Visen bilong Lihai long diwai bilong laip

Driman bilong Lihai, Steven Lloyd Neal i mekim

Janueri 15–21: “Kam na Kaikai long Prut.”

1 Nifai 6–10

Driman bilong Lihai—wantaim ain stik, klaut bilong tudak, bilding i gat spes, na diwai i gat “switpela moa yet” prut—em i wanpela kirapim bel invatesen long kisim ol blesing bilong lav bilong Seivia na atoning sakripais bilong Em. Tasol long Lihai, dispela visen em bin long famili bilong em tu: “Bikos long samting mi bin lukim, Mi gat as long hamamas long Bikpela bikos long Nifai na tu long Sem. … Tasol lukim, Leman na Lemuel, mi poret nogut tru bikos long yupela” (1 Nifai 8:3–4). Taim Lihai i pinis toktok long visen bilong em, em i krai long Lemen na Lemuel long “harim toktok bilong em, bai Bikpela i marimari long ol” (1 Nifai 8:37). Sapos yu bin stadim visen bilong Lihai planti taim, dispela taim tingting long em long wei Lihai bin mekim—tingim wanpela yu lavim. Taim yu mekim, lukaut bilong dispela ain stik, ol birua bilong bilding i gat spes, na swit bilong prut bai gat nupela mining. Na yu bai klia moa yet “olgeta piling bilong [dispela] naispela papamama” husat i kisim dispela narakain visen.

Ol aidia bilong Lainim long Haus na long Sios.

1 Nifai 7:6–21

Mi ken pogivim ol narapela.

Wanem samting i kirapim bel bilong yu long eksampel bilong Nifai long 1 Nifai 7:6–21? Olsem wanem bai yumi kisim blesing taim yumi “tok stret na pogivim” wanpela narapela? Dispela vidio “The Lord Delivers Nephi from His Rebellious Brothers” (Gospel Librari) ken halivim yu long stadi bilong yu.

1 Nifai 8

Holim pas long tok bilong God lidim mi igo long Seivia na halivim mi pilim lav bilong Em.

Visen bilong Lihai i givim yumi invitesen long lukluk long we yumi go long em long kamap moa olsem Krais. Presiden Boyd K. Packer i tok: “Yu stap insait long em; yumi olgeta i stap insait long em. Driman na visen bilong Lihai long dispela ain stik i gat olgeta samting wanpela Las­de Seint i nidim long klia gut moa long test bilong laip” (“Lehi’s Dream and You,” New Era, Jan. 2015, 2).

Taim yu stadi, tingting long raitim wanpela sat olsem dispela.

Sain i kam long visen bilong Lihai	Ol Mining	Ol Askim bilong tingting long bel
Sain i kam long visen bilong Lihai Diwai na ol prut bilong em (1 Nifai 8:10–12)	Ol Mining	Ol Askim bilong tingting long bel Mi mekim wanem long invaitim ol narapela long kisim lav bilong God?
Sain i kam long visen bilong Lihai Wara (1 Nifai 8:13)	Ol Mining	Ol Askim bilong tingting long bel
Sain i kam long visen bilong Lihai Stik bilong ain (1 Nifai 8:19–20, 30)	Ol Mining	Ol Askim bilong tingting long bel
Sain i kam long visen bilong Lihai Klaut bilong Tudak (1 Nifai 8:23)	Ol Mining	Ol Askim bilong tingting long bel
Sain i kam long visen bilong Lihai Bikpela bilding i gat spes (1 Nifai 8:26–27, 33)	Ol Mining	Ol Askim bilong tingting long bel

Yu ken painim ol dispela ves tu long lainim long ol fopela grup pipol Lihai i lukim: 1 Nifai 8:21–23, 24–28, 30, na 31–33. Wanem ol narakain samting yu lukim namel long ol dispela grup? Bilong wanem ol sampela pipol i lus bihain long ol i kamap long diwai na testim long prut (lukim ol ves 24–28)? Wanem samting yu lainim long dispela ekspiriens?

Lukim tu Kevin W. Pearson, “Stay by the Tree,” Liahona, May 2015, 114–16; “Lihai Lukim Visen bilong Diwai bilong Laip” (vidio), Gospel Laibrari.

Long gat intarektiv ekspiriens long helpim yu lainim visen bilong Lihai, klik long hia

Larim ol lain i lainim serim ol samting ol i painim. Tingting na invaitim ol lain i lainim long painim ol skripsa ol yet long ol tok tru ol i painim. Eksampel, yu ken invaitim ol long painim ol skripsa referens insait long sat ol yet o insait long liklik grup. Ol bai tingim na holim pas ol tok tru ol i painim.

pipol i holim ain stik i go long diwai bilong laip

Common Thread, Kelsy na Jesse Barrett i mekim

1 Nifai 10:2–16

Ol profet bilong bipo i save long misin bilong Jisas Krais na testifai long Em.

