Namel long ol laspela toktok bilong Nifai i stap long rekot, yumi painim dispela tokaut: “Bikpela tok strong long mi, na Mi i mas bihainim tok” (2 Nifai 33:15). Dispela em i gutpela samari long laip bilong Nifai. Em i traim long klia gut long laik bilong God na i sanap strong na bihainim—maski i min olsem em i kisim taim long kisim ol bras plet long Laban, bildim bot na krosim solwara, o em i feitful na tisim doktrin bilong Krais klia tru na wantaim pawa. Nifai ken tok strong long nid bilong “go het wantaim strongpela bilip long Krais,” long bihainim dispela “stretpela na liklik rot i go long laip oltaim” (2 Nifai 31:20, 18), bikos dispela em i rot em i bihainim. Em i save olsem dispela rot, maski i gat planti wok sampela taim, i gat hamamas tu, na “i no gat narapela wei o nem i stap aninit long heven we man i ken seif long kingdom bilong God” (2 Nifai 31:21).
Jisas Krais em i wanpela rot tasol long laip oltaim.
Sapos yu bai samaraisim dispela rot i go long laip oltaim long liklik toktok tasol, bai yu tok wanem? Lukim Nifai i toktok long dispela olsem wanem long 2 Nifai 31. Drowim wanpela rot na raitim long dispela rot sampela ol prinsipel na step yu painim long dispela sapta. Yu ken drowim sampela moa tingting long samari bilong yu long wanem Nifai i bin tisim long wanwan prinsipel.
Taim yu ritim 2 Nifai 31:18–20, skelim tingting bilong yu yet long ol wok bilong yu long “go het yet” long dispela gospel rot.
Lukim tu “Press Forward, Saints,” Hymns, no. 81; “Nephi Teaches the Doctrine of Christ” (video), Gospel Library.
Krais i setim eksampol bilong bihainim tok long yumi long taim Em i bin baptais.
Maski baptism bilong yu i kamap aste o longpela taim i go pinis, em i wanpela impoten taim. Yu kam insait long kavanen bilong oltaim long bihainim Jisas Krais. Tingting long baptisiim bilong yu taim yu ritim long baptisim bilong Seivia insait long 2 Nifai 31:4–13. Givim ol ansa long ol dispela kain askim i ken halivim:
Bilong wanem na Jisas i bin baptais? Bilong wanem na mi sus long baptais?
Wanem ol promis mi mekim taim mi baptais? Bikpela i promisim mi wanem? (lukim verses 12–13; lukim tu Mosaia 18:10, 13).
Olsem wanem bai mi soim mi gat komitmen long bihainim Jisas Krais?
“Man em i stap strong i go long arere wankain bai em i seiv.
Taim yu ritim 2 Nifai 31:15–20, askim yu yet, “Olsem wanem mi bai save mi wok long stap strong i go long pinis?” Wanem samting yu lainim long Nifai i halivim yu bekim dispela kwesten?
Elder Dale G. Renlund i tis: “Stap strong i go long pinis i no narapela insait long doktrin bilong Krais—olsem yumi pinisim ol fopela step na bihain go daun, kaikai tit, na weit long dai. Nogat, stap strong i go long pinis em long ripitim ol dispela step” (“Lifelong Conversion” [Brigham Young University devotional, Sept. 14, 2021], 2, speeches.byu.edu). Olsem wanem na yu ken ripitim ol steps insait long doktrin bilong Krais (feit, tanim bel, baptisim, kisim dispela Holi Gos)?
Thru long ol tok bilong Krais na Holi Gos, God bai soim mi wanem mi mas mekim.
Yu bin pilim olsem yu no klia long ol sampela steps long laip bilong yu? Ol lain bilong Nifai i bin pilim olsem tu (lukim 2 Nifai 32:1). Painim ansa bilong Nifai long 2 Nifai 32:2–9. Olsem wanem bai yu tok long wei bilong yu yet samting Nifai i tisim? Wanem ol ekspiriens i lainim yu olsem ol tok bilong Nifai i tru?
Mekim wanpela lis long ol sampela disisen o sindaun (nau na bihain ) we yu bai nidim gaidens bilong God. Yu lainim wanem long ves 2 Nifai 32 we bai halivim yu long kisim gutpela tingting long Em? Wanem bai lidim ol lain pipol i go “strongim ol bel bilong ol agens long Holi Spirit”? (2 Nifai 33:2).
