Sampela taim yu save kisim dispela tingting sapos ol lain i ken senis trutru? Ating yu save wari long sapos yu i ken winim ol nogut sois yu bin mekim o ol nogut pasin yu kamapim, o yu igat wankain ol wari long ol lain yu laikim tru. Sapos yu gat tingting olsem, dispela stori bilong ol Entai-Nifai-Lihai inap halivim yu. Dispela ol pipol i bin ol man birua bilong ol Nifaits. Taim ol pikinini bilong Mosaia i bin laik tokaut long dispela gospel long ol, ol Nifaits “bin laf long [ol] nogut tru.” Kilim ol Lamanait i luk olsem gutpela solusen na long weit long senisim ol. (Lukim Alma 26:23--25.)
Tasol ol Lamanait bin senis—thru long pawa bilong tanim bel bilong Jisas Krais. Ol bin save long ol olsem “nogut na ol wail lain” (Alma 17:14), tasol ol kamap “ol narapela lain olgeta bilong wanem ol i givim tru bel bilong ol i go long God” (Alma 27:27). Trutru, ol “ino bin pudaun gen” (Alma 23:6).
Ating yu gat sampela tingting o ol pasin long senis o “lusim ol samting … bilong sakim tok” long putim go daun (Alma 23:7). O yu nid long kamap liklik moa long laikim God. Maski long wanem ol senis yu nidim, Alma 23--29 ken givim yu hop olsem thru long dispela atonin pawa bilong Jisas Krais, senis long stap longpela-taim i ken kamap.
Pasin bilong tanim bel bilong mi long Jisas Krais na gospel bilon Em bai senisim laip bilong.
Ol Lamanaits luk olsem ol les long tanim bel, tasol planti bilong ol lukim ol mirakol senis bikos long Jisas Krais. Dispela ol Lamanaits husat kolim ol yet Entai-Nifai-Lihai.
Ritim Alma 23–25; 27 bai mekim yu tingting long tanim bel trutru. Traim long lukim hau ol Entai-Nifai-Lihai bin senis—hau ol bin tanim bel “i go long Bikpela” (Alma 23:6). Dispela ol ves inap long statim yu:
Long wanem kain ol wei bin Jisas Krais na gospel bilong Em bin senism yu? Wanem taim yu bin pilim klostu long Em? Hau bai yu save olsem yu wok long tanim bel stap i go long Jisas Krais? Wanem samting Spirit i wok long mekim yu long wokim neks?
Lukim tu David A. Bednar, “Tanim bel i go long Bikpela” Liahona, Nov. 2012, 106-9; Dale G. Renlund, “Kontiniu long Strongim Komitmen long Jisas Krais,” Liahona, Nov. 2019, 22-25; Gospel Topik: “Kamap olsem Jisas Krais,” Gospel Library.
Bikos God i save marimari, Em i pogivim mi taim mi tanim bel.
Dispela senis olsem ol Entai-Nifai-Lihai bin lukim bin moa olsem long wanpela long pasin tasol--em bin wanpela senis trutru long bel long bilip insai long Jisas Krais na tanim bel. Sapos yu inap long painim wanpela trut long tanim bel insait long wanwan ves insait long Alma 24:7--19. Wanem dispela ol ves i tisim long marmari bilong God i go long ol lain husat i tanim bel? Wanem ol sampela moa ol trut yu lainim long Alma 26:17–22?
Tingting long hau God bin soim marimari bilong Em insait long laip bilong yu. Hau bai yu inap long soim amamas bilong yu i go long Em?
Long serim dispela gospel save bringim amamas long mi.
Dispela toktok amamas stap 24 pela taim insait long Alma 23--29, mekim dispela ol sapta gutpela ples long lainim hau long kisim amamas long stap---na serim--dispewla gospel bilong Sevia. Tingting long stadim Alma 26:12--22,35--37; na 29:1--17, painim ol risen wai Amon, pikinini bilong Mosaia, na Alma bin amamas. Wanem samting yu lainim long dispela ol seksen i ken lidim yu oa long amamas insait long laip bilong yu?
Elda Marcus B Nash bin tis: “Serim dispela gospel save bringim hamamas na hop insait long ol sol bilong tupela husat i givim na kisim. … Serim dispela gospel em hamamas moa long hamamas, hop moa long hop” (“Holim i Go Antap dispela Lait bilong Yu,” Liahona, Nov. 2021, 71). Wanem kain ol pilin yu bin gat long taim yu bin serim dispela gospel wantaim ol narapela? Wanem ol salens yu bin bungim taim yu painim long serim dispel gospel? Hau bai Papa long Heven bai halivim yu long winim dispela ol salens?
Long profetik wei bilong mekim long hau long serim dispela gospel—na painim hamamas long mekim—tingting long stadim tok bilong Presiden Dallin H. Oak “Sharing the Restored Gospel,” (Liahona, Nov. 2016,57–60). Wanem ol aidia yu inap long painim insait long toktok bilong em?
