Sampela bai lukim plen bilong Mosaia long senisim ol king wantaim ol jas ol susim ol, i olsem wanpela gutpela wei long senisim ol lo. Tasol long dispela ol Nifait, dispela ol lain tasol husat i stap aninit long rul bilong bikhet King Noa, dispela senis tu bin gat gutpela long spiritol said bilong ol. Ol bin lukim hau dispela wanpela ino stretpela king bin wasim tingting bilong ol pipol bilong em, na ol bin “laikim tru olsem” long kamap fri long dispela kain pasin. Dispela senis inap larim ol long kamap risponsible long rait bilong ol yet na “ansa long sin bilong [ol] yet” (Mosaia 29:38).
Tru tumas, dispela pinis bilong ol rul bilong ol King ino min olsem i pinis bilong ol hevi insait long ol lain bilong Nifait. Ol smatpla ol pipol olsem Neho na Amlisai sapotim dispela ol giaman aidia, ol ino bilip manmeri kilim dispela ol Seints, na planti ol memba bilong Sios apim nem bilong ol yet na pudaun long sin. Tasol “dispela ol lain gat daun pasin husat bihaim God” stap “strong na holim pas na Ino Inap suruk” maski long wanem samting bin kamap raunim ol ( Alma 4:15; 1:25).
Mi ken kamap wanpela eksampel insait long komuniti bilong mi.
I go insait lonbg faivpela yia tasol long rul bilong dispela ol Jajes, wanepela hevi bin kamap dispela we bai traim tokaut bilong Mosaia olsem dispela nek bilong ol pipol bai olgeta taim susim wanem samting em i rait (lukim Mosaia 29:26). Stadim Alma 2: 1--7 long painim aut wanem dispela hevi na wanem ol Nifait bin mekim. Wanem samting i bin kamap sapos “dispela ol pipol bilong dispela Sios” ino bin mekim wanpela samting long harim nek bilong ol? Wanem samting gen yu inap lainim long dispela ol samting bin kamap long hau Bikpela i laikim yupela long wok wantaim insait long komuniti bilong yupela? lukim tu Mosaia 29: 26--27).
Wanem i dispela ol impoten salens ol komuniti bilong yupela woklong bungim long nau? Tingting long hau yupela, olsem ol Nifait, i ken mekim sua olsem ol nek bilong yupela em i tru tumas “dispela nek bilong ol pipol.” Wanem ol narapela wei yupela inap long kamap, olsem wanpela husat bihainim Jisas Krais, long kamap wanpela gutpela eksample long komuniti bilong yupela?
Lukim tu Dallin H. Oaks, “Lavim ol Man Birua billong Yupela,” Liahona, Nov. 2020, 26–29.
Dispela tok bilong God inap long halivim mi luksave long ol giaman doktrin.
Maski tasol Neho bin tokaut olsem wanem samting em bin tisim bin giaman, ol tisim bilong em gohet long wasim tingting bilong ol Nifait long planti yia. Bilong wanem na yu ting ol pipol bin laikim wanem samting Neho bin tisim? Insait long Alma 1:2--6, lukluk long dispela ol giaman tisin bilong Neho---na dispela ol trut em bin yusim long haitim dispela ol giaman.
Gidio strong long Neho “wantaim dispela ol toktok bilong God” (Alma 1:7,9). Long hia em sampela ol skrispsa em i soim ol ino tru pasin bilong Neho: :Matyu 7:21--23; 2 Nifai 26:29--31; Mosaia 18:24--26; na Hilaman 12:25--26. Traim long bungim dispela ol wanwan skripsa ves. Wanem samting yu lainim i kam long ol profet i stap laip, i soim ol giaman tisin long dispela taim bilong mipela?
Ol trupela disaiple bilong Jisas Krais em “ol lain bihaim God wantaim daun pasin.”
Sapta 1 na 4 bilong Alma tok klia long ol taim dispela Sios bin gro, tasol ol Sios memba bin bekim long dispela gro long narakain wei. Olsem eksample, skelim Alma 1:19--30wantaim Alma 4:6--15 na lukim hau ol Sios memba senis insatt long sampela yia tasol. Long ol as samting yu bin ridim, hau ol trupela folowa bilong Jisas Krais pilim long dispela ol lain husat gat ol narapela kain bilip? Wanem kain ol pasin ol trupela ol foloa bilong Krais i gat i go long ol lain husat i gro na i gat planti samting? Wanem samting yu pilim mekim yu long senisim ol pasin bilong yu yet?
Skelim dispela ol skripsa long yu yet. Taim hau dispela ol stori na ol tisin bilong dispela ol skripsa aplai long laip bilong yu yet. Olsem eksaple, yu inap painim ol sampela samting i wankain namel long ol hevi yu lukim long tude na dispela ol hevi ol Nifait bin bungim insait long Alma 1--4.
Eksampol bilong mi na testimoni inap long senisim ol bel bilong ol narapela.
Olsem yu inap long soim koneksen long dispela sore Alma bin pilim taim em bin lukim wanem samting bin kamap namel long ol pipol bilong em. Lukluk long dispela ol hevi em bin lukim insait long Alma 4:6--15. Yu luksave long sampela ol wankain ol hevi tu? Olsem yu i wari long wanpela man o meri yu lavim husat i bungim dispela ol wankain hevi? Yu bin tingim tu wanem samting yu inap long mekim long halivim ol narapela?