Taim yu skelim ol kaunsel bilong Nifai, tingim olsem wanem yu save stadim ol toktok bilong Seivia. Yu bai to em i olsem liklik kaikai, namel kaikai o bikpela kaikai tru? Wanem i narakain long tingting bilong yu? Tingim olsem wanem yu ken mekim ekspiriens bilong yu wantaim Seivia olsem wanpela bikpela kaikai i gat hamamas. Ating yu ken kisim ol aidia long wanpela pren o famili memba.
Stap strong antap long ol toktok bilong Krais. I gat planti wei long stap strong long ol toktok bilong Krais, wantaim pasin bilong pre long kirapim tingting, askim ol kwesten pastain na long taim bilong stadi, painim ol mining bilong ol toktok, tingting na skelim ol referens, kism ol nous , painim ol tokktru bilong gospel, na putim ol dispela skripsa i go long laip bilong yu (lukim 1 Nifai 19:23).
Olsem wanem na yu bai invaitim Holi Gos long kamap poroman bilong yu long laip, na i no kam raun long yu wanwan taim tasol? Ritim tripela toktok bilong David A. Bednar long mekim dispela poroman bilong Holi Gos i kamap “tru tru samting” insait long “Receive the Holy Ghost” (Liahona, Nov. 2010, 94–97). Olsem wanem bai yu aplaim kaunsel bilong em?
Insait 2 Nifai 33, olsem Bifai i pinisim ol raiting bilong em, em i tok klia bilong wanem em i raitim. Wanem ol as yu painim long dispela sapta? Lukluk go bek long ol stori na tising yu ritim long 1 Nifai and 2 Nifai. Wanem i tanim tingting bilong yu na feit bilong yu long Jisas Krais moa yet?
Lukim tu “Nephi Records His Final Testimony” (video), Gospel Library.
I gat piksa bilong Jisas i wok long kisim baptisim long arere long dispela autlain. Ating ol pikinini bilong yu ken yusim long tokim yu wanem ol i save long dispela samting i kamap.(lukim tu Matthew 3:13–17). Bilong wanem na Jisas i laikim yumi long baptais olsem Em? Ol pikinini bilong yu i ken putim iau na harim ol risen taim yu ritim wantaim ol hap bilong 2 Nifaii 31:4–13. Em bai halivim sapos wanpela husat i kisim baptisim i no long taim tumas bai serim ekspiriens bilong em.
Jisas Krais i lainim mi olsem wanem mi bai go bek long Papa long Heven.
Long halivim ol pikinini bilong yu lukim ol tising insait long 2 Nifai 31, ol i ken drowim wanpela rot wantaim piksa bilong Krais long arere. Yu ken halivim ol painim o drowim ol piksa i makim ol step long dispela rot, olsem feit long Krais, tanim bel, baptisim, presen bilong Holi Gos, na stap strong i go long pinis. Ol i ken poin i go long ol piksa taim yu ritim 2 Nifai 31:17–20 wantaim.
Mi ken kisim strong antap long toktok bilong Krais.
Long tisim ol narapela long “kisim strong” long ol toktok bilong Krais, yu ken askim ol pikinini bilong yu long ektim aut olsem wanem ol i kisim strong long kaikai ol i save laikim tumas. Insait long 2 Nifai 32:3, wanem samting Nifai tok yumi mas kisim strong long en? Olsem wanem na kisim strong long tok bilong God em i narakain long pasin bilong rit tasol long en? Ating ol pikinini i ken ektim ol dispela narakain samting. Serim wantaim ol ol blesing yu kisim taim yu kisim strong long ol skripsa.
Bihain long yu ritim 2 Nifai 32:8–9, toktok wantaim ol pikinini bilog wanem Satan i no laikim yumi long pre. Bilong wanem na God i laikim yumi long pre olgeta taim”? Ol pikinini bilong yu i kem mekim li o drowim ol piksa long ol sindaun ol i kem pre long ol. Bihain yu ken singim wanpela singsing i tisim long pre, olsem “Did You Think to Pray?” (Hymns, no. 140). Yu ken senisim ol sampela tok long sinsging wantaim ol toktok long ol lis bilong ol. Olsem wanem na God bai blesim yumi taim yumi pre olgeta taim?
Long moa aidia, lukim isu bilong dispela mun Friend megesin.
