Mësoni

Nisja dhe Rritja e Biznesit Tim

Përmbajtja
Hyrje
Tabela e Përmbajtjes
1: Si ta nis apo përmirësoj biznesin tim?
2: Çfarë duan të blejnë njerëzit?
3: Si ta blej produktin tim dhe ta përcaktoj çmimin e shitjes?
4: Si ta di nëse biznesi im po sjell fitime?
5: Si t’i ndaj paratë për biznesin nga ato për shtëpinë?
6: Si po përparon biznesi im?
7: Si do ta rrit biznesin tim?
8: Sa para mundem t’ia lejoj vetes të investoj për ta rritur biznesin tim?
9: Si ta di nëse duhet të përdor një hua që ta rrit biznesin tim?
10: Si do të tërheq më shumë klientë e të bëj më shumë shitje?
11: Si do t’i shtoj fitimet?
12: Si të vazhdoj ta përmirësoj biznesin tim?
A Jam Duke Përparuar
Letër Përfundimi
Harta e Suksesit të Biznesit

Mësoni

Pamja

llambë-jeshile

Çfarë duan të blejnë njerëzit?

Koha:Vendoseni kohëmatësin te 60 minuta për pjesën Mësoni.

Lexoni:Si do të zgjedhim biznese që mund të jenë të suksesshme? Nëse kemi tashmë një biznes, si do ta dimë nëse është i duhuri?

Pamja

harta e suksesit të biznesit

Ky mësim do të përqendrohet te pjesa e Klientëve te Harta e Suksesit të Biznesit.

Shikoni:“Business on a Stick” [“Biznes në një Shkop”] (Nuk keni material filmik? Lexojeni faqen 26.)

Diskutoni:Çfarë mësuat nga ky material filmik?

Lexoni:PYETJA E JAVËS – Çfarë duan të blejnë njerëzit?

VEPRIMET E JAVËS – Unë do të bisedoj me pronarë biznesi dhe me klientë dhe do të zgjedh një produkt apo shërbim që i zgjidh problemet e klientëve.

Për pjesën tjetër të kësaj mbledhjeje, ju do të mësoni dhe ushtroni aftësitë që do t’ju ndihmojnë t’i përgjigjeni kësaj pyetjeje dhe të kryeni këto veprime. Ky material filmik do t’ju ndihmojë të filloni duke bërë pyetjet e duhura.

Shikoni:“Selecting the Right Business” [“Përzgjedhja e Biznesit të Duhur”] (Nuk keni material filmik? Lexojeni faqen 28.)

Lexoni:Le ta lexojmë këtë diagram dhe të bëjmë ushtrimin te faqja tjetër.

Pamja

right business diagram

PËRZGJEDHJA E BIZNESIT TË DUHUR

¹ Çfarë duan të blejnë njerëzit?

KLIENTË, PRODUKTE

² Që unë të mund të ofroj?

AFTËSI, INTERESA, PËRVOJË

³ Që lejon “lehtësi hyrjeje”?

KONKURRENCË, FURNITORË, KAPITAL

⁴ Që do t’i rritë të ardhurat e mia?

TË ARDHURA VJETORE/FITIME TË MJAFTUESHME

BIZNES I MIRË PËR MUA!

Si do ta përzgjedh biznesin e duhur?

Ushtrohuni:Çfarë lloj biznesi keni shqyrtuar: ushqim, mikpritje, kujdes shëndetësor, mirëmbajtje, ndërtim, prodhim, shërbime apo diçka tjetër?

Përdorini katër pyetjet në diagramin te faqja e mëparshme që t’ju ndihmojë t’i ngushtoni variantet tuaja. Vini re shembujt në të djathtë. Shkruani një ose dy lloje biznesesh që ju interesojnë:

Pronarët e suksesshëm të biznesit mendojnë për gjëra të mëdha por ia nisin me të voglat.

Shembull:

Ushqim, Shitje

Me personin që keni pranë, bëjini njëri-tjetrit pyetjet vijuese konkretisht. Shkruajini përgjigjet tuaja.

Te vetë biznesi juaj ose te kategoria e bizneseve që ju intereson, çfarë nevojash konkrete klientësh keni parë? Çfarë do të blinin klientët?

