Taim God i gat bikpela wok bilong profet bilong Em, Em bai givim dispela profet wanpela bikpela visen. Moses, Jon, Lihai, and Josep Smit olgeta i bin gat ol visen olsem—ol visen we i mekim tingting bilong ol go bikpela na halivim ol lukim dispela bikpela wok bilong God em wanem tru.
Nifai tu i bin gat wanpela long ol dispela visen i senisim laip bilong em. Em i bin lukim ministri bilong Seivia, bihain taim bilong ol tumbuna pikinini long promis len, na dispela las-de destini bilong wok bilong God. Bihain long dispela visen, Nifai bin redi gut long wok i stap i kam. Na ritim dispela visen ken halivim yu tu—God tu i gat wok bilong yu long mekim insait long kingdom bilong Em. Yu stap namel long ol “dispela seint bilong sios bilong pikinini sipsip” Nifai i bin lukim, “husat i stap nabaut long olgeta hap bilong ples graun; na ol i banisim ol yet wantaim stretpela pasin na pawa bilong God wantaim bikpela glori” (1 Nifai 14:14).
Lukim tu “Nifai Lukim wanpela Visen bilong ol Samting bai kamap Bihain Taim” (vidio), Gospel Laibrari.
God i salim Jisas Krais olsem sain bilong lav bilong Em.
Taim Nifai askim ensel long mining bilong diwai insait long visen bilong Lihai, ensel ken isi tasol i tok, “Em i makim lav bilong God.” Tasol, em i soim Nifai wanpela ol simbol na ol samting bai kamap long laip bilong Seivia. Lukluk na painim ol dispela simbol na ol samting bai kamap taim yu rit na tingting 1 Nifai 11. Yu painim wanem samting i halivim yu long save gut moa bilong wanem na Jisas Krais em i soim lav bilong God?
Yu ken tu tingting long lukim Bible Videos insait long dispela Gospel Librari i kamap wantaim ol samting Nifai i bin lukim. Olsem wanem na Seivia i halivim yu long pilim lav bilong Papa long Heven?
Lukim tu Susan H. Porter, “God’s Love: The Most Joyous to the Soul,” Liahona, Nov. 2021, 33–35.
Mi ken “banisim mi yet wantaim stretpela pasin” na pawa.
Nifai bai no inap long witnesim planti ol samting em i lukim long visen bilong em. Bilong wanem na yu ting em i impoten long Nifai long save long ol dispela samting? Bilong wanem na yu mas save long ol? Askim ol dispela kwesten olgeta taim yu ritim samting Nifai i bin lukim long visen bilong em (lukim 1 Nifai 12–14). Wanem ol tingting yu kisim long wok bilong yu insait long dispela “bikpela na … naispela wok bilong Bikpela”? (1 Nifai 14:7). Wanem sampela bikpela na naispela samting Em i wokim long yu?
Skelim dispela promis long 1 Nifai 14:14. Olsem wanem na Seivia i inapim dispela promis long laip bilong yu? (Sampela eksampel, lukim David A. Bednar, “With the Power of God in Great Glory,” Liahona, Nov. 2021, 28–30, moa yet dispela laspela tupela seksen.)
Wanem em dispela “bikpela sios i pulap long nogut pasin” Nifai i lukim?
Presiden Dallin H. Oaks i tok klia olsem dispela “bikpela sios i pulap long nogut pasin” Nifai i toktok long em i makim “ol bikpela tingting na oganaisesen o agensim bilip long God. Na dispela ‘kalabus’ long we dispela ‘sios’ bai lukluk long bringim ol seint bai no inap pas olgeta olsem ol kalabus tasol ol bai giaman na kalabusim tingting bilong ol” (“Stand as Witnesses of God,” Ensign, Mar. 2015, 32). Olsem wanem na Seivia halivim yu long abrusim—na ranawe long —dispela kalabus bilong ol giaman aidia?
God bai givim mi ansa sapos mi askim wantaim feit.
Yu save pilim olsem yu ino kisim revelesen bilong yu yet—olsem God ino toktok long yu? Wanem kaunsel Nifai i givim long ol brata bilong em taim ol i pilim olsem? Lukim 1 Nifai 15:1–11 Hau bai yu ken putim kaunsel bilong Nifai insait long laip bilong yu?”
