Maski Inos i go long bus long painim ol enimol long kilim na kaikai, em i stap long hap olgeta de na i go long nait bikos “sol bilong em i hangre.” Dispela hangre i mekim Inos long “apim nek [bilong em] antap na i kamap long heven.” Em i toktok long dispela ekspiriens bilong em olsem wanpela pait em i bin gat long ai bilong God (lukim Inos 1:2–4). Long Inos yumi lainim olsem beten em i wanpela gutpela samting tru long kamap klostu long God na save long laik bilong Em. Taim yu beten wantaim dispela laik, yu bai painim moa yet, olsem Inos, olsem God i harim yu na i laikim yu tumas, ol lain yu lavim, na moa yet ol birua bilong yu (lukim Inos 1:4–17). Taim yu save long laik bilong Em, yu bai save gut moa long mekim laik bilong Em. Olsem Momon, yu bai “no inap save long olgeta samting; tasol Bikpela save long olgeta samting … ; olsem na, em i wok insait long [yu] long mekim olsem long laik bilone em” (Ol Toktok bilong Momon 1:7).
Ol ekspiriens bilong yu wantaim beten bai i no bikpela drama olsem bilong Inos, tasol i no min bai nogat mining. Hia em ol sampela askim yu ken tingim taim yu stadim Inos 1:1–17.
Wanem ol wods i tok klia long hat wok bilong Inos taim em beten?
Mi lainim wanem long Inos we i ken halivim mi mekim gut ol beten bilong mi?
Lukim tu “Enos Prays Mightily” (video), Gospel Library; “Sweet Hour of Prayer,” Hymns, no. 142.
Serim ol askim bilong diskasen. Sapos yu tisim ol narapela, tingting long putim ol askim yu laik diskasim long wanpela hap olgeta i ken lukim. Dispela bai halivim ol pipol tingting long ol askim na givim moa gutpela tingting.
Bikpela i ken halivim mi tanim tingting bilong ol famili bilong mi.
Ating i gat wanpela long famili bilong yu husat yu laikim long hallivim kam long Krais, tasol yu tingting sapos ol wok bilong yu i mekim sampela senis. Yu lainim wanem long Inos 1:1–4 long wei Jekop i tanim tingting bilong pikinini bilong em Inos? Eksampel,dispela hap tok “dispela lukaut na strongpela tok lukaut bilong Bikpela ” i min wanem long yu? Olsem wanem na yu ken invaitim dispela pasin bilong tanim bel bilong Em insait long hom bilong yu?
Taim yu tingim famili bilong yu, tingim ol dispela askim na ol risoses:
Elda Dieter F. Uchtdorf serim ol kaunsel bilong ol famili long “In Praise of Those Who Save” (Liahona, May 2016, 77–80). Toktok bilong em i kirapim tingting bilong yu long mekim wanem long strongim famili bilong yu? (lukim moa yet dispela seksen “Saving Our Families”).
Lukim tu ol Gospel Topik, “Family,” Gospel Library; “Home and Family—Through Small Things” (video), Gospel Library.
Mi ken kisim pogivnes taim mi eksasaisim feit long Krais.
Sampela taim yu bai tingting sapos ol sin bilong yu i pogiv pinis, maski bihain long yu tanim bel pinis. Wanem tingting yu kisim long ekspiriens bilong Inos long Inos 1:1–8? Olsem wanem Inos i soim feit bilong em long Jisas Krais pastaim and bihain long em i kisim pogivnes?
Taim mi traim long kipim ol komanman bilong Em, God bai blesim mi.
Ol buks bilong Jarom na Omnai i toktok long pasin bilong stap stret na kamap gut. Wanem samting yu lainim long Jarom 1:7–12; Omnai 1:5–7, 12–18? Olsem wanem na ol mining bilong prosperiti long wol i narakain long mining bilong Bikpela? Olsem wanem na Bikpela i halivim ol pipol bilong Em long kamap gut? (lukim Alma 37:13; 48:15–16).
