Pastaim yu kamap long 1 Nifai sapta 1, yu bai luksave olsem Buk Momon i no wanpela buk nating. Ol Tok Igo Pas peis i tok klia long stori bilong em i narakain tru—ol visit bilong ol enjel, rekot bilong tumbuna taim oli planim hait long maunten sait, na yangpela man i tanim tok bilong ol dispela rekot wantaim pawa bilong God. Buk Momon em ino wanpela histori rekot bilong ol tumbuna lain long Amerika tasol. Em i tok strong long olgeta “olsem Jisas i Krais” (taitel peis bilong Buk Momon), na God Em yet i dairektim hau ol i raitim, lukautim, na mekim stap na ples klia long yumi olgeta. Dispela yia, taim yu ritim Buk Momon, pre long em, na bihainim ol tising, yu bai invaitim pawa bilong Seivia ikam insait long laip bilong yu. Na yu bai pilim toktok bilong ol Tripela Witnes long testimoni bilong ol na tok olsem ol bin tok, “Em i naispela long ai bilong [mi].”
Stadim Buk Momon bai strongim feit bilong mi long Jisas Krais.
Dispela taitel peis bilong Buk Momon i givim moa long dispela taitel. Long ol narapela samting, em i listim sampela as bilong dispela sekret rekot. Lukim ol dispela as insait long taitel peis. Ol askim olsem dispela bai halivim yu long tingting: Long wanem yumi gat Buk Momon? Olsem wanem na Buk Momon i narapela kain long ol narapela buk.
Nau bai gutpela taim long mekim plen bilong yu yet o famili long ritim Buk Momon long dispela yia. Wanem taim na we bai yu ritim? Olsem wanem bai yu invaitim spirit i kam long stadi bilong yu? I gat sampela samting yu bai lukluk long painim taim yu stadi? Olsem eksampel, yu bai lukluk long ol hap tok i halivim long kamapim ol as tingting yu panim long taitel pes. Yu ken kipim lis bilong ol ves i save bildim feit bilong yu long Jisas Krais.
Wanpela promis bilong profet. Presiden Russell M. Nelson itok, “Mi promis olsem taim yu tingting long samting yu stadim [long Buk Momon], ol windo bilong heven bai op, na yu bai kisim ol ansa long ol askim na daireksen bilong laip bilong yu (“The Book of Mormon: What Would Your Life Be Like without It?,” Liahona, Nov. 2017, 62–63).
Holi Gos ken testifai long yu olsem Buk Momon i tru, maski yu no lukim ol gol plet olsem ol Tripela Witnes na Eitpela Witnes i bin lukim. Taim yu ridim ol toktok bilong ol, tingting long olsem wanem testimoni bilong ol i strongim testimoni bilong yu.
Wanem i kirapim bel bilong yu long we ol dispela witnes i serim testimoni bilong ol long Buk Momon? Skelim olsem wanem yu ken serim testimoni bilong yu long Buk Momon—moa yet dispela witnes bilong em long Jisas Krais. Eksampel, tingim sapos yu toktok long wanpela poro husat ino harim Buk Momon bipo. Wanem samting bai yu tok long Em? Olsem wanem bai yu traim long kirapim bel bilong em long ritim? Tingting long lukim gen dispela Tok Igo Pas long Buk Momon. Ating yu bai painim ol toktok insait long hap we bai yu ken serim wantaim poro bilong yu. Ol dispela vidio ating bai givim yu sampela aidia:
Tingim long mekim wanpela lis yu bai ken serim wantaim wanpela poro long Buk Momon. Traim serim Buk Momom wantaim Buk Momon ep.
Lukim tu Ronald A. Rasband, “This Day,” Liahona, Nov. 2022, 25–28; Ol Gospel Topik, “Buk Momon,” Gospel Librari; “An Angel from on High,” Hymns, no. 13.
Sapos wanpela i askim yu Buk Momon i kam long we, yu bai tok wanem? Olsem wanem bai yu tok klia long wok bilong God long givim yumi Buk Momon? Taim yu ritim testimoni bilong Joseph Smith, harim gut hao em i toktok long dispela. Long wanem samting yu ritim, olsem wanem yu ting God i pilim long impotens bilong Buk Momon?
Lukim tu Ulisses Soares, “The Coming Forth of the Book of Mormon,” Liahona, May 2020, 32–35; Saints, vol. 1, The Standard of Truth, 21–30; Ol Gospel Topik Ol Esei, “Buk Mormon Tanim Tok,” Gospel Laibrari.
Ritim Buk Momon halivim mi long gat feit long Jisas Krais.
Larim ol pikinini bilong yu holim na lukim wanpela kopi bilong Buk Momon. Halivim ol soim sabtaitel, Narapela Witnes bilong Jisas Krais. Yu bai halivim ol tu long painim, long taitel pes, dispela tok “Jisas i Krais, dispela Oltaim God, bai soim em yet long olgeta nesen.” Halivim ol save gut olsem dispela i min Buk Momon tisim yumi long Jisas Krais. Tokim ol hau Buk Momon i strongim feit bilong yu long Jisas Krais. Yu ken askim ol tu long feveret Buk Momon stori bilong ol. Singim “Book of Mormon Stories” (Children’s Songbook, 118–19) ken halivim ol tingim sampela ol dispela stori.
Ektiviti peis bilong dispela wik na piksa daunbilo ken halivim ol pikinini bilong yu save moa long ol dispela toktok bilong Joseph Smith insait long tok igo pas long Buk Momon: “Buk Momon em [i] kiston bilong lotu bilong yumi.” Em bai gutpela pilai long bildim o drowim wanpela bogen wantaim kiston long antap. Wanem bai kamap sapos kiston i raus? Wanem samting sapos long kamap taim yumi no bin gat Buk Momon? Yu bai rit wantaim laspela paragrap bilong tok igo pas long painim aut wanem gen yumi ken lainim taim yumi wanbel wantaim dispela toktru bilong Buk Momon. Olsem wanem bai yumi mekim Buk Momon dispela kiston bilong feit bilong yumi long Jisas Krais?
Long halivim ol pikinini bilong yu save gut moa wanem em i min long kamap witnes, yu ken tok klia long ol samting yu lukim pinis we ol i no lukim yet. Bihain larim ol i mekim olsem wankain long yu. Dispela ken kisim yu go long stori bilong ol elevenpela lain husat i bin lukim ol gol plet we Buk Momon i kamap long em. Taim yu ritim ol testimoni wantaim, yu ken toktok long wai ol dispela witnes i bin laik ol narapela long save long testimoni bilong ol. Yumi laik tokim husat long Buk Momon.
Buk Momon i kam long yumi wantaim pawa bilong God.
Long halivim ol pikinini bilong yu lainim hau God i givim yumi Buk Momon, yu ken ritim ol hap bilong “Testimoni bilong Profet Joseph Smith” long ol. Yu ken yusim tu “Chapter 1: How We Got the Book of Mormon” (insait long Book of Mormon Stories, 2–4). Ol pikinini bilong yu bai laik tu long ektim stori bilong sampela taim.
Long moa aidia, lukim isu bilong dispela mun bilong Friend megesin.
