Chapit 19

Diskou sou mòn nan

Yon jou Jezi te anseye disip li yo levanjil la sou yon mòn bò Lanmè Galile a.

Matye 5:1

Li te di yo kijan pou yo te viv pou yo te ka gen kè kontan ak kijan pou y al viv ak Papa nou ki nan Syèl la ankò. Bagay li te anseye yo kapab fè nou gen kè kontan tou.

Matye 5–7

Jezi te di nou dwe janti, pasyan, ak dispoze pou obeyi Papa nou ki nan Syèl la.

Matye 5:5

Nou dwe eseye otan nou kapab pou nou viv jan Bondye vle.

Matye 5:6

Nou dwe eseye padone moun ki blese nou oubyen ki fè nou ditò. Si nou padone yo, Papa nou ki nan Syèl la ap padone nou.

Matye 5:7

Nou dwe patizan lapè, renmen lòt moun, epi ede tout moun pou youn renmen lòt.

Matye 5:9

Nou pa dwe pè pale moun de levanjil la oubyen montre yo ke nou renmen Papa nou ki nan Syèl la. Lè lòt moun wè nou ap fè byen, sa ap ede yo kwè nan Bondye tou.

Matye 5:14–16

Nou dwe toujou kenbe pwomès nou.

Matye 5:33–37

Epi menmjan nou vle lòt moun bon avèk nou an, nou dwe bon avèk yo tou.

Matye 7:12

JEzi te di si nou fè bagay sa yo, n ap gen kè kontan, Papa nou ki nan Syèl la ap beni nou, epi na pral viv avèk li ankò.

Matye 5:2–12