ទីក្រុងថាស្សកូ ប្រទេសម៉ិកស៊ិក

ទោះបីវាធ្លាប់ជាទីក្រុងមួយដែលសម្បូររ៉ែក្តី ទីក្រុងថាស្សកូ ឌឺ អាឡាខុន ហ្គើរេរ៉ូ ប្រទេសម៉ិកស៊ិក ត្រូវបានគេស្គាល់ថា ជា pueblos magicos ( ទីក្រុងវេទមន្ត ) នាពេលបច្ចុប្បន្ននេះ មានកេរ្តិ៍ឈ្មោះដោយសារតែផលិតផលគ្រឿងអលង្ការប្រាក់របស់ទីក្រុងនេះ ស្ថាបត្យកម្មនៃអាណានិគមអេស្ប៉ាញ និងសម្រស់ដ៏ស្រស់បំព្រងនៃទីជនបទដែលព័ទ្ធជុំវិញទីក្រុងនេះ ។ ទីក្រុងនេះមានទីតាំងស្ថិតនៅភូមិសាស្ត្រដែលមានដីរដិបរដុប និងចំណោត ផ្លូវរឆេតរឆូត ។ កន្លែងប្រវត្តិសាស្ត្រដ៏សំខាន់របស់ទីក្រុងនេះគឺជាព្រះវិហារ សាន់តា ព្រីសស្កា សតវត្សរ៍ទី ១៨ ។

ទីក្រុងថាស្សកូក៏ជាទីតាំងនៃសាខាថាស្សកូនៃ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដែលជួបប្រជុំគ្នាជារៀងរាល់សប្តាហ៍នៅក្នុងអគារមួយនៅលើ avenida de los Plateros ( វិថីស៊ីលវើរស្ម៊ីធ ) ។ សាខានេះគឺជាសាខាមួយរបស់ស្តេក អ៊ីហ្គោឡា ម៉ិកស៊ិក គឺជាក្រុមជំនុំមួយនៃក្រុមជំនុំ ១៩៨៧ នៅក្នុងប្រទេសម៉ិកស៊ិក ជាកន្លែងដែលព្រះវិហារមានសមាជិកជាង ១.៤ លាននាក់ ៣៤ បេសកកម្ម និង ព្រះវិហារបរិសុទ្ធចំនួន ១៣ ។ ប្រទេសម៉ិកស៊ិកក៏ជាគ្រឹះស្ថាននៃមជ្ឈមណ្ឌលបំពាក់បំប៉នអ្នកផ្សព្វផ្សាយសាសនាទីក្រុងម៉ិកស៊ិក ជា អិម. ធី. ស៊ី ធំបំផុតទីពីររបស់សាសនាចក្រ ។ មជ្ឈមណ្ឌលនេះអាចផ្តល់ទីស្នាក់អាស្រ័យដល់អ្នកផ្សព្វផ្សាយសាសនាជាង ១០០០ នាក់ក្នុងពេលបំពាក់បំប៉នម្តង ។

សមាជិកប្រាំនាក់ដំបូងនៅប្រទេសម៉ិកស៊ិកបានទទួលបុណ្យជ្រមុជទឹកនៅឆ្នាំ ១៨៧៦ ។
ប្រទេសម៉ិកស៊ិកគឺជាប្រទេសទីមួយនៅក្រៅសហរដ្ឋអាមេរិកដែលមានស្តេកចំនួន ១០០ ។
ព្រះវិហារបរិសុទ្ធ ម៉ិកស៊ីកូ ស៊ីធី ម៉ិកស៊ិក គឺជាព្រះវិហារបរិសុទ្ធដំបូងគេត្រូវបានឧទ្ធិសឆ្លងនៅឆ្នាំ ១៩៨៣ ។ ព្រះវិហារបរិសុទ្ធថ្មីបំផុតដែលទើបបានឧទ្ធិសឆ្លងនៅឆ្នាំ ២០១៥ នោះគឺ ព្រះវិហារបរិសុទ្ធ ទីហូណា ម៉ិចស៊ិក ។ ព្រះវិហារបរិសុទ្ធ ហ្វើប្លា ម៉ិកស៊ិក ត្រូវបានប្រកាសកាលពីខែតុលា ឆ្នាំ ២០១៨ ។
ពេលប្រធាន ហាវើដ ដបុលយូ ហឹនធើរ ( ១៩០៧–១៩៩៥ ) បានទៅទស្សនកិច្ចនៅប្រទេសម៉ិកស៊ិកឆ្នាំ ១៩៩៤ នោះលោកបានបង្កើតស្តេក ខុនត្រេអាស ម៉ិកស៊ិក ស៊ីធី ដែលជាស្តេកទី ២០០០ របស់សាសនាចក្រ ។