Ëmbëlsirë apo vakt të lehtë

Ushqim i lirë për pasdite, mbrëmje
Cilave nevoja mund t’iu përgjigjet biznesi juaj? Për çfarë jeni i mirë, ose çfarë jeni i interesuar të bëni?

Më pëlqen të përgatit ushqim

Jam i mirë në shitje
Çfarë biznesi konkret mund ta nisni me lehtësi, ose si mund ta rritni apo ta ndryshoni biznesin tuaj të tanishëm që të jetë më fitimprurës? Mendoni rreth konkurrencës, furnitorëve dhe parave që duhen.

Produkt i thjeshtë

Kosto fillestare e ulët

Konkurrencë e ulët
Si do t’ju mundësojë biznesi juaj të rritni të ardhurat dhe të bëheni më i mbështetur te vetja? Ku mund të mblidhni fitim?

Shumë klientë

Tani, renditini disa biznese konkrete rreth të cilave doni të mësoni:

Qerasje ambulante?

Akullore? Fruta?

Diçka argëtuese?

Si mund mund të mësoj nga pronarët e bizneseve?

Lexoni:Tani që kemi disa ide rreth vetë bizneseve tona, do të shkojmë të bëjmë kërkim tregu që të provojmë idetë tona dhe të mësojmë më shumë. Do të vërejmë njerëz, do të bisedojmë me klientë, do të bisedojmë me konkurrentë dhe do të provojmë produkte. Dhe do të gjejmë nevoja dhe përgjigje të vërteta.

Shihni:“Talking to Business Owners” [“Bisedimi me Pronarët e Bizneseve”] (Nuk keni material filmik? Vazhdoni të lexoni.)

Ushtrohuni:Me personin pranë jush, ushtrojini pyetjet që do t’ua bëni pronarëve të bizneseve këtë javë. Shpjegojani njëri-tjetrit biznesin tuaj ose llojin e biznesit që dëshironi të nisni. Me radhë, paraqitni veten dhe bëjini pyetjet e mëposhtme. Jepni njëri-tjetrit përshtypje dhe provojeni përsëri.

PARAQITJE: Tungjatjeta, unë jam ____ (emri). Po ju? Jam në një kurs për biznes dhe po përpiqemi të mësojmë se si arrijnë sukses bizneset. A mund t’ju bëj disa pyetje?

NEVOJAT E KLIENTIT, PRODUKTI

Çfarë duan t’ju blejnë më shumë klientët tuaj?
Përse mendoni se klientët tuaj e blejnë atë që shitni ju?
Cilët janë konkurrentët tuaj? Çfarë e bën biznesin tuaj më të mirë se të tyret?

FURNITORËT, FITIMI

Ku e merrni këtë produkt? A ka furnitorë të tjerë?
A mendoni se mund të gjeni një çmim më të ulët nëse blini më shumë njëherësh?
Cili është çmimi juaj? Si vendosët për këtë çmim? A keni fitim?
Çfarë do të ndodhte nëse do ta rritnit apo ulnit çmimin?

SHITJET

Sa mund të shitni përafërsisht çdo ditë?
Si i gjeni klientët e rinj?
Sa e rëndësishme është vendndodhja juaj?
Cilët kanë qenë disa çelësa të suksesit tuaj? Problemet më të mëdha?

Diskutoni:Kur të gjithë të jenë ushtruar të paktën një herë, diskutoni me grupin: Kur ju dilni dhe flisni me pronarë biznesesh, për çfarë do t’i pyetni? Shkruajeni atë që mësuat, këtu:

Pamja

ikona e fletores së shënimeve

Lexoni:

Çdo ditë këtë javë, ndërsa bisedoni me pronarë biznesesh, shkruajeni atë që mësoni në fletoren tuaj të shënimeve të biznesit.

Shihni:Shihni se si Xhozefi dhe Xhoni filluan një biznes të ri. Shikoni “Joseph and John: Medical Products” [“Xhozefi dhe Xhoni: Produkte Mjekësore”]. (Nuk keni material filmik? Kaloni te faqja tjetër.)

Si mund të mësoj nga klientët?

Lexoni:Pronarët e suksesshëm të biznesit mësojnë çdo ditë nga klientët. Ne mund të mësojmë shumë duke i vëzhguar klientët tanë dhe duke biseduar me ta. Ata e bëjnë ose e ndërpresin biznesin tonë. Le të dëgjojmë dhe të mësojmë!

