“Kitioni, Alama, kei Neori,” iTalanoa ni iVola i Momani (2023)
“Kitioni, Alama, kei Neori,” iTalanoa ni iVola i Momani
O Kitioni, Alama kei Neori
Taqomaka na dina ