“Septemba 9–15: ‘Gut Nius bilong Bikpela Hamamas.’ Hilaman 13–16,” Kam, Bihainim Mi—Bilong Haus na Sios: Buk bilong Momon 2024 (2023)
“Septemba 9–15. Hilaman 13–16,” Kam, Bihainim Mi—Bilong Haus na Sios: Buk bilong Momon 2024 (2023)
Samuel man Lamanait sanap antap long Wall, i kam long Arnold Friberg
Septemba 9–15: “Gut Nius bilong Bikpela Hamamas”
Hilaman 13–16
Nambawan taim Samuel dispela man Lamanait traim long serim “gut nius” long Sarahemla (Hilaman 13:7), ol bikhet Nifait bin les na rausim em. Yu ken tok sapos em bin olsem ol bildim wanpela strongpela wall raunim ol bel bilong ol i bin stopim ol long kisim toktok bilong Samuel. Samuel bin luksave long hau impoten dispela tok em serim na soim feit long bihainim ol komanmen bilong God “olsem em mas kam bek gen, na tokaut” (Hilaman 13:3). Olsem Samuel, yumi olgeta bungim ol wall taim yumi i “mekim rot bilong God” (Hilaman 14:9) na traim long bihainim ol profet bilong Em. Na olsem Samuel, yumi tu i witnes bilong Jisas Krais “husat bai kam trutru,” na askim olgeta long “bilip long nem bilong em” (Hilaman 13:6; 14:13). I no olgeta man meri bai harim tok, na sampela ken agensim yumi. Tasol ol lain husat i bilip insait long dispela toktok bilong em wantaim feit long Krais bai painim olsem em tru tru wanpela tok bilong “gut nius bilong bikpela hamamas” (Hilaman 16:14).
Ol aidia bilong Lainim long Haus na long Sios
Bikpela i givim save givim tok lukaut thru long ol profet bilong Em.
Insait long ol skripsa, ol profet sampela taim ol save toktok long ol olsem wasman long wall o tawa husat i save toksave taim samting nogut i kamap (lukim Isaia 62:6; Ezikiel 33:1–7). Taim yu stadim ol toktok bilong Samuel insait long Hilaman 13, tingim tu hau em olsem wanpela wasman bilong yu. Em bin tok wanem olsem i wankain long ol samting i kamap long dispela taim? (lukim tasol ves 8, 21--22,26--29,31, na 38). Olsem eksampel, wanem bin Samuel tisim long pasin bilong tanim bel? long daun pasin na welt? long painim hamamas “long mekim sin”?
Yu ken tu painim ol konferens tok liklik taim i go pinis long ol wankain tok lukaut Bikpela bin givim thru long ol moden profet. Wanem samting yu pilim i kirapim bel bilong yu long dispela ol tok lukaut?
Painim ol peten. Peten em wanpela plen o model mipela ken yusim olsem wanpela gaid long pinisim wanpela wok. Insait long ol skripsa, mipela painim ol peten i soim hau Bikpela save pinisim wok bilong Em. olsem long salim ol wokman bilong Em long toksave long ol pipol.
Taim mipela i harim tok bilong ol profet, ol bai poinim i go lo g Jisas Krais.
God askim mi long tanim bel.
Tok lukaut i kam long Samuel long jasman bilong God olgeta taim save inkludim marimari long tanim bel. Lukluk na painim ol dispela invatesen thru long Helaman 13–15 (lukim tasol Helaman 13:6–11; 14:15--19; 15:7–8. Wanem samting yu lainim long ol dispela ves long pasin bilong tanim bel? Sampela save lukim pasin bilong tanim bel olsem wanpela panisman--samting long aburusim. Long tingting bilong yu yet, hau bin Samuel laikim ol Nifait long lukim pasin bilong tanim bel?
long strongim stadi bilong yu, yu ken ritim tok bilong Presiden Russell M. Nelson “Mipela Ken Wokim Gut na Kamap Gutpela” (Liahona, Mei 2019,67). Hau em save mekim klia pasin bilong tanim bel? Wanem ol blesin bilong tanim bel tru yu inap painim insait long toktok bilong em? Yu ken tu lukluk long ol samting we profet i askim long senis. Wanem samting Holi Gos i tokim yu stap olsem yu nid long senis? Raitim go daun ol wanwan revelesen yu kisim.
Hau i pasin bilong tanim bel i narakain long sensim tasol pasin bilong yu? Wai em i impoten long ekseptim askim bilong God long tanim bel? Taim yu tingting long dispela, singim o harim wanpela himn dispela i tok klia long dispela invatesen o askim, olsem “How Gentle God’s Commands” (Ol himn, no 125).
Lukim tu “Jisas Krais bai Halivim Yu,” Bilong Strongim ol Yuth: Wanpela Gaid bilong mekim ol Sois, 6–9; “Pasin bilong Tanim Bel,” “Principel bilong Bel isi: Pasin bilong Tani Bel” (video), Gospel Topik “Pasin bilong Tanim Bel,” Gospel Library)
Go save salim ol sain long testifai long Bon de na Dai bilong Sevia.
