Alama 17–19

Apisi

Vukei ira na nona tamata me ra vakabauti Jisu

Taubale ko Apisi e loma ni koro

A cakacaka o Apisi vua e dua na ranadi ka a dua na Leimanaiti. A vulica o Apisi na veika baleti Jisu Karisito mai na raivotu nei tamana. Ena vuqa na yabaki, a vakabauti Jisu ka vinakata me muri Koya. Ia a se bera mada ni tukuna vei ira na Leimanaiti tale eso.

Alama 19:16–17

Ko Apisi e raica tiko na ranadi, na tui, kei Amoni

Ena dua na siga, a lako mai e dua na Nifaiti na yacana o Amoni ki na matanitu me vakavulici ira na Leimanaiti me baleti Jisu kei na Kalou. Erau vakabauta na ranadi kei na tui na veika a vakatavulica o Amoni. Erau kila na ranadi kei na tui ni na lako mai ki vuravura o Jisu ka cakava me rawa nira vosoti o ira kece era vakabauti Koya.

Alama 17:12–13; 18:33–36, 39–40; 19:9, 13

Sa raica o Apisi ni ra bale kece ki na qele na tamata kecega

Erau vakila na Yalo Tabu na ranadi kei na tui ka rau marau vakalevu ni rau bale ki na qele. Eratou a bale talega o Amoni kei ira na italai. A tucake duadua tu ga o Apisi.

Alama 19:6, 13–16

Vosa tiko o Apisi vei ira e vuqa na tamata

A vinakata o Apisi me tukuna vei ira na tamata na cakamana oqo. A nuitaka ni ra na vakabauta na tamata na kaukauwa ni Kalou ni ra raica na veika sa yaco. Sa mani cici o Apisi mai na dua na vale ki na dua tale. A tukuna vei ira na tamata mera lako ka raica na veika sa cakava na Kalou vua na ranadi kei na tui.

Alama 19:17

e vuqa na tamata era raici ira na tamata ena qele

E vuqa na tamata era lako mai ki na nodrau vale na ranadi kei na tui. Era a kurabui baleta ni vaka mera sa mate tu na ranadi, na tui, kei ira kece na nodrau dauveiqaravi.

Alama 19:18

era veiba tiko na tamata

Era a veilecayaki na tamata. Era a veibataka na veika a yaco vua na ranadi kei na tui.

Alama 19:19–21

Tekiduru tiko o Apisi ka taura tiko na ligana na ranadi

Ni lesu tale mai o Apisi, a raici ira na tamata nira veiba tiko. A rarawa o koya baleta nira a sega ni raica na kaukauwa ni Kalou. A qai taura na ligana na ranadi, ka tucake na ranadi ka vakacaucautaki Jisu.

Alama 19:28–29

erau duri vata tu kei Apisi kei Amoni na tui kei na ranadi

A taura na ranadi na liga i watina, ka qai tucake o koya. A tukuna na tui vei ira na tamata me baleti Jisu. Sa qai tucake o Amoni kei na so tale na italai. Eratou a tukuna taucoko vei ira na tamata ni sa veisautaki iratou o Jisu. Era sa vinakata sara ga oqo me ra cakava ga na veika vinaka. E vuqa na tamata era a vakabauti iratou.

Alama 19:29–36

Ko Apisi, na ranadi, kei na tui eratou sarava tiko e dua na papitaiso

Me vaka ga a nuitaka tu o Apisi, era a raica na tamata na kaukauwa ni Kalou. E vuqa na tamata era vakabauti Jisu ka papitaisotaki. A tiko vata kei ira na Yalo ni Kalou. Era a tauyavutaka sara mada ga na Lotu ena nodra vanua. Era raica ni o Jisu ena vukea e dua ga e veivutuni ka vakabauti Koya.

Alama 19:17, 31, 35–36