Buk Momon i stat wantaim stori bilong wanpela famili i painim ol hat taim long laip bilong ol. Em i kamap long yia 600 BC, tasol igat ol samting long dispela stori i wankain long ol famili bilong tede. Famili bin stap long ples i gat pasin nogut, tasol Bikpela i promisim ol olsem sapos ol i bihainim Em, Em bai lidim ol i go long sefti. Wokabaut bilong ol i bin gat ol gutpela taim na ol taim nogt, ol bikpela blesing na mirakel, tasol ol i bin gat ol kros na pait tu. I no planti taim long skripsa bai yumi lukim dispela kain stori bilong famili i traim long stap insait long gospel: ol papamama traim hat long kirapim feit bilong ol famili na wari long sefti, ol pikinini tingting sapos ol bai bilip long ol papamama, na ol brata i gat jeles pasin na kros pait—na sampela taim pogivim wanpela narapela. Antap long olgeta, i gat pawa long eksampel bilong feit long famili ino stret.
Wanpela strongpela toksave insait long Buk Momon em long dispela“bikpela pe” bilong dispela tok bilong God (1 Nifai 5:21). Taim yu ritim 1 Nifai 1–5, lukluk long ol wei tok bilong God i blesim famili bilong Lihai (eksampel, lukim 1:11–15; 3:19–20; 5:10–22). Wanem samting ol dispela sapta i tisim yu long tok bilong God? Wanem samting yu painim i kirapim bel bilong yu long lukluk long ol skripsa?
Lukim tu “As I Search the Holy Scriptures,” Hymns, no. 277; “Scriptures Legacy” (video), Gospel Laibrari.
Mi ken kisim na strongim testimoni bilong mi taim mi tanim i go long Bikpela.
Nifai yumi save em i gat strongpela feit long Bikpela, tasol em i bin mas wok long kisim testimoni bilong em—wankain olsem yumi olgeta i save mekim. Wanem yu ritim insait long 1 Nifai 2 we i soim bilong wanem Nifai i bin gat witnes olsem ol tok bilong papa bilong em i tru? Bilong wanem na Laman and Lemuel i no bin kisim dispela witnes? (Lukim tu 1 Nifai 15:2–11). Wanem taim yu pilim Bikpela i mekim bel bilong yu i malumalu?
Lukim tu “Bikpela i tok strong long famili bilong Lihai long lusim Jerusalem” (vidio), Gospel Librari.
God bai redim wei bilong mi long mekim laik bilong Em.
Taim Bikpela i givim tok strong long ol pikinini man bilong Lihai long kisim ol bras plet, Em ino bin givim ol klia tok long hau ol bai kisim. Dispela em i tru long daireksen yumi save kisim long God, na em bai pil olsem Em i laikim yumi long mekim “wanpela hat samting” (1 Nifai 3:5). Wanem samting i kirapim bel bilong yu long bekim bilong Nifai long tok strong bilong Bikpela long 1 Nifai 3:7, 15–16?
Taim yu ridim 1 Nifai 3–4, lukluk na painim ol sampela hatpela samting Nifai i bin bungim. Olsem wanem na Bikpela i bin “redim wei ” bilong Nifai long “mekim na pinisim gut samting we em i bin [tok strong long em]”? Bilong wanem na em i impoten long save wanem Bikpela i bin mekim long Nifai?
Wanpela pawaful wei God i redim yumi long kipim ol komanmen bilong Em, em long salim Jisas krais long kamap Seivia bilong yumi. Skelim na ridim toktok bilong Presiden Dallin H. Oaks’s “What Has Our Savior Done for Us?” (Liahona, May 2021, 75–77). Hau Jisas Krais i redim wei bilong yumi wanwan? Yumi save olsem Em i winim olgeta samting long yumi, yu pilim wanem samting yu bai “go na mekim”?
Lukim tu “Nifai em Spirit i Lidim em igo long Kisim ol dispela Bras Plet” (vidio), Gospel Laibrari; Ol Gospel Topik, “Obedience,” Gospel Laibrari.
Yusim ol stori na eksampel long tisim ol gospel prinsipel. Taim yu redi long tis, tingting long ol ekspiriens bilong yu i ken kamap olsem namba tu witnes long ol stori i stap insait long ol skripsa. Eksampel, wanem taim Bikpela i redim wei bilong yu long mekim wok bilong Em?
