Talateu ki he Fakataukei Folofolá
Kuo fili ʻe he Seminelí mo e ʻInisititiuti Fakalotú ha veesi fakataukei folofola ʻe 25 ki he ngaahi lēsoni ako takitaha ʻe fā ʻi he seminelí. ʻOku ʻomi ʻe he ngaahi veesi ʻe 100 ko ʻení ha fakavaʻe fakafolofola mahuʻinga ke mahino mo vahevahe ʻo e ongoongoleleí pea mo hono fakamālohia ʻo e tuí.
ʻOku poupouʻi koe ke fakatupulaki hoʻo ako maʻuloto ʻa e ngaahi veesi ko ʻení. ‘Oku kau ‘i he ngaahi veesi fakataukei folofolá ʻa e ngaahi meʻá ni:
-
Ko hono kumi ʻo e ngaahi vēsí ‘aki hono ‘iloʻi ‘o e ngaahi potufolofola fakafekauʻaki kehe ‘oku fekauʻaki mo iá
-
Mahino ‘a e kakano mo e kaveinga ‘o e ngaahi veesi folofolá
-
Fakaʻaongaʻi e ngaahi tokāteline mo e ngaahi tefitoʻi moʻoni ‘o e ongoongoleleí ‘oku akoʻi ʻi he ngaahi veesi folofolá
-
Ako maʻuloto e ngaahi vēsí
ʻI he fakahinohino ako ko ʻení te ke ako kotoa ʻa e ngaahi veesi fakataukei folofola ʻe 25 ʻi heʻene ʻasi ʻi he lēsoni Tokāteline mo e Ngaahi Fuakavá mo e Hisitōlia ʻo e Siasí. ʻOku fie maʻu ia ke ke loto ʻaki hono ako maʻuloto ʻo e ngaahi potufolofolá. ʻE tokoni hoʻo fakahoko ʻi he founga tatau mo hono toutou fakahokó ʻi hoʻo ako ʻa e veesi fakataukei folofolá ke ke manatuʻi ʻa e ngaahi moʻoní ke fakaʻaongaʻi ʻi he kahaʻú. Te ke lava ʻo fakamoleki ha ngaahi miniti siʻi he ʻaho kotoa pē ke fakamanatu hoʻo ngaahi veesi fakataukei folofolá. Kumi ha ngaahi faingamālie ke fakaʻaongaʻi kinautolu ʻi hoʻo fakamatalaʻi ʻa e ngaahi tefitoʻi tokāteline ʻo e ongoongoleleí ki he niʻihi kehé.