Bilong wanem na yu ting Bikpela i laikim famili bilong Lihai—na yumi olgeta—save long ol tok tru i stap long 1 Nifai 10:2–16? Skelim olsem wanem yu ken halivim ol lain yu laikim invaitim Seivia i kam insait long laip bilong ol.

1 Nifai 10:17–19

sain bilong seminari

God bai soim ol tok yru long mi wantaim pawa bilong Holi Gos.

Olsem wanem bai yu bekim taim yu kisim askim long stap insait long gospel prinsipel yu no klia long em? Long ol dispela skripsa, luksave long samting i narakain namel long bekim Nifai i givim long visen bilong Lihai (lukim 1 Nifai 10:17–19; 11:1) na bekim bilong Leman na Lemuel lukim 1 Nifai 15:1–10). Wanem ol tok tru Nifai i bin save gut i lidim em long bekim olsem em i mekim?

Wantaim eksampel bilong Nifai long tingting, mekim lis bilong ol gospel prinsipel yu laik save gut long ol. Wanem bai yu mekim long painim ol ansa bilong yu yet? (Lukim tu “Truth Will Make You Free” long For the Strength of Youth: A Guide for Making Choices, 30–33.)

Olsem Nifai i bin painim aut bilong em yet olsem ol tok bilong papa bilong em i tru, yu ken mekim wankain taim yumi harim ol tok bilong ol profet na ol aposel. Ol profet na ol aposel i tisim yumi wanem long konferens i bin kamap ino long taim? Olsem wanem na yu kisim witnes long samting ol i tisim?

Lukim tu 1 Nifai 2:11–19; Doktrin na ol Kavanen 8:1–3; “Search, Ponder, and Pray,” Children’s Songbook, 109; Ol Gospel Topik, “Revelation,” Gospel Librari.

Long moa aidia, lukim isu bilong dispela mun Liahona na For the Strength of Youth megesin.

Ol aidia bilong Tisim ol Pikinini

1 Nifai 8

Holim pas long tok bilong God lidim mi i go long Em na halivim mi pilim lav bilong Em.

• Ol pikinini bilong yu bai hamama long drowim piksa bilong visen bilong Lihai taim yu rit 1 Nifai 8 wantaim. Larim ol i serim ol piksa, na halivim ol painim wanem ol sain insait long driman i makim wanem lukim 1 Nifai 11:21–22; 12:16–18; 15:23–33, 36 na ektiviti pes bilong dispela wik). Askim ol long serim planti ol ansa long dispela askim: Wanem yumi lainim long visen bilong Lihai?

• Yu gat samting bai makim dispela ain stik insait long visen bilong Lihai, olsem wanpela paip o stik? Larim ol pikinini holim long em taim yu lidim ol raun long rum i go long piksa bilong Seivia. Bilong wanem na ain stik i impoten long visen bilong Lihai? Lukim 1 Nifai 8;20,24,30:). Olsem wanem na ain stik em i olsem tok bilong God?

• Invaitim sampela ol pikinini long ritim 1 Nifai 8:10–12 na tok klia wanem Lihai i bin lukim. Askim ol narapela long ritim 1 Nifai 11:20–23 na tok klia wanem Nifai i lukim. Bilong wanem na ensel i soim bebi Jisas long Nifai long tisim em long lav bilong God? Toktok wantaim ol pikinini long ol wei ol i pilim lav bilong God long laip bilong ol. Singsing: “I Feel My Savior’s Love” (Children’s Songbook, 74–75) iken helpim ol tigim ol eksampel.

1 Nifai 10:17–19; 11:1

God bai soim ol tok tru long mi wantaim pawa bilong Holi Gos.

• Olsem wanem bai yu halivim ol pikinini bilong yu save gut wanem Nifai i tisim insait long 1 Nifai 10:19? Yu ken poldim wanpela piksa bilong Seivia o narapela spesol samting insait long blanket na invatim ol pikinini long rausim karamap long en. Taim yu ritim 1 Nifai 10:19, ol bai apim han bilong ol taim ol i harim ol dispela tok “soim” na “Holi Spirit.” Yu ken serim wanpela ekspiriens taim Holi Gos i halivim yu painim tok tru.

• Askim ol pikinini bilong yu long toktok long wanem ol save mekim long painim ol ansa long ol askim. Nifai bai tok wanem sapos wanpela i askim em olsem wanem long painim ol ansa long wanpela askim long gospel? Enkarisim ol pikinini long painim taim ol i ritim 1 Nifai 10:17–19; 11:1.

• Ol pikinini i save pilim tu olsem Holi Gos i halivim ol save olsem samting em i tru? Larim ol serim ekspiriens bilong ol. Wanem bai yumi tok long wanpela poro husat i ting olsem ol ino inap long kisim ol ansa long Holi Gos? Wanem samting yumi painim insait long 1 Nifai 10:17–19 na 11:1 bai ken halivim ol dispela poro?

Long moa aidia, lukim isu bilong dispela mun Friend megesin.

Visen bilong Lihai

Diwai bilong Laip, Avon Oakeson i mekim

ektiviti pes: Driman bilong Lihai