Talateu ki he Ngaahi Tefitoʻi Tokāteliné

Ko e lisi ʻeni ʻo e Ngaahi Tefitoʻi Tokāteline ʻo e ongoongoleleí:

Toluʻi ‘Otuá
Palani ʻo e fakamoʻuí
Fakalelei ʻa Sīsū Kalaisí
Kuonga Fakakosipelí, hē meí he moʻoní, mo hono fakafoki mai ʻo e ongoongoleleí
Kau palōfitá mo e fakahaá
Lakanga fakataulaʻeikí mo e ngaahi kī ‘o e lakanga fakataulaʻeikí
Ngaahi ouaú mo e ngaahi fuakavá
Nofo-Malí mo e fāmilí
Ngaahi Fekaú

ʻI hoʻo ako e folofolá, feinga ke ke ʻiloʻi, mahino, tui, fakamatalaʻi pea mo fakaʻaongaʻi e ngaahi tefitoʻi tokāteline ko ʻeni ʻo e ongoongoleleí. ʻE hanga ʻe hoʻo fai iá ʻo tokoniʻi koe ke fakamālohia hoʻo fakamoʻoní mo fakatupulaki ʻa hoʻo houngaʻia ʻi he ongoongolelei ʻo Sīsū Kalaisi kuo fakafoki maí. ʻE tokoni ʻa hoʻo ako ʻa e ngaahi Tefitoʻi Tokāteliné ke ke mateuteu lelei ange ke moʻui ʻaki e ongoongoleleí mo akoʻi ʻa e ngaahi moʻoni mahuʻinga ko ʻení ki he niʻihi kehé. ʻE fakamamafaʻi foki ʻi he tohi lēsoni ko ʻení e ngaahi tokāteline mahuʻinga ʻo e ongoongoleleí, neongo ʻoku ʻikai ke hiki kinautolu ʻi he ngaahi Tefitoʻi Tokāteliné.