ពួកសាវកនៅជុំវិញពិភពលោក
អែលឌើរឃុកទៅទស្សនកិច្ចនៅប្រទេសប្រេស៊ីល
អែលឌើរ ឃ្វីនថិន អិល ឃុក និងស៊ីស្ទើរ ម៉ារី ឃុក បានទៅទស្សនកិច្ចប្រទេសប្រេស៊ីល ដើម្បីសួរសុខទុក្ខសមាជិកសាសនាចក្រ ។ ពួកលោកបានបង្រៀន និងចែកចាយសេចក្តីស្រឡាញ់របស់ព្រះយេស៊ូវគ្រីស្ទ ។
ពួកលោកបានទៅទស្សនាទីក្រុងធំនៅ បែឡូ ហូរីស្សុនតេ ។ ឈ្មោះទីក្រុងនោះមានន័យថា « ជើងមេឃដ៏ស្រស់ស្អាត » ។ អែលឌើរឃុកបានមានប្រសាសន៍ថា វាមានព្រះអាទិត្យលិចដ៏ស្រស់ស្អាតបំផុតដែលលោកធ្លាប់បានឃើញ !
មនុស្សជាច្រើនបានមកស្តាប់អែលឌើរឃុកថ្លែងសុន្ទរកថានៅក្នុងសន្និសីទស្តេកមួយ ។ លោកបានអញ្ជើញសមាជិកគ្រប់រូបឲ្យធ្វើជាពន្លឺ ។ នោះមានន័យថា ធ្វើជាគំរូល្អ ហើយជួយមនុស្សដទៃដូចព្រះយេស៊ូវបានធ្វើ ។
កុមារមានចិត្តរីករាយដែលបានជួបសាវករបស់ព្រះ !
អែលឌើរ និងស៊ីស្ទើរឃុកបានទៅមជ្ឈមណ្ឌលបំពាក់បំប៉នអ្នកផ្សព្វផ្សាយសាសនា ។ ពួកអ្នកផ្សព្វផ្សាយសាសនាបានចែកចាយពន្លឺរបស់ព្រះយេស៊ូវគ្រីស្ទរៀងរាល់ថ្ងៃ !
តើអ្នកអាចក្លាយជាពន្លឺមួយនៅផ្ទះ នៅក្នុងសហគមន៍របស់អ្នកដោយរបៀបណា ?
« ពេលយើងជាពន្លឺ នោះយើងជះឥទ្ធិពលដល់ពិភពលោកបានកាន់តែប្រសើរឡើង »—អែលឌើរ ឃ្វីនថិន អិល ឃុក ។
ធ្វើគោមភ្លើង
ពែងក្រដាស
ដែកចោះធ្វើរន្ធ ឬខ្មៅដៃចុងស្រួច
ពិល ឬចង្កឹះភ្លើងពណ៌
-
សូមប្រើប្រដាប់ចោះធ្វើរន្ធ ឬខ្មៅដៃដើម្បីចោះរន្ធនៅជុំវិញពែង ។ ចោះរន្ធនៅខាងបាតផងដែរ ឬកាត់វាចេញទាំងស្រុង ( សូមឲ្យមនុស្សពេញវ័យជួយ ) ។
-
តុបតែងពែងរបស់អ្នកតាមចិត្តចង់ ។ បន្ទាប់មក ដាក់ពន្លឺ ឬចង្កឹះភ្លើងពណ៌នៅក្រោមពែងនោះ ។
-
សូមបិទភ្លើង ហើយមើលគោមភ្លើងរបស់អ្នកភ្លឺ !