Holim pas long tok bilong God halivim mi daunim strong bilong Satan.
Nifai i bin save gat ol bikpela samting long tokim ol brata bilong em. Tasol em i hamamas moa yet long tokim ol samting i stap insait long 1 Nifai 15:23–25. Wanem em toksave bilong Nifai, na bilong wanem yu ting em i pilim strong tumas long dispela?
Elder David A. Bednar i tis olsem “dispela tok bilong God” i ken minim ol skripsa, ol tok bilong ol profet i stap laip, na long Jisas Krais Em yet. Yu ting em i min wanem long “holim pas” long ol skripsa na ol toktok bilong profet nau istap? Em i min wanem long “holim pas” long Krais? Yu bai lukluk long painim ol ansa long ol dispela askim insait long toktok bilong Elder Bednar “But We Heeded Them Not” (Liahona, Mei 2022, 14–16).
Olsem wanem na holim pas long tok bilong God bai halivim yu sakim man nogut? Pulumapim wanpela tebol olsem long stretim ol tingting bilong yu:
Papa long Heven i salim Jisas Krais bilong wanem Em i lavim mi.
Long tisim Nifai long lav bilong God, wanpela ensel i soim Nifai ol samting bai kamap long laip bilong Seivia. Yu ken mekim wankain samting bilong ol pikinini bilong yu—givim ol piksa bilong ol samting Nifai i lukim insait long 1 Nifai 11:20, 24, 27, 31, na 33 (lukim Gospel Art Book, nos. 30, 35, 39, 42, 57). Taim yu ridim ol dispela ves, halivim ol pikinini bilong yu painim ol piksa i wankaim olsem. Wanem samting yumi lainim long Jisas Krais insait long ol dispela ves na piksa?
Singim wanpela singsing olsem “He Sent His Son” (Children’s Songbook, 34-35) em bai i ken halivim ol pikinini bilong yu pilim lav bilong God. Bihain long yu singsing, askim ol pikinini wanem ol i lainim long dispela singsing. Wanem samting yumi lainim long lav bilong God long 1 Nifai 11:22–23?
Yusim pasin bilong drowim ol piksa o piksa long halivim ol pikinini i lainim. Taim yu tisim ol pikinini bilong yu long wanpela skripsa stori, halivim ol long lukim long tingting bilong ol. Yu ken yusim ol piksa, vidio, papet, kostum na ol sampela moa samting olsem.
Long halivim ol pikinini bilong yu luksave long gutpela long ol “isi samting i nais tumas” tok tru long Buk Momon, yu ken drowim wanpela piksa na invaitim ol pikinini bilong yu long senisim o rausim ol hap bilong piksa long mekim luk narapela kain. Yu ken yusim dispela long tisim olsem ol samting long Baibel i bin senis na raus bipo i kam inap nau. Rit wantaim 1 Nifai 13:40 na toktok long hau Buk Momon (“dispela ol last rekot”) halivim yumi klia gut long dispela “ol isi na gutpela samting” we i bin lus long Baibel (dispela “namba wan” rekot). Wanem “isipela na gutpela” tok tru yu lainim long Buk Momon?
Dispela vidio “Buk Momon—wanpela Buk ikam long God” (Gospel Laibrari) ken halivim ol pikinini bilong yu lukim bilong wanem em i impoten long gat Baibel na Buk Momon wantaim. Ol pikinini bai hamamas long mekim gen ol piksa long vidio.
Holim pas long tok bilong God halivim mi paitim temtesen.
Givim ol pikinini bilong yu sans long serim wanem ol ken tingim long visen bilong Lihai. Em bai halivim long yusim wanpela piksa, olsem dispela long autlain bilong las wik. Wanem i stopim ol pipol,long kamap long diwai? Wanem halivim ol long kamap long en? Yu ken askim ol long painim ain stik long piksa. Rit wantaim 1 Nifai 15:23–24 long painim aut wanem samting ain stik i makim na olsem wanem em i ken halivim mipela.
Long moa aidia, lukim isu bilong dispela mun Friend megesin.
