Taim yumi ritim dispela ol toktok long stat bilong Alma sapta 43—“Na nau mi go bek bikos long dispela pait namel long ol Nifait na Lamanait”—em nomol long tingting long wai Moronai putim dispela ol stori bilong pait taim em i gat liklik spes long ol plet (lukim Words of Mormon 1:5). Em tru olsem mipela gat ol sera bilong ol pait long ol las de, tasol i gat gutpela samting long ol toktok bilong em hat long tok klia long ol plen na hevi bilong pait . Ol toktok bilong em tu redim yumi long dsipela wo o pait long wanem “yumi olgeta i stap long lis” (Ol singsing, no. 25), dispela wo yumi i pait wantaim long wan wan de agensim ol nogut samting. Dispela wo e i trutru, na autkam bilong dispela wo senisim ol laip bilong mipela oltaim oltaim. Olsem ol Nifait, yumi i bel kirap long wanpela holi kos—“God bilong yumi, lotu bilong yumi, fridom na bel isi bilong yumi, ol meri pikinini bilong yumi”— Moronai bin kolim “laik bilong ol kristian lain” (Alma 46:12,16).
Jisas Krais i ken halivim mi wantaim ol spiritol pait bilong mi.
Taim yu ritim Alma 43--52, luksave wanem ol Nifait bin wokim long mekim ol win (o lus). Bihain tingting lonh hau yu ken yusim wanem yu lainim long halivim yu winim ol spiritol pait bilong yu. Rekotim ol tingting bilong yu daun bilo:
Alma 43:19: Ol Nifait bin redi wantaim ol banis bilong pait. ( Mi ken traim long redim mi yet wantaim spiritol banis bilong pait.)
Na tu, lukim wane yu ke lainim long ol wok bilong ol man birua bilong ol Nifait. Tingting long hau Satan i ken traim long hansapim yu long wankain ol wei.
Alma 43:8: Serahemna askim long mekim ol pipol bilong em belhat olsem em bai gat pawa anatp long ol. (Satan i ken traim mi long gat pasin bilong belat.)
Lukim tu Russel M. Nelson, “Holim Pas long Bihain Taim wantaim Bilip,” Liahona, Nov. 2022, 73–79; “Wanpela Bikpela Tawa Em God bilong Mipela,” Ol singsing, no. 68.
Yu laik long mekim go liklik pawa bilong ol salens insait long laip bilong yu? Wanpela wei em long bihainim ol kaunsel long Alma 48:17 long kamap “olsem Moronai.” Tingting long mekim wanpela lis bilong ol toktok i tok klia long Moronai taim yu rit Alma 46:11–28; 48:7–17. Wanem samting yu lainim long Moronai long “sanap[im] strong insait long bilip long Krais”? (Alma 46:27).
Yu ken tu stadim hau Moronai kirapim bel bilong ol narapela “laik bilong ol kristian lain” (lukim Alma 46:11–22). Hau bai yu tok klia long dispela as? Wanem samting yu ken mekim long teik pat tu? Hau bai yu kirapim bel bilong ol narapela long teik pat tu?
Wanpela samting Moronai bin mekim long kirapim bel bilong ol narapela bin long kamapim taitol bilong libeti, dispela we tok klia long ol prinsipol long kirapim bel bilong ol Nifait (lukim ves 12). Wanem ol prinsipol em ol Sios Lidas bilong mipela tok klia long de bilong mipela? Yu ken painim ol long Bilong Strongim ol Yuth: Wanpela Gaid bilong Mekim ol Sois (buklet, 2022), “Famili: Wanpela Tokaut long Wol,” dispela Yang Women na Eronik Prishud Kwarum ol tim, o nupela generol konferens toktok. Yu ken mekim sot wanem ol i tisim i go long sampela ol isi tok klia long kamapim taitol bilong yu yet long libeti---sampela taim long mekim u ting go bek long kamap tru lomg Sevia na gospel bilong Em.
Lukim tu Gosple Topik , “Bilip long Jisas Krais,” Gospel Library.
Satan save olsem yu inap long mekim bikpela sin o bilip long ol liklik giaman. Olsen na, em yusim ol smart tru giaman na ol liklik traim---olsem planti em tingim yu bai kisim--long lidim yu longwe long sef ples bilong strepela sidaun.