Pronarët e suksesshëm të biznesit mësojnë çdo ditë nga klientët.

Shihni:“Talking to Customers” [“Bisedimi me Klientët”] (Nuk keni material filmik? Vazhdoni të lexoni.)

Ushtrohuni:Me një anëtar tjetër grupi, ushtrojini pyetjet që do t’u bëni klientëve këtë javë. Përfytyroni sikur personi tjetër është klienti tuaj. Diskutojini disa nga pyetjet më poshtë kur ato lidhen me biznesin apo idenë e biznesit tuaj. Mbani shënime! Pastaj këmbejini rolet. Jepini njëri-tjetrit përshtypje të dobishme dhe ushtrohuni për ndonjë dobësi.

PARAQITJE: Tungjatjeta, unë jam ____ (emri). Po ju? Unë po ndjek një kurs biznesi dhe jemi duke mësuar rreth klientëve. A mund të bëj disa pyetje?

NEVOJAT E KLIENTIT, PRODUKTI

Çfarë blini nga ky biznes?
Nëse mundeni, çfarë do të ndryshonit te ky produkt? Rreth biznesit?
A e keni blerë këtë produkt në vende të tjera? A ishin më të mirë apo më të këqij? Përse?

SHITJA, FITIMI

Çfarë ju pëlqen që e blini këtë produkt këtu?
Çfarë do t’ju bënte të donit të blinit më shumë?
A është pak a shumë i drejtë çmimi? A do të blinit më shumë me një çmim më të ulët?
A do të blinit përsëri po aq nëse do ta ngrinin çmimin?
A është e rëndësishme vendndodhja?

VËREJTJE (Mos i bëni pyetjet që vijojnë; vëreni klientët për të gjetur përgjigje.)

A janë ata kryesisht gra apo burra apo një përzierje?
A janë të rinj apo të moshuar?
A duket se kanë më shumë para apo më pak?
Në cilën orë të ditës blejnë ata?
Sa blejnë?

Pamja

ikona e fletores së shënimeve

Lexoni:

Çdo ditë kësaj jave, ndërsa bisedoni me klientë, shkruajeni atë që mësoni në fletoren tuaj të shënimeve të biznesit.

Diskutoni:Çfarë pyetjesh do t’u bëni klientëve këtë javë? Shkruajini mendimet tuaja këtu ose në fletoren tuaj të shënimeve të biznesit:

Si ta përdor kërkimin e tregut?

Lexoni:Pasi ta bëjmë kërkimin e tregut, do të na duhet të vlerësojmë atë që mësojmë. Le të ushtrohemi me procesin e vlerësimit.

Ushtrohuni:Zgjidheni një anëtar tjetër të grupit që të punojë me ju. Shkurtimisht vëreni fitimet, konkurrencën dhe furnitorët e dy bizneseve të mëposhtme.

TEZGË FRUTASH		VLERËSIMI
Copë të shitura (mesatarja ditore)	200	Njësitë / Muaj	5000
Çmimi i shitjes	5 për copë (mesatarja)	Shitjet / Muaj	25000
Kostoja për të blerë	4 për copë (mesatarja)	Kostot / Muaj	(20200)
Konkurrenca	6 tezga frutash	FITIMI	4800
Furnitorët	2 furnitorë, në largësi

VESHJE FËMIJËSH		VLERËSIMI
Copë të shitura (mesatarja ditore)	20	Njësitë / Muaj	500
Çmimi i shitjes	100 për copë (mesatarja)	Shitjet / Muaj	50000
Kostoja për të blerë	80 për copë (mesatarja)	Kostot / Muaj	(40000)
Konkurrenca	Asnjë pranë	FITIMI	10000
Furnitorët	3 furnitorë, në afërsi

Diskutoni:Cilin biznes do të zgjidhnit? Përse?

Nga sa kemi diskutuar sot, çfarë pyetjesh të tjera do të bënit rreth këtyre bizneseve apo klientëve të tyre?

Lexoni:Ndërsa e përshkojmë këtë javë, ne do të përgatitemi të vendosim mbi biznesin tonë! Gjatë javës ne do të rishikojmë gjithçka që kemi mësuar, dhe do të vijmë në mbledhjen tjetër me një ide biznesi (qoftë biznes i ri apo biznes i përmirësuar). Nëse kemi tashmë një biznes, ne do të vendosim a është varianti më i mirë për ne.