Dispela invitesen “Kam long Krais” i kamap planti taim long Buk Momon. Tru tumas, wanpela mein pepos bilong buk em long givim invitesen long olgeta lain. Taim yu ritim Omnai 1:25–26, wanem ol wods na hap tok yu painim i toktok long kam long Krais? Bai yu mekim wanem long kam long Em olgeta?
God bai wok thru long mi taim mi bihainim gaidens bilong Em.
Wanpela risen Bikpela i bin givim tingting long Momon long putim wantaim dispela ol liklik plet bilong Nifai insait long Buk Momon em bikos Em i bin save olsem ol 116 pes bai lus (lukim Doktrin na ol Kavanen 10; Seints, volume 1, chapter 5). Bilong wanem na yu pilim tenkyu olsem Momon i bihainim toktok bilong Bikpela long putim wantaim ol dispela raiting (1 Nifai i kam thru long Omnai)? Momon i givim ol wanem risen long putim ol wantaim? (lukim Ol toktok bilong Momon 1:3–7). Wanem taim yu bin lukim God i wok thru long yu or ol narapela?
“Mi ken toktok long Papa long Heven thru long prea.
Olsem wanem bai yu halivim ol pikinini bilong yu mekim ol prea bilong ol i gat mining? Soim ol long piksa bilong Inos i pre; larim ol i toktok long wanem ol i lukim. Ol ken pasim ai bilong ol na tingim olsem ol i toktok long Papa long Heven long ai bilong em. Ol bai laik toktok long wanem? Em bai tok wanem long ol?
Taim yu ritim laud Inos 1:1–5, ol yangpela pikinini i ken makim Inos na ektim olsem ol i hanting, nildaun long pre, na kain olsem. Ol bikpela pikinini i ken harim ol toktok i tok klia long ol prea bilong Inos. Ol dispela toktok i tokim yumi wanem long prea bilong Inos? Serim wanpela ekspiriens taim sol bilong yu i bin “hangere” na yu “krai i go long ” Bikpela (Inos 1:4).
Olsem wanem bai yu halivim ol pikinini bilong yu save Papa long Heven bai harim na bekim prea bilong ol? Invaitim ol long listim ol sampela samting ol bai pre long ol. Yu ken halivim ol painim wanem Inos i bin pre long em insait long Inos 1:2, 9, 13–14, na 16 (lukim tu “Chapter 11: Enos,” Book of Mormon Stories, 30–31).
Wanem ol samting i kamap long prea bilong Inos? (lukim verses 6, 9, 11).
Yumi lainim wanem long ekspiriens bilong Inos hau bai yumi mekim gut long ol prea bilong yumi?
Singim wantaim wanpela singsing long prea, olsem “A Child’s Prayer,” (Children’s Songbook, 12–13). Ol pikinini i ken apim han bilong ol olgeta taim ol i harim dispela tok “pre” o “prea” o narapela tok i ripit. Tokim ol pikinini bilong yu long ol sampela wei Papa long Heven i bekim prea bilong yu.
Momon bihainim gaidens bilong Holi Gos long putim wantaim ol liklik plet bilong Nifai insait long Buk Momon. Olgeta samting yumi stadim dispela yia i kam long yumi bikos omon i mekim sois long harim Spirit. Olsem wanem bai yu halivim ol pikinini bilong yu lainim long harim spirit? Invaitim ol long ritim ol ves long Ol toktok bilong Momon 1:3–8. Yu ken toktok long wanem ol i lainim ol wanwan ol dispela ves. Bihain ol pikinini bilong yu bai:
Serim wanem ol i lainim long ol stori long Buk Momon dispela yia (ol piksa i kam long Kam, Bihainim Mi i ken halivim ol tingim).
Singim wantaim wanpela singsing, olsem “The Still Small Voice” (Children’s Songbook, 106–7).
Toktok long ol ekspiriens we Spirit i gaidim ol long mekim samting i blesim narapela.
Long moa aidia, lukim dispela isu bilong Friend megesin.
