ព្រះវិញ្ញាណបរិសុទ្ធគឺជា …
១. ជាសមាជិកមួយនៃក្រុមព្រះ ។ នោះមានន័យថា ទ្រង់ធ្វើការជាមួយព្រះវរបិតាសួគ៌ និងព្រះយេស៊ូវគ្រីស្ទដើម្បីជួយយើង ។ ជួនកាលគេហៅទ្រង់ថា ព្រះវិញ្ញាណ ដោយសារទ្រង់គ្មានព្រះកាយទេ ។
២. អំណោយមួយដែលកើតមានជាមួយបុណ្យជ្រមុជទឹក ។ បន្ទាប់ពីងើបចេញពីទឹកមក អ្នកនឹងទទួលការប្រសិទ្ធពរពិសេសមួយហៅថា « ការបញ្ជាក់ » ជាពេលដែលអ្នកត្រូវបានអញ្ជើញឲ្យទទួលព្រះវិញ្ញាណបរិសុទ្ធ ។
៣. ការសន្យាមួយមកពីព្រះវរបិតាសួគ៌ ។ នៅពេលអ្នកទទួលទានសាក្រាម៉ង់ អ្នកសន្យាថាបន្តធ្វើតាមព្រះយេស៊ូវ ។ ត្រឡប់មកវិញ ព្រះវរបិតាសួគ៌សន្យាថា ព្រះវិញ្ញាណបរិសុទ្ធនឹងគង់នៅជាមួយអ្នក ។
ដូចជា ភួយ កក់ក្តៅមួយរុំជុំវិញចិត្តរបស់អ្នក ។ ទ្រង់អាចលួងលោមអ្នក ពេលអ្នកមានអារម្មណ៍កើតទុក្ខ ឬភ័យខ្លាច ។
ដូចជា ស៊ីរ៉ែន មួយដែលព្រមានអ្នកពីគ្រោះថ្នាក់ ។ ទ្រង់អាចដឹកនាំអ្នកឲ្យចេញឆ្ងាយពីអ្វីដែលបង្កគ្រោះថ្នាក់ដល់អ្នក ។
ដូចជា គ្រូបង្រៀនដ៏ស្លូតបូត ។ ទ្រង់អាចមានបន្ទូលប្រាប់អ្នកនូវអ្វីដែលពិត ហើយជួយអ្នកឲ្យចាំអ្វីដែលអ្នកបានរៀន ។
ដូចជា សារទូត ពីព្រះវរបិតាសួគ៌ ។ ព្រះវិញ្ញាណបរិសុទ្ធអាចជួយអ្នកឲ្យទទួលអារម្មណ៍នៃសេចក្តីស្រឡាញ់ និងការយល់ដឹងរបស់ព្រះ នូវអ្វីដែលទ្រង់សព្វព្រះទ័យឲ្យអ្នកដឹង ។
ដូចជា ទីសម្គាល់ ជួយអ្នកដឹងពីកន្លែងដែលត្រូវទៅ ។ ពេលអ្នកធ្វើការជ្រើសរើស នោះទ្រង់អាចជួយអ្នកបន្តលើផ្លូវទៅកាន់ជីវិតអស់កល្បជានិច្ច ។
ដូចជា កល្យាណមិត្ត ដែលចង់នៅជាមួយអ្នកជានិច្ច ! តាមរយៈការធ្វើការជ្រើសរើសត្រឹមត្រូវ នោះអ្នកយាងអញ្ជើញទ្រង់ឲ្យបន្តគង់នៅជាមួយអ្នក ។