អ្វីដែលយើងជឿ
យើងជឿលើការបានល្អឥតខ្ចោះ—នៅក្នុងព្រះគ្រីស្ទ
គង់នៅជាមួយខ្ញុំ ដោយ ឌេល ភៀសុន
អំឡុងពេលទេសនាកថារបស់ទ្រង់នៅលើភ្នំ ព្រះយេស៊ូវបានប្រទានការត្រាស់បង្គាប់មួយដល់យើងឲ្យបានគ្រប់លក្ខណ៍ ( សូមមើល ម៉ាថាយ ៥:៤៨ ) ។ ប៉ុន្តែដោយសារយើងទាំងអស់គ្នាធ្វើកំហុស តើព្រះរំពឹងឲ្យយើងគោរពបទបញ្ញត្តិរបស់ទ្រង់តាមរបៀបណា ? តាមរយៈការទទួលបានការយល់ដឹងត្រឹមត្រូវអំពីការរំពឹងទុករបស់ព្រះសម្រាប់យើង នោះយើងអាចស្គាល់ច្បាស់ពីអ្វីដែលព្យាការីមរ៉ូណៃបានថ្លែង ពេលលោកបានមានប្រសាសន៍ថា យើងអាច « បានល្អឥតខ្ចោះនៅក្នុងព្រះគ្រីស្ទ » ( សូមមើល មរ៉ូណៃ ១០:៣២–៣៣ ) ។
តើការបានល្អឥតខ្ចោះមានន័យដូចម្ដេច ?
« ពាក្យក្រិកសម្រាប់ពាក្យ ល្អឥតខ្ចោះ អាចបកប្រែថា ‹ បានអភិវឌ្ឍពេញលេញ ហើយចប់សព្វគ្រប់ទាំងស្រុង › ( នៅក្នុង ម៉ាថាយ ៥:៤៨) ។ ព្រះអង្គសង្គ្រោះរបស់យើងសុំឲ្យយើងបានអភិវឌ្ឍពេញលេញ ហើយចប់សព្វគ្រប់ទាំងស្រុង—ដើម្បីឲ្យបានល្អឥតខ្ចោះនៅក្នុងគុណធម៌ និង លក្ខណៈដែលទ្រង់ និង ព្រះវរបិតាគង់នៅស្ថានសួគ៌បានបង្ហាញ » ។១
« ភាពល្អឥតខ្ចោះដែលព្រះអង្គសង្គ្រោះបានទតឃើញសម្រាប់យើង គឺមានច្រើនជាងគ្រាន់តែការមិនធ្វើខុសទៅទៀត ។ វាគឺជាការរំពឹងទុកដ៏អស់កល្បជានិច្ច ដូចបានបង្ហាញដោយព្រះអម្ចាស់នៅក្នុងការអធិស្ឋានអង្វរជំនួសដ៏អស្ចារ្យរបស់ទ្រង់ទៅកាន់ព្រះបិតាទ្រង់—ដើម្បីឲ្យយើងអាចបានល្អឥតខ្ចោះ ហើយអាចរស់នៅជាមួយពួកទ្រង់ក្នុងភាពអស់កល្បជានិច្ចនាពេលខាងមុខ » ។២
« រូបខ្ញុំផ្ទាល់ជឿថា ព្រះយេស៊ូវពុំមានព្រះរាជបំណងផ្ដល់ទេសនកថារបស់ទ្រង់អំពីប្រធានបទនេះ ដើម្បីស្ដីបន្ទោសយើងដោយសារភាពទន់ខ្សោយរបស់យើងនៅក្នុងជីវិតរមែងស្លាប់នេះនោះទេ ។ ទេ ខ្ញុំជឿថាទ្រង់មានព្រះរាជបំណងទុកវាជាកិត្ដិយសចំពោះព្រះជាព្រះវរបិតា និងអ្វីដែលយើងអាចសម្រេចជាមួយទ្រង់នៅក្នុងភាពអស់កល្បជានិច្ច » ។៣
« ការយល់ដឹងពីសេចក្ដីស្រឡាញ់ដ៏ធួនដែលព្រះអង្គសង្គ្រោះបានប្រទានដោយសេរី អាចធ្វើឲ្យយើងរួចផុតពីការរំពឹងទុកមិនត្រឹមត្រូវ ហើយមិនពិតប្រាកដ ដែលបានដាក់ដោយខ្លួនឯងស្ដីពីអត្ថន័យនៃពាក្យថាល្អឥតខ្ចោះ ។
អែលឌើរ ជែរីត ដបុលយូ ហ្កង ក្នុងកូរ៉ុមនៃពួកសាវកដប់ពីរនាក់ « Becoming Perfect in Christ » Liahona ខែ កក្កដា ឆ្នាំ ២០១៤ ទំព័រ ៤២ ។