Mei 6–12: “Insait long Strong bilong Bikpela.” Mosaia 7–10
Mei 6–12: “Insait long Strong bilong Bikpela.” Mosaia 7–10,” Kam, Bihainim Mi—Bilong Hom na Sios: Buk Momon 2024 (2023)
“Mei 6–12. Mosaia 7–10,” Kam, Bihainim Mi—Bilong Hom na Sios: 2024 (2023)
Piksa
Ammon i tisim King Limhi
Minerva Teichert (1888–1976), Ammon before King Limhi, 1949–1951, wel antap long masonait, 35 15/16 × 48 inches. Brigham Young University Museum of Art, 1969.
Taim ol pipol bilong King Mosaia i stap hamamas “long gutpela bel isi na sindaun” long Zarahemla (Mosaia 7:1), tingting bilong ol i go long ol narapela lain bilong Nifai, husat planti yias pastaim i bin kam stap long dispela graun bilong Lihai-Nifai. Planti jeneresen i pinis, na ol pipol bilong Mosaia i no harim long ol dispela lain. Olsem nau, Mosaia i askim Ammon long lidim wanpela pati long painim ol dispela Nifai husat i bin lusim ples. Dispela pati painim olsem ol dispela lain bilong Nifai, “bikos long pasin nogut” (Mosaia 7:24), i stap long kalabus long ol lain bilong Leman. Tasol taim Ammon na ol brata bilong em i kamap, hariap tru i gat hop long kamap fri.
Sampela taim yumi olsem ol dispela kalabus, yumi karim hevi bikos long sin bilong yumi, yumi tingting planti olsem wanem na yumi bai painim bel isi gen. Sampela taim yumi olsem Ammon, yumi pilim olsem yumi mas putim han i go aut long ol narapela na paini olsem ol hat wok bilong yumi i kirapim tingting bilong ol long “liptimapim het [bilong ol], na hamamas, na putim tras [bilong ol] long God” (Mosaia 7:19). Maski wanem kain sindaun, yumi olgeta nid long tanim bel na “tanim i go long Bikpela wantaim olgeta bel bilong yumi,” wantaim feit olsem “em bai … kisim [yumi]” (Mosaia 7:33).
Taim em i bungim Ammon King Limhai i gat hop, na em i laikim olsem pipol bilong em bai pilim dispela hop. Ating ol toktok bilong em i ken givim yu hop tu. Long dispela, lukluk go bek long sindaun bilong ol pipol bilong Limhai long Mosaia 7:20–25. Tingting long ol dispela askim taim yu ritim Mosaia 7:14–33:
Limhai i tok wanem long ol pipol bilong em long strongim feit ba hop bilong ol long Krais?
Wanem ol hap tok i halivim yu plim hop? (lukim veses 19, 33).
Wanem ol ekspiriens i halivim yu trastim olsem God bai rausim yu long ol hevi bilong yu?
Long Mosaia 7:26–27, Limhai i tok klia long ol sampela toktru Abinadi i tisim. Wanem ol toktru yu ken luksave long ol dispela ves? Olsem wanem ol dispela toktru i senisim wei yu lukim God na yu yet?
Lukim tu Russell M. Nelson, “Your Body: A Magnificent Gift to Cherish,” Liahona, Aug. 2019, 50–55.
Bikpela i givim ol profet sia, na ol reveleta bai ol man i kisim gutpela ol samting.
Taim Limhai i harim testimoni bilong Ammon long Bikpela i kirapim wanpela sia, Limhai “i hamamas tumas, na givim tenkyu long God” (Mosaia 8:19). Bilong wanem yu ting em i pilim olsem? Wanem samting yu lainim long ol sia long toktok bilong Ammon long Mosaia 8:13–19?
Tede, yumi sasteinim Nambawan Presidensi na Kwarum bilong ol Twelpela Aposel olsem ol profet, sia na ol reveleta. Olsem wanem na ol i stap “wanpela gutpela samting” long yu? (Mosaia 8:18). Ol i tisim yu wanem long Jisas Krais?
Olsem wanem na yu, olsem Ammon, i toktok stret long nid bilong ol profet, sia, na ol revelata? (lukim Mosaia 8:13–18). Eksampel, yu ken serim wanem wantaim famili bilong yu o long sosel midia long:
Toktru i kam bek long taim bilong yumi wantaim Joseph Smith na ol narapela profet bilong Bikpela (olsem wei bilong God,, yumi kam long Em, o dispela famili bilong oltaim). Wanpela riviu bilong “Restoresen bilong Fulnes bilong Gospel bilong Jisas Krais” o “Famili: Tokaut I Go Long Wol” (Gospel Library) bai halivim yu tingim ol dispela toktru.
Blesing bilong ol komanmen o odinens (olsem Lo bilong Helt, lo bilong sastiti, siling bilong ol famili).