Lukim tu “The Bush Family Story,” “Sharing Your Beliefs,” “Sharing the Gospel” (videos), Gospel Library.
Tingim long mekim wanpela lis yu bai ken serim wantaim wanpela poro long Buk Momon. Traim serim Buk Momom wantaim Buk Momon ep.
Painim ol peten na ol tim. Taim yu stadim dispela ol skripsa, mipela ken painim ol trut lukluk long ol toktok ol i ripitim gen, ol liklik hap raitin, o ol aidia Dispela ol aidia ol ripitim ken kamap kros--referens o linkim i go insait long ol skripsa bilong yu long mekim ol isi long lukim.
Mi ken painim Selta insait long Jisas Krais na gospel bilong Em.
Long taim bilong rausim kaikai, grain em ol save putim wantaim olsem bandol em ol save kolim Sivs na ol save putim long stoahaus, sampela taim ol i kolim ganas. Insait long Alma 26:5--7 tingting long wanem dispela ol sivs, ganas, na bikwin makim insaitb long laip bilong yu. Hau bai yu painim selta insait long Jisas Krais?
Lukim tu Russell M. Nelson, “Tempel na Spirisol Faundesen bilong Yu,” Liahona, Nov. 2021, 93–96; David A. Bednar,“Wantaim Hona Holim wanpela Nem long Sanap,” Liahona, Mei 2009, 97–100; “Jesus, Lover of My Soul,” Ol Singsing, no 102.
Bikpela i blesim mi taim mi traim long holim pas long ol promis bilong mi i go long Em.
Ating ol pikinini bilong yu i ken hamamas long planim ol “samting bilong pait” olsem ol Entai-Nifai-Lihai. Yu ken ritim sampela ol ves i kam long Alma 24:6--24 long tisim ol pikinini long ol promis Entai-Nifai-Lifai bin mekim long bihaim Sevia. Ol i ken bihain tingim ol sampela ol samting ol bai senisim long bihainim Em, raitim i go daun long ektiviti pes bilong dispela wik, na giaman olsem yu i digim wanpela hol na planim ol samting bilong pait.
Ol pikinini bilong yu inap ritim Alma 24:15--19, painim ol wanem samting ol dispela Entai-Nifai-Lihai bin mekim “olsem wanpela testimoni i go long God.” Bihain yu i ken toktok wantaim ol long hau ol kavanen bilong yumi i ken kamap “olsem wanpela testimoni i go long God” (ves 18). Larim ol pikinini bilong yu toktok long hau ol bai soim God olsem ol i laik long bihainim Em. Singim wanpela singsing olsem “I Want to Live the Gospel” (Children’s Songbook, 148) i ken kirapim bel bilong ol.
Long halivim ol pikinini bilong yu lluki hau Jisas Krais ken halivim yumi long senis taim mipela i tanim bel, yu i ken tisim ol long dispela ol Entai-Nifai-Lihai. Long mekim dispela, yu i ken makim tupela boul “bipo” na “bihain.” Bihain ol pikininio bilong yu i nap ritim Alma 17:14--15 na 27:27--30, raitim i go daun wanem ol Lamanait bin olsem wanem bipo na bihain ol i tanim bel, na putim ol insait long raitpela boul. Olsem long Alma 24:7--10, wanem i halivim ol long seni? Hau bai mipela i soim tenk yu bilong mipela i go long God long marimari bilong Em?
Jisas Krais i bringim amamas long mi, na mi ken serim dispela amamas.
Sapos yu na ol pikinini bilong yu bai amamas long drowim ol piksa bilong ol samting insait long gospel bilong Jisas Krais dispela i karim amamas i kam long yu. Serim ol piksa bilong yu wantaim ol pikinini bilong yu, na strongim ol long serim ol piksa bilong ol wantaim wanpela long halivim dispela man long pilim amamas tu.
Halivim ol pikinini bilong yu painim ol tok amamas na amamas moa insait long Alma 26 and 29. Wanem i bringim Amon na Alma amamas o bin mekim ol long amamas moa? Dispela askim i ken mekim yupela long toktok wantaim long dispela amamas i kam long stap o serim dispela gospel bilong Jisas Krais.
Mi ken halivim pren bilong mi long stap insait long dispela gospel bilong Jisas Krais.
Ol pikinini bilong yu inap ritim Alma 27:22--23, painim ol wanem samting ol Nifaits bin mekim long halivim dispela ol Entai-Nifai-Lihai long kipim ol promis biilong ol long noken pait gen. Hau bai mipela i halivim ol pren bilong mipela long kipim ol promis bilong ol? Ol pikinini bilong yu inap giaman-pilai long ol situesen. Olsem eksampel, wanem bai tokim wanpela pren husat i laik long giaman toktok o soim min pasin?
Long moa aidia, lukim megasin bilong dispela mun
Friend
megasin.
