“Isimeli kei na Nona Matavuvale,” iTalanoa ni iVola i Momani (2023)
Isimeli kei na Nona Matavuvale
Lewena na ilakolako ki na vanua yalataki
Eratou a tiko duadua ena lekutu na matavuvale nei Liai kei Seraia. Ena dua na siga, a tukuna na Turaga vei Liai me talai iratou na luvena ko Leimani, Lemueli, Semi, kei Nifai ki Jerusalemi. Erau a talai me ratou kerei Isimeli kei na nona matavuvale me ratou mai tomani iratou. Me rawa ni vakatubu kawa kina na nodratou matavuvale ena vanua yalataki.
Eratou a vinakata o Isimeli kei na nona matavuvale me ratou muria na Turaga. Eratou vakabauta ni vinakata na Turaga me ra duavata kei na matavuvale nei Liai kei Seraia. Era a digitaka me ra biuti Jerusalemi ka sotavi Liai ena loma ni lekutu.
Ena nodra ilakolako, eso na tamata era sa sega tale ni via talairawarawa. Era sa vinakata me ra lesu tale i vale. A kerei rau o Nifai me rau vakabauta na Turaga.
E kaya o Nifai ni sa rawa vua na Turaga me cakava e dua ga na ka kevaka e tu vei ira na vakabauta. Erau sa cudru sara ko Leimani kei Lemueli. Erau vesuki Nifai ka vinakata me rau biuti koya tu ena lekutu.
Masuta o Nifai na veituberi. Sa tasere na dali, ka tucake o Nifai. Ia o Leimani kei Lemueli erau se vinakata tikoga me rau vakararawataki koya. E dua vei ira na luvei Isimeli yalewa a taqomaki Nifai. A taqomaki koya talega o tinana kei na dua na ganena. Erau a rogoci iratou o Leimani kei Lemueli ka rau sa sega tale ni tovolea me rau vakararawataki Nifai.
Erau kere veivosoti o Leimani kei Lemueli ena veika rau sa cakava. Erau kerei Nifai me vosoti ira. E vosoti iratou na tuakana o Nifai? Erau a qai masu o Leimani kei Lemueli ka kerea vua na Turaga me vosoti rau.
Era tomana taucoko na nodra ilakolako ka yacova yani na valelaca nei Liai kei Seraia. Kena itinitini, rau sa tiko vata na matavuvale e rua oqo. Era vakavinavinaka vua na Turaga ka qaravi Koya.