Las mun, yumi harim long ol profet, sia na ol reveleta long jeneral konferens. Wanem ol toktok i kirapim tingting bilong yu? Wanem bai yu mekim narakain bes long wanem yu lainim? Wanem ol sia bilong Bikpela i tok long “ol samting bai kam”? (Mosaia 8:17).
Lukim tu Gospel Topiks, “ol profet,” Gospel Library.
Mi ken pesim ol salens bilong mi “insait long strong bilong bikpela.”
Zeniff i tokaut ol asua bilong em i putim ol pipol bilong em long hevi. Tasol bihain, long taim bilong pait agensim ol lain bilong Leman, em i halivim ol pipol bilong em pesim ol salens bilong ol wantaim feit long Bikpela. Taim yu ritim Mosaia 9–10, lukim wanem ol pipol bilong Zeniff i mekim long soim feit bilong ol. Olsem wanem God i strongim ol? Olsem wanem Em i strongim yu? Em i min wanem long go het “long strong bilong Bikpela”? (Mosaia 9:17; 10:10–11).
Ol sois bilong mi i ken senisim ol jeneresen bai kam bihain.
Taim yu ritim Mosaia 10:11–17, luksave long olsem wanem ol pasin bilong ol jeneresen bilong ol lain bilong Leman i senisim ol jeneresen i kam bihain. Dispela i tok wanem long olsem wanem ol sois bilong yu bai senisim ol narapela—wantaim ol lain i no bon yet?
Yusim ol leson bai soim mining. Ol dispela kain leson bai mekim lainim i gutpela. Ating wanpela lain ol dominos i ken soim olsem sois bilong ol pipol i ken senisim ol tumbuna bilong ol (lukim Mosaia 10:11–17).
God i bin halivim ol pipol insait long ol skripsa, na Em i kem halivi mi.
Taim ol pipol bilong em i stap long trabel, King Limhai i serim ol skripsa long stromgim feit bilong ol. Askim ol pikinini long ol skripsa stori o lain husat i halivim ol gat feit. Bihain yu ken ritim Mosaia 7:19 long ol na lukim ol stori i stap long dispela ves (lukim “The Passover” and “The Israelites in the Wilderness” in Old Testament Stories, 70–76). Ating ol pikinini bilong yu i ken ektim ol aut. Olsem wanem na Bikpela i halivim ol pipol insait long ol dispela stori? Olsem wanem Em i ken halivim yumi?
Long moa eksampel long olsem wanem Bikpela i halivim yumi, makim sampela ves long “Book of Mormon Stories” o “Nephi’s Courage” (Children’s Songbook, 118–19, 120–21) long singsing wantaim ol pikinini bilong yupela. Halivim ol luksave olsem wanem Bikpela i halivim ol pipol lng Buk Momon taim—na olsem wanem Em i ken halivim nau.
Wanpela wei long tisim long ol sia em long lukim ol olsem ol samting i halivim yumi lukim gut ol samting, olsem ol aiglas, binokula, o maikroskop. Bihain taim yu ritim Mosaia 8:17 long ol pikinini bilong yu, ol i ken putim han i go antap long ai bilong ol olsem ol i lukluk long binokula olgeta taim ol i harim dispela tok “sia” (lukim tu Moses 6:35–36). Toktok wantaim ol long ol dispela samting Bikpela i halivim ol profet “lukim” we yumi no inap long lukim. Wanem samting ol profet o sia, bilong yumi olsem Joseph Smith, i autim long yumi?
Bihain long ritim Mosaia 8:16–18 wantaim ol pikinini bilong yu, yu ken halivim ol tingim ol wei long pinisim sentens olsem Sia em i olsem wanpela … usat i halivim yumi … . Eksampel, sia em olsem trafik sain i pointim yum i go long Jisas.
Yu ken mekim tu ol pepa lekmak na invaitim ol pikinini bilong yu long drowim ol piksa antap long ol long ol samting ol profet, sia na reveleta i kaunselim yumi long mekim. Putim ol lekmak long wanpela hap long rum, na larim ol pikinini bilong yu wokabaut antap long ol lekmak. Olsem wanem sia i ken “wanpela bikpela gutpela samting” long yumi? (lukim Mosaia 8:17–18).
Taim ol pikinini i pesim ol salens, ol save pilim wik na nogat halivim. Olsem wanem bai yu halivim ol pikinini bilong yu rilai long strong bilong Bikpela? Yu ken askim ol wanem yumi save mekim long kamap strong. Em i min wanem long gat “strong bilong ol man”? (lukim Mosaia 10:11). Em i min wanem long gat “strong bilong Bikpela”? (lukim Mosaia 9:17–18; 10:10). Olsem wanem yumi kisim strong long Bikpela? Ol pikinini bilong yu i ken drowim wanpela piksa long ol saming i halivim ol kisim strong long Bikpela.
Long moa aidias, lukim isu bilong dispela mun Friend megesin.
