Ko e lea ki he ngaahi hivá

Ngaahi Tohi Lēsoni Palaimelíi mo e Taimi Fevahevaheʻakí

Fili e Hala Totonú

Founga totonu ki he moʻui fiefiá;
Fili e totonu he ʻaho kotoá.
ʻOku ou ako ki he moʻui ʻa Sīsū;
Te ne tala mai e hala totonú.

Tau:
Fili e totonu pea fiefia.
Te u fili maʻu pē ia.

ʻOku ou ako ke u faʻa lotu he Siasí,
Maʻu e tui, fakatomala, talangofua,
ʻO ʻiloʻi kau moʻui ʻaki ia,
Te u fiefia he ʻaho kotoá.

Tau

Lotoʻaki e Faitotonú

Lotoʻaki e faitotonú
ʻI hoʻo ngāue te ke faí;
Pea angaʻofa mo failelei,
Pea te nau fai ho tokangaʻí.

Tau:
Pea faitotonu,
Ke tau loto toʻa.
Pea tau faitotonu.

Ko e Fāmilí ke Taʻe Ngata

Ko e Fāmilí ke taʻe ngata,
ʻOku faka-ʻOtua,
Pea te mau fakataha mo kinautolu fiefia.

Tau:
Ko e fāmili ke taʻe ngata
Palani ʻa e Tamai.
ʻOku ou fiemaʻu ke u ʻi ai mo e fāmilí,
Pea fakahā mai ʻe he ʻEikí,
Ha founga ʻe lava aí.

ʻI heʻeku tupu hake,
Ne u teuteu lelei pē,
Mali he temiaplé, ʻītaniti ko e palé.

Tau

Fāmili Fiefiá

ʻOfa ki siʻi faʻē.
Pea mo e tamaí maʻu pē;
ʻOkú ne ʻofa maí,
Fiefia homau fāmilí.

ʻOfa he tuofefiné.
Mo e tokongaʻané,
ʻOkú ne ʻofa maí,
Fiefia homau fāmilí.

Tokoni Mai ʻe Tamai

Tokoni mai Tamai ke u faʻa fakamolemoleʻi

ʻA e fai taʻengali ki heʻeku moʻuí.

Tokoni mai Tamai ke u fakatomala moʻoni,

Fakatonutonu, liliu hoku ʻalungá.

Ko e Laumālie Māʻoniʻoní

Ne palōmesi ʻa Kalaisi,
Heʻene kei ʻi māmaní.
Laumālié ko e fakanonga,
Ko hotau kaumeʻa taʻengata.
ʻOkú ne fanafana,
ʻI ha leʻo vanavanaiki.
Fakamoʻoni e ʻOtuá mo Kalaisi,
Lotó kuo vīkiviki.

ʻI hotau fakamaʻu,
ʻE he maʻu mafai totonú.
Foaki e Laumālié
Ko e taki maʻu pē.
Ke u fanongo maʻu pē
Ki he kiʻi leʻo ko ē.
Faitotonu ʻi heʻene māmá.
ʻI he fili kotoá.

Ongoʻi ʻEne ʻOfá

Ongoʻi ʻene ʻofá,
ʻI hoku ʻātakaí.
Māfana ʻi hono Laumālié,
Meʻa ʻoku mamata ki aí.

Tau:
ʻAfioʻi te u muimui ange,
Līʻoa au kiate ia.
Ongoʻi ʻene ʻofá,
Kuo foaki kiate au.

ʻOku ou ʻAmanaki Atu ke Ngāue Fakafaifekau

ʻOku ou ʻamanaki atu
Ke ngāue fakafaifekau.
Kapau te u hoko ʻo lahi,
Ko e ngāue kotoa te u lava pē ke fai.

Te u malangaʻi ʻa e kosipelí,
Ke mafola ʻa e moʻoní.
ʻOku ou fie faifekau,
Pea ngāue ʻi he ʻEikí ʻo fai atú.

Ko e Fua Lotu ʻa Siosefa Sāmitá

Naʻe lelei fau ʻa e ʻahó!
ʻI he hopo ʻa e laʻaá.
Ne fiefia ʻaupito,
ʻA natula kotoa.

Fua lotu ʻa Siosefa
Mo hū ki he ʻOtuá,
Fua lotu ʻa Siosefa,
Mo hū ki he ʻOtuá.

Ke Mou Feʻofaʻaki

Ke mou feʻofaʻaki maʻu pē,
Ko e fekau ʻeni.
Ke mou feʻofaʻaki:
Ko e meʻa ʻeni.
ʻE ʻilo ai kimoutolu
Ko ʻeku kau ākonga.

Loto Toʻa ʻa Nīfaí

Folofola e ʻEikí ke ʻomi ʻe Nīfai e ʻū peletí
Mei he angahala ko Lēpaní ʻi he koló.
Manavasiʻi ʻa Leimana mo Lemiuela
Loto toʻa pē ʻa Nīfai.
Ko ʻene talí ʻeni:
“Te u ʻalu ʻo fai e fekau ʻa e ʻEikí.
He te ne teuteu ha hala; ke u talangofua.
Te u ʻalu ʻo fai e fekau ʻa e ʻEikí.
He te ne teuteu ha hala; ke u talangofua.

Folofola kia Nīfai ke foʻu ha vaka.
ʻIkai tui ki ai hono ongo tokouá.
Manuki mo luma ke tuku ʻo ʻoua.
Loto toʻa pē ʻa Nīfai.
Ko ʻene talí ʻeni:
“Te u ʻalu ʻo fai e fekau ʻa e ʻEikí.
He te ne teuteu ha hala; ke u talangofua.
Te u ʻalu ʻo fai e fekau ʻa e ʻEikí.
He te ne teuteu ha hala; ke u talangofua.

Ko e Mafaí kuo ʻOmai

Ko e mafaí kuo ʻomai
Fakaʻilo ki he tangatá.
Folofola e ʻOtuá ki māmani
Mafaí kuo toe ʻomai.

ʻOku Tau Fiefia ke Tokoni

ʻOku Tau Fiefia
ʻOka tau tokoni,
Tokoni ki he faʻeé*,
Pea tau ʻofa ai.

*Fetongitongi ki he: tamaí, kuí