Tingim ol wok bilong God bai givim mi feit long bihainim ol komanmen bilong Em.
Taim Leman na Lemuel i bin pilim olsem ol i laik toktok baksait na komplein, ol bin save gat Nifai na Lihai wantaim ol long strongim ol. Taim yu pilim olsem yu laik tok baksait, yu ritim toktok bilong Nifai na Lihai em bai halivim yu. Hau Nifai na Lihai i traim long halivim ol narapela bildim feit long God? (lukim 1 Nifai 4:1–3; 5:1–8; lukim tu 1 Nifai 7:6–21). Wanem samting yu lainim we i ken halivim yu long taim yu kisim temtesen o tok baksait o komplein?
Insait long 1 Nifai 4:5–18, wanem i kirapim bel bilong yu long strong bilong Nifai i luksave long Spirit na bihainim? Yu bai stadim toktok bilong Presiden Russell M. Nelson “Revelation for the Church, Revelation for Our Lives” (Liahona, May 2018, 93–96) long lainim moa long kisim revelesen i kam long Bikpela.
Hau Nifai i save wanem samting papa bilong em i tisim em i tru? Halivim ol pikinini bilong yupela painim ol ansa long dispela kwesten insait long 1 Nifaii 2:16, 19. Ol bai tu hamamas long raitim ol eksen bilong Nifai long ol blok o narapela samting na bihain bildim samting wantaim ol dispela. Dispela bai lidim yu go long toktok moa long hau dispela ol eksen bai ken halivim long bildim testimoni bilong yumi.
Yu ken soim ol pikinini bilong yu ol piksa o ol samting we i makim ol samting ol bai painim testimoni long em, olsem kopi bilong Buk Momon, o piksa bilong Jisas Krais, temple o profet. Invaitim ol long kisim wanpela Buk Momon o piksa bilong Jisas Krais, temple o profet na serim testimoni bilong ol long em. Yu ken tokim ol pikinini bilong yu tu hau yu bin kisim testimoni bilong yu. Bilong wanem na yumi nidim testimoni bilong yumi yet?
Skelim na yusim wanpela o moa long ol dispela risos long halivim ol pikinini bilong yu toktok long olsem wanem God i halivim Nifai long kisim ol bras plet: 1 Nifai 3–4; ektiviti peis bilong dispela wik; “Nephi’s Courage” (Children’s Songbook, 120–21); na “Chapter 4: The Brass Plates” (insait long Buk Momon Stories, 8–12).
Yu na ol pikinini bai hamamas long mekim ol rol ple 1 Nifai 3:2–7. Ating yu bai giaman kamap olsem Lihai na askim ol pikinini bilong yu long go bek long Jerusalem long kisim ol bras plet. Invaitim ol long bekim long toktok bilong ol yet olsem ol i Lemen na Lemuel o Nifai. Wanem ol sampela samting God i tok strong long yumi long mekim? (lukim pictures 103–15 insait long Gospel Art Book o Mosaia 18:8–10 long ol aidia). Hau bai yumi kamap olsem Nifai?
Ol skripsa i bin bikpela samting tru long Lihai na famili bilong em. Long soim dispela, yu ken invaitim ol pikinini bilong yu long halivim yu tokim o ektim wanem Nifai na ol brata bilong em i bin mekim long kisim ol bras plet: ol i wokabaut longpela rot, lusim ol gol na silva samting bilong ol, na hait insait long hul bilong maunten long sevim laip bilong ol. Bihain yu ken ritim 1 Nifai 5:21 na toktok long bilong wanem na ol skripsa i gutpela long famili bilong Lihai. Bilong wanem na ol i gutpela moa long yumi? Olsem wanem yumi ken lukluk long ol skripsa olsem ol gutpela samting tru?
Holi Gos bai lidim mi taim mi painim wei bilong mekim laik bilong Bikpela.
Bihain long yu rit wantaim ol pikinini long 1 Nifai 3 olsem wanem na Nifai na ol brata i kisim ol dispela bras plet, ritim wantaim ol pikinini long 1 Nifai 4:6 long painim aut wanem Nifai i bin mekim na em i bin win. Ol pikinini bilong yu i ken mekim lis bilong ol samting God i laikim ol long mekim. Olsem wanem na Holi Gos i halivim yumi long ol dispela kain sindaun ?
Long moa aidia, lukim isu bilong dispela mun bilong Friend megesin.
