Disemba 9–15: “Bai Krais i litimapim Yu Antap.” Moronai 7–9
Disemba 9–15: “Bai Krais i litimapim Yu Antap.” Moronai 7–9,” Kam, Bihainim Mi—Bilong Hom na Sios: Buk Momon 2024 (2023)
Disemba 9–15. Moronai 7–9,” Kam, Bihainim Mi—Bilong Hom na Sios: 2024 (2023)
Piksa
Raiting bilong Momon antap long ol gol plet
Minerva Teichert (1888–1976), Moronai: Wanpela Laspela Nifai man, 1949–1951, oil antap long masonait, 34 3/4 × 47 inses. Brigham Young University Museum of Art, 1969
Pastaim long Moronai i pinisim rekot yumi save tede olsem Buk Momon wantaim ol laspela toktok bilong em, em i serim tripela toksave ikam long papa bilong em,Momon: wanpela adres i go long ol “ol lain i gat bel isi bihainim Krais ” (Moronai 7:3) na tupela leta Momon i raitim igo long Moronai. Ating Moronai putim wantaim ol dispela toksave insait long Buk Momon bikos em i lukim ol wankain hevi long taim bilong ol na taim bilong yumi. Taim ol dispela toktok ol i bin raitim, ol lain bilong Nifai i bin wok long tanim baksait long Seivia. Planti bilong ol i “lusim dispela lav, bilong wanpela narapela” na hamamas long “olgeta samting we i no gutpela” (Moronai 9:5, 19). Tasol Momon i painim yet hop, tisim yumi olsem hop i no min long noken bisi long ol hevi bilong dispela graun. Hop em i min long gat feit long Papa long Heven na Jisas Krais, husat pawa bilong em i bikpela moa na i bai stap oltaim moa long ol dispela hevi. Em i min “re[di] long holim olgeta gutpela samting” (Moronai 7:19). Em i min larim Atonmen bilong Jisas Krais “na hop bilong glori bilong em na laip oltaim, malolo long tingting ” (Moronai 9:25).
Lait bilong Krais halivim mi save long toktru long giaman.
Planti lain i tingting, “Olsem wanem mi bai save tingting i kam long God o long mi yet?” o “Wantaim planti giaman long dispela taim, olsem wanem bai mi save wanem i rait o rong?” Ol tok bilong Momon long Moronai 7 givim yumi sampela ol prinsipel yumi ken yusim long bekim ol dispela askim. Painim ol long veses 12–20. Yu bai yusim ol dispela toktru long halivim yu skelim ol toktok yu painim na ekspiriens yu gat dispela wik.
Lukim tu Gaid i go long ol Skripsa, “Light, Light of Christ,” Gospel Library; “Patterns of Light: Discerning Light” (video), Gospel Library.
Bikos long Jisas Krais mi ken “holim olgeta gutpela samting.”
Momon askim wanpela kwesten we i impoten tumas tede: “Olsem wanem em i nap [long] holim olgeta samting?” (Moronai 7:20). Bihain em i tisim ol long feit long Jisas Krais, hop na siariti. Taim yu ritim veses 20–48, lukim olsem wanem wanwan pasin i halivim yu painim na “holim” ol gutpela samting i kam long Jisas Krais. Bilong wanem na ol dispela pasin i impoten long wanpela disaipol bilong Jisas Krais?
Lukim tu “Ol Tising bilong Momon long Feit, Hop, na Siariti” (vidio), Gospel Library.
Momon i lukim olsem feit na hop bilong yumi long Jisas Krais i mekim yumi i gat siariti. Tasol wanem em siariti? Yu bai raitim Siariti em i … na bihain ritim Moronai 7:44–48, painim lainim ol toktok bilong pinisim dispela sentens. Taim yu pinis, tingim long senisim dispela tok Siariti wantaim nem Jisas Krais. Dispela i tisim yu wanem long Seivia? Olsem wanem Jisas Krais i soim piua lav bilong Em? Tingim ol eksampel i kam long ol skripsa na laip bilong yu yet.
Presiden Dallin H. Oaks i lukim: “Dispela risen siariti i no save feil na risen siariti i bikpela moa long ol bikpela gutpela pasin … i olsem siariti , ‘dispela piua lav bilong Krais’ [Moronai 7:47], i no wanpela wok tasol em i pasin bilong stap. … Siariti em samting wanpela i ken kamap” (“The Challenge to Become,” Ensign, Nov. 2000, 34). Wantaim dispela toktok long tingting, yu bai ritim toktok bilong Elda Massimo De Feo “Pure Love: The True Sign of Every True Disciple of Jesus Christ” (Liahona, May 2018, Olsem wanem na siariti i senisim wok bilong yu olsem disapol? Olsem wanem na yu ken “holim pas long siariti”? (ves 46).
Lukim tu 1 Corinthians 13:1–13; Ita 12:33–34; “Love One Another,” Hymns, no. 308; “Charity: An Example of the Believers” (video), Gospel Library; Gospel Topics, “Charity,” Gospel Library.
Yusim ol samting long givim leson. Yu ken tingim wanpela stul bilong sindaun i gat tripela lek and klia gut long stap bilong feit, hop na siariti (lukim Dieter F. Uchtdorf, “The Infinite Power of Hope,” Liahona, Nov. 2008, 21–24).
Pasin bilong kros bai kisim yu go long sore na hevi.
Narakain long toktok bilong Momon long lav long Moronai 7:44–48, nambatu pas i go long Moronai i bin gat ol tok lukaut long samting planti i save painim hat wantaim tede—pasin bilong kros. Long Moronai 9:3–5, wanem em sampela asua i kamap taim ol lain bilong Nifai i stap wantaim pasin bilong kros? Wanem ol tok lukaut yumi ken kisim long veses 3–5, 18–20, 23?
Lukim tu Gordon B. Hinckley, “Slow to Anger,” Liahona, Nov. 2007, 62–66.
Mi ken gat hop long Krais maski wanem kain sindaun mi stap long en.
Bihain long em i toktok long ol dispela pasin nogut em i lukim, Momon i tokim pikinini bilong em long noken sore. Wanem gutpela tingting yu kisim long toktok bilong hop Momon i givim? Em i min wanem long yu long Krais i “litimapim [yu]”? Wanem ol pasin bilong Krais na prinsipol bilong gospel bilong Em i “stap gut long tingting bilong yu” na givim yu hop? (Moronai 9:25).
Lukim tu Russell M. Nelson, “Joy and Spiritual Survival,” Liahona, Nov. 2016, 81–84.
Sapos mi gat feit long Jisas Krais, Mi ken mekim wanem Em i nidim mi long mekim.
Tingting long lukim sampela piksa i soim wanpela insait long skripsa i meim wanpela impoten samting (lukim, olsem eksampel, Gospel Art Book, nos. 19, 70, 78, 81). Olsem wanem na feit long Krais i mekim dispela eksampel i narakain? Yu na ol pikinini bilong yu i ken ritim Moronai 7:33, painim samting yumi ken mekim taim yumi gat feit long Krais. Yu ken tu serim ol ekspiriens wantaim wanpela narapela taim God i blesim yu wantaim pawa long mekim laik bilong Em.
Taim yu ritim Moronai 7:41 long ol pikinini, ating ol i ken apim han bilong ol taim ol i harim samting Momon i tok yumi mas hop long en. Tokim ol long hop yu pilim bikos long Jisas Krais.
Yu na ol pikinini bilong yu ken tu tingim wanpela husat i gat hat taim wantaim sampela samting. Ating ol pikinini bilong yu i ken drowim wanpela piksa bilong dispela man o meri long halivim em i gat hop long Jisas Krais.
Mi ken gat hop long Jisas Krais, moa yet long taim bilong traim.
Long tisim ol pikinini bilong yu long hop long Jisas Krais, yu ken pulumapim wanpela klia konteina wantaim wara na dropim tupela samting i go insait —wanpela bai drip na narapela bai go daun. Taim yu ritim wantaim Moronai 7:40–41 na 9:25–26, ol pikinini bilong ken lukim hop save mekim wanem long yumi. Bihan ol bai skelim wanpela samting i flout dispela i drip long wanpela husat i gat hop long Krais. Olsem wanem Em i save “liptimapim [yumi] go antap” taim yumi pesim ol traim? Halivim ol pikinini bilong yu tingim ol we ol i ken kipim Seivia na ol tising bilong Em “long tingting [bilong ol] olgeta taim.”
Wanpela singsing long lav, olsem “Love One Another” (Children’s Songbook, 136), bai statim diskasen long siariti em i wanem. Yu ken ritim o samaraisim Moronai 7:47 na invaitim ol pikinini bilong yu long drowim ol piksa bilong ol yet soim lav long wanpela. Givim ol tingting long putim ol piksa we em bai halivim ol tingting long lavim narapela olsem Jisas i mekim.
Olsem wanem bai yu kirapim tingting bilong ol pikinini bilong yu long painim na kamapim dispela piua lav bilong Krais long laip bilong ol? Ating yu ken halivim ol tingim ol wei Jisas i soim siariti (lukim, olsem eksampel, Luke 23:34; John 8:1–11; Ita 12:33–34). Olsem wanem bai yu bihainim eksampel bilong Em?
Long moa aidia, lukim isu bilong dispela mun Friend megesin