Sapela bai tok olsem Alma, olsem bikpla jas, bin dispela stretpela man long stretim dispela ol hevi. Tasol Alma bin pilim olsem i bin gat narapela gutpela wei. Taim yu ritim ves 16–20, wanem samting mekim yu pilim gutpela long dispela wei long halivim ol pipol bilong em?
Alma bin gat bikpela bilip insait long dispela tok bilong God na “piua testimoni” (ves 19). Wanem ol eksample yupela bin lukim bilong dispela pawa bilong piua testimoni? Taim yupela i tingting long ol sampela ol kainkain wei yupela inap long serim testimoni bilong Jisas Krais na gospel bilong Em, yupela i ken ritim gen Alma 4:6--14. Wanem ol pasin bilong ol Sios memba insait long dispela ol ves soim testimoni bilong ol long Jisas Krais na ol tisin bilong Em? Wanem samting yu inap long lukim long ol samting i kamap bikos long ol pasin bilong ol--long ol yet na long ol narapela? Yupela i ken tingim tu ol wei yupela bin bles bikos long ol piua testimoni bilong ol narapela,sapos em bin serim thru long ol toktok o long ol pasin.
Tingting long ol wei yupela i ken serim testimoni bilong Jisas Krais--long ol toktok o long ol pasin. Husat yu ken kisim gutela samting i kam long witnes bilong yu?
Lukim tu Gary E. Stevenson, “Nourishing and Bearing Your Testimoni,” Liahona, Nov. 2022, 111–14, “Testimoni,” Ol Singsing, no. 137; “Alma the Younger Steps Down as Chief Judge” (video), Gospel Library; Gospel Topics, “Revelations,” Gospel Library.
Bikpela i bai ken halivim mi long luksave long ol giaman doctrin.
Wanpela wei long stadim Alma 1:2--4 wanatim ol pikinini bilong yu em long halivim ol mekim wanpela tru-o-giaman kwis yusim dispela ol toktok i kam long Neho, wanpela giaman tisa. Na bihain yu ken toktok wantaim ol long wai Satan planti taim save putim wantaim ol tok tru wantaim ol giaman toktok. Halivim ol pikinin bilong yupela tingtign long sampela ol eksampol. Insait long ves 7--9, olsem wanem na Gidion bin sanap strong long ol giaman bilong Neho? (Lukim tu “Sapta 20: Alma na Neho,” Ol Stroi bilong Buk Momon, 54--55.)
Olsem wanpela memba bilong Sios bilong Jisas Krais, mi lavim na bai sevim ol narapela.
Sampela ol memba long Sios bilong Bikpela long taim bilong Alma bin ol manmeri bilong givim samting, na ol narapela memba bin ino gutpela na save apim nem bilong ol yet. Long halivim ol pikinini bilong yu lanim long dispela ol ekspiriens, yupela i ken ritim wantaim long Alma 1:27,30 na mekim wanpela lis long dispela ol kain pipol ol memba long Sios bilong Bikpela bin halivim. Husat yumi save we em i “[sanap] long nid” (Alma 1:30) long ol lav bilong yumi na halivim? Yupela tu i ken singim wantaim wanpela singsing long lav na sevis, olsem “Kindness Begins with Me” (Ol Singsing Buk bilong ol Pikinini, 145), na halivim ol pikinini bilong yupela tingim dispela ol pasin i ken go wantaim dispela singsing.
Wanem samting bai yumi mekim taim ol narapela ino soim gutpela pasin long yumi? Tingim long ritim wantaim ol pikinini bilong yu hau ol bin bagarapim ol foloa bilong Krais insait long Alma 1:19--20. Toktok long hau ol bin bekim dispela ol pasin insait long ves 22 na 25. Ating yu i ken praktis long ol wei long bekim taim ol narapela ino soim gutpela pasin long yu.
Planti taim dispela “piua testimoni” (Alma 4:19) bilong pikninin i bai ken givim gutpela strongpela tingting long ol narapela. Long halivim ol pikinini bilong yu painim aut dispela, yu i ken rit wantaim ol Alma 4:8--12,15, halivim ol long luksave long ol hevi we bin kamap insait long Sios. Wanem Alma inap long mekim we bai stretim dispela ol hevi? Halivim ol long painim aut wanem samting Alma bin tingting long mekim insait long Alma 4:16--20. Ating yu i ken serim namel long yupela yet long hau testimoni bilong narapela long Krais bin strongim yu.
Sapos ol pikinini bilong yupela nidim sampela eksampol long wanem em minim long testimoni, soim ol wanpela vidio klip bilong wanpela spika long generol konferens givim testimoni bilong em. Yu i ken tu yusim ektiviti peis bilong dispela wik o singsing wantaim long wanpela singsing olsem “Testimoni” (Ol singsing, no 137). Wanem samting yumi i lainim long dispela ol testimoni i kam long dispela ol risos? Larim ol pikinini bilong yu praktis long serim ol testimoni bilong ol.
Long kisim moa aidia, lukim megasin bilong dispela mun Friend megasin.