Burimet
Veprim dhe Zotim
Zgjidhini dhe interpretojini rolet në vijim.
TREGIMTARI 1: Ne besojmë në bërjen e zotimeve dhe mbajtjen e tyre. Në grupet tona të mbështetjes te vetja, çdo gjë që bëjmë, ndërtohet rreth bërjes së zotimeve dhe raportimit.
TREGIMTARI 2: Në mbarim të një mbledhjeje të grupit, ne i shqyrtojmë veprimet tona për javën dhe shtojmë nënshkrimin tonë për të treguar zotimin tonë. Ne gjithashtu zgjedhim një partner në veprim për javën. Partneri në veprim e nënshkruan fletoren tonë të punës për të na premtuar mbështetje. Dhe çdo ditë gjatë javës, ne komunikojmë me partnerin tonë në veprim për të raportuar mbi veprimet tona dhe për të marrë ndihmë kur na nevojitet.
TREGIMTARI 3: Gjatë javës, ne e shënojmë përparimin tonë te fletorja e punës dhe përdorim materialet e dhëna, të tilla si fletët e punës ose formularë të tjerë. Dhe, nëse na duhet ndihmë shtesë, ne mund t’u telefonojmë familjeve tona, miqve tanë, ose ndërmjetësit.
TREGIMTARI 4: Në fillim të mbledhjes sonë të radhës, ne u rikthehemi dhe raportojmë për zotimet tona. Kjo duhet të jetë një përvojë e këndshme, e fuqishme për të gjithë. Mendoni se si këta njerëz u ndihmuan nga bërja e zotimeve dhe raportimi.
ANËTARI 1 I GRUPIT: Herën e parë që raportova për zotimet e mia, mendova: “Kjo është e çuditshme”. Përse anëtarëve të mi të grupit u intereson ajo që bëra unë? Por më pas zbulova se ata interesoheshin njëmend. Dhe ajo më ndihmoi.
ANËTARI 2 I GRUPIT: Unë kuptova se nuk doja ta zhgënjeja grupin tim. Prandaj punova fort që t’i mbaja zotimet e mia. Nuk jam i sigurt nëse do të kisha përparuar në ndonjë mënyrë tjetër. Raportimi çdo javë vërtet më ndihmoi për përparësitë e mia.
ANËTARI 3 I GRUPIT: Kur mendova për shtegun tim drejt mbështetjes te vetja, u frikësova sepse ishte diçka kaq e madhe. Por mbledhjet e grupit më ndihmuan ta ndaj atë në hapa të vegjël. Dhe në çdo hap unë i raportoja grupit tim. Më pas bëra një përparim të vërtetë. Mendoj se ky sukses rrodhi nga krijimi i zakoneve të reja.
Kthehuni te faqja 11
Si e përdor unë hartën e suksesit të biznesit?
Çdo ditë këtë javë, vëzhgoni, reflektoni dhe përsiatni mbi parimet e suksesit të biznesit. Vizitoni biznese për një deri dy orë çdo ditë për t’i vëzhguar ato. Merreni fletoren e shënimeve dhe këtë fletore pune me vete kur vizitoni biznese vendore në mënyrë që të mund t’i përdorni pyetjet vijuese dhe Hartën e Suksesit të Biznesit (në faqen e fundit të kësaj fletoreje pune).
VEPRIMTARI TË PËRDITSHME |
---|
Dita 1 |
Klientët |
Vini re çfarë, kur dhe sa blejnë klientët. Rishikojini parimet e klientëve treguar në hartë. Shënojini mendimet tuaja këtu: |
Dita 2 |
Shitjet |
Si i shesin bizneset produktet apo shërbimet e tyre? A mund të përmirësohen ato? Rishikojini parimet e shitjeve të treguara në hartë. Shënojini mendimet tuaja këtu: |
Dita 3 |
Kostot |
Mendoni rreth kostove që kanë bizneset. Si i ulin kostot ato? Rishikojini parimet e kostove të treguara në hartë. Shënojini mendimet tuaja këtu: |
Dita 4 |
Fitimi |
A i ndoqën bizneset ecuritë e të ardhurave apo kostove të tyre? Po të ishte biznesi tuaj, si do ta ndiqnit ecurinë e parave tuaja? Rishikojini parimet e fitimeve të treguara në hartë. Shënojini mendimet tuaja këtu: |
Në dy ditët e ardhshme, përsiatni dhe lutuni për siguri që Zoti do t’i bekojë përpjekjet tuaja për t’i shërbyer një qëllimi të shenjtë në vetë biznesin tuaj. Shënojini mbresat që merrni çdo ditë, ndërsa mendoni rreth çdo pjese të Hartës së Suksesit të Biznesit.
VEPRIMTARI TË PËRDITSHME |
---|
Dita 5 |
Klientët |
Shitjet |
Dita 6 |
Fitimi |
Kostot |
Kthehuni te faqja 8