim ol ves olsem Jekop 5:3–4, 28–29, 47, na 70–72 (lukim tu “Old Testament Olive Vineyard” [video], Gospel Library). Yu o ol pikinini bilong yu ken bihain ritim Jekop 5:11, 41, 47, na 72, painim ol samting i soim olsem wanem tru na Bikpela bilong vinyad (Jisas Krais) i laikim tumas ol dispela diwai. Wanem samting Sevia i mekim longsoim olsem Em i laikim yumi tumas?
Papa long Heven i laivim mi na bai pogivim mi taim mi tanim bel.
Jekop 6:4–5 i gat wanpela impoten toksave bilong yumi taim yumi mekim ol rong sois. Ating yu ken halivim ol pikinini bilong yu painim. Ol wanem wod long dispela ol ves i givim yumi hop long ridiming lav bilong God? Stori bilong Elda Allen D. Haynie long em i doti insait long graun malmalum, insait long toktok bilong em “Remembering in Whom We Have Trusted” (Liahona, Nov. 2015, 121–22), i ken halivim. Dispela stori na Jekop 6:4–5 i tisim yumi wanem long samting yumi wanwan i mas mekim long kamap seiv insait long kingdom bilong God?
Olsem wanem yu ken kirapim tingting bilong ol pikinini bilong yu long sanap long toktru olsem Jekop i mekim? Ol pikinini bilong yu i ken lukim vidio “Chapter 10: Jacob and Sherem” (Gospel Library) na ektim dispela toktok namel long Jekop na Sherem, na yusim Jekop 7:1–23 olsem gaid. Olsem wanem na Jekop i sanap long samting em i save i rait? Invaitim ol pikinini long serim ol ekspiriens taim ol i sanap long rait samting, o serim bilong yu yet. Ating ol i ken singim tu wanpela singsing i soim karis olsem Jekop, olsem “Stand for the Right,” Children’s Songbook, 159.
Long moa aidia, lukim isu bilong dispela mun bilong Friend megesin.