Olsem dispela paten long Alma 47, na tingting long hau Satan i ken traim long giamanim yu. Tingting long dispela ol gutpela save i kam long Elda Robert D. Hales:
“Dispela spai man Amalikaia mekim Lehonti long ‘kam daun’ na mitim em long daun. Tasol taim Lehonti lusim hai graun, em bin poisin ‘long mak’ i go inap em dai, na armi bilong em go long han bilong Amulek (lukim Alma 47). Long koros pait, sampela ol pipol giamanim yumi long lusim hai graun. Dispela hai graun em we lait em stap. … Em i sef graun” (“Strong bilong Kristin lain: Prais bilong Disaipolsip,” Liahona, Nov. 2008, 74).
Wanem yu lainim long dispela ol video “Traim Bai Pinis taim Mipela i Lukluk long Krais insait long olgeta tingting” (Gispel Library) dispela i ken halivim yu long aburusim ol traim?
Maski ol banis bilong pait na tawa bilong ol Nifait, Ol Lamanait klostu kisim planti ol siti bioong ol (lukim Alma 51:26--27). Hau na dispela bin kamap? Painim ol ansa taim yu ritim dispela ol sapta (lukim Alma 51:1--12). Tingting long ol tok lukaut bikos long ol samting i gat long yu na famili bilong yu.
Mi ken painim spiritol banis insait long gospel bilong Jisas Krais.
Tingting long yusim “Sapta 31: Kepten Moronai Winim Sarahemna” (Ol stori bilong Buk Momon, 85–88) long tokim ol pikinini bilong yu long dispela pait namel long ol Nifait na Lamanait. Taim yu rit long ol Nifait banis bilong pait Alma 43:19, yu ken skelim banis bilong pait em save banisim ol bodi bilong mipela wantaim ol samting olsem God bin givim long yumi long banisim ol spirit bilong mipela. Sapos yu na ol pikinini bilong yu i ken droim wanpela piksa bilong pikinini na putim wanpela pis bilong banis long dispela piksa long olgeta samting ol piknini bilong yu ken givim nem dispela banisim yumi long spirit.
Dispela ol ves tok klia long banisol Nifait bin bildim: Alma 48:7--9; 49:1--9; 50:1--6. Bihain long ritim dispela ol ves wantaim, ol pikinini bilong i ken amamas long bildim wanpela tawa long ol objek olsem sia na laplap. Dispela vidio “Elder Stevenson long Banisim ol Famili” (Gospel Library) ken halivim yu long toktok long hau long banisim hom bilong yu insait long spirit.
Mi ken kamap “strong insait long bilip long Jisas Krais” olsem Kepten Moronai.
Ol pikinini bilong yu ken lukluk long ol piksa long ispela autlain long tokim dispela stori long taitol bilong libeti (lukim Alma 46:11--16; “Sapta 32: Kepten Moronai na Taitol bilong Libeyi,” Ol Stori bilong Buk Momon, 89--90) Wanem bin Moronai laikim ol pipol long tingim bek (lukim ves 12)? Wanem samting Papa long Heven laikim yumi long tingim go bek? Sapos ol pikinini bilong yu ken stylim bilong ol yet “ol taitol bilong liberti” wantaim ol toktok o piksa dispela bai halivim ol tingtim go bek long ol dispela samting.
Tisim ol pikinini bilong yu long kamap “strong insait long bilip long Krais” olsem Moronai (lukim Alma 48:13, yu ken halivim ol painim na pilim sating i strong. Em i minim wanem bilong bilip long kamap “strong”? Rit wantaim Alma 48:11–12 long painim aut wanem bin mekim Moronai strong insait long bilip long Krais. Yupela ken tu singsing wantaim wanpela singsing olsem “I WIll Be Valiant” (Children’s Songbook, 162). Wanem samting bai yumi mekim long kamap “strong long bilip long Krais”?
Ritim wantam ol ves ol susim long Alma 47:4--19. Wanem bin kamap sapos Amalikaia bin tokim Lehonti wanem em plenim long mekim long stat? Wanem dispela ol ves i tisim yumi long hau Satan trai long giamanim yumi?
Halivim ol pikinin bilong yupela bildim konfidens. Sampela ol pikinini bai no inap long pilim orait long lainim dispela gosple long ol yet. Wanpela wei long bildim ol konfidens bilong ol em long apim nem bilong ol taim ol teik pat long lainim. We bai yu aplaim dispela ol aidia wantaim ol ektiviti insait long autlain?
Long moa aidia, lukim megasin bilong dispela mun Friend megasin.