Insait long Hilaman 14, Samuel tok klia olsem Bikpela givim ol sain bilong bon de na dai bilong Sevia olsem ol pipol “ken save long … kam bek bilong Em” na “bilip long nem bilong em” (Hilaman 14:12). Taim yu stadim Hilaman 14, tek nout long ol sain long bon de bilong Sevia long ves 1--8 na ol sain long dai bilong Em long ves 20--28. Wai yu ting dispela ol sain bai ol strongpela wei long makim bon de na dai bilong Jisas Krais?
Ol narapela moa pesanol na liklik dramatik sain inap halivim yu “bilip long nem bilong [dispela Sevia].” Wanem samting Em mekim long strongim bilip bilong yu insait long Em?
Wanem samting long lukaut moa em i givim long ol sain in sait long Hilaman 16:13--23? Hau yu yu aburusim ol pasin bilong ol pipol i tok klia insait long dispela ol ves?
Lukim tu Alma 30:43–52; Ronald A. Rasband,“By Divine Design,” Liahona, Nov. 2017, 55–57
Panisman i kam long Bikpela em wanpela sain long lav bilong Em.
Ol toktok bilong Samuel gat planti ol panisman pasin, tasol Helaman 15:3 givim yumi ol tingting long ol panisman i kam long Bikpela. Hau na panisman i kam long Bikpela em sain long lav bilong Em? Wanem evidans yu lukim olsem lav bilong Bikpela na marimari bilong em long long ol tokaut na tok lukaut bilong Samuel?
Stadim toktok bilong Elda D. Todd Christofferson “As Many as I Love, I Rebuke and Chasten” (Liahona, Mei 2011, 97–100) painim ol tripela as bilong ol panisman long stretim. Wanem taim yu bin lukim God i wok long dispela ol wei insait long laip bilong yu?
Profet save poinim mi i go long Jisas Krais
Insait long Helaman 16, Wanem samting yu lainim long ol lain husat i kisim tisin bilong Samuel? Wanem samting yu lainim long ol lain husat i tok nogat long em? Tingting long hau bihainim ol livin profet bai halivim yu go klostu long Jisas Krais.
Long moa aidia, lukim megasin bilong dispela mun Liahona na Bilong Strongim ol Yuth megasin.
Ol aidia bilong Tisim ol Pikinini
God save toktok long mi insait long bel bilong mi.
-
Hau bai yu halivim ol piknini bilong yu olsem God ken toktok long ol bel bilong mipela, olsem wankain em bin mekim long Samuel? Sapos yu ken aski ol long soim yu ol kainkain wei long komuniket witaut ol wod (olsem long mekim sain o mekim sain long pes). Dispela i ken lidim yupela long toktok long ol kainkain wei Papa long Heven save komuniket wantaim yumi. Long dispela toktok wantaim, yu na ol pikinini bilong yu ken lukluk long wanpela piksa bilong Samuel dispela man Lamanait (dispela autlain i gat tupela) na ritim Helaman 13:2–5 taim ol pikninin bilong yu harim hau God bin tokim Samuel wanem samting long toktok.
-
Planti bilong yumi—olsem ol pikinini—nidim halivim long lainim na luksave long hau na wanem taim God i save toktok long yumi. Yu ken tokim ol pikinini bilong yu long wanpela taim Holi Gos bin halivim yu luksave long bel bilong yu wanem God i laikim yu long mekim o toktok Tok klia long hau yu bin save olsem God bin toktok wantaim yu Sapos ol pikinini bilong yu ken serim wankain ekspiriens ol bin gat
Ol profet save tis long Jisas Krais.
-
Singsing wantaim “Samuel Tells of the Baby Jesus” (Children’s Songbook, 36) ken kamap wanpela gutpela wei long tisim ol pikninin bilong yu wanem Samuel bin tis long Jisas Krais. Serim “Sapta 40: Samuel dispela man Lamanait tok aut long Jisas Krais” (Ol Stori bilong Buk Momon, 111–13) em narapela. Wanem bin Samuel tisim long Sevia? Sapos yu ken tu serim wanem ol moden profet i save tis long Em. Hau na ol toktok bilong ol i bildim ol feit bilong mipela insait long Em.
Mi kisim blesing taim mi bihain profet.
-
Yu ken bildim ol tras bilong ol pikinini bilong yu long profet long soim ol eksample bilong ol pipol husat bin feitful. Sampela ol dispela yumi ken painim insait long Hilaman 16:1,5. Taim yu ritim, ol pikinini bilong yu i ken sanap taim ol harim samting ol pipol bin mekim taim ol bilip long toktok bilong Samuel. Bihain, Taim yu ritim ol ves 2 and 6, ol pikinini bilong yu i ken sidaun taim ol harim samting ol pipol bin mekim taim ol i no bilip. Hau bai mipela i soim olsem mipela i bilip long ol toktok bilong livin profet? Tokim ol pikinini hau yu kisim blesin taim yu bihainim kaunsel bilong Bikpela thru long ol profet bilong Em.
Long moa aidia, lukim megasin bilong dispela mun Friend megasin.
Samuel dispela man Lamanait, ikam long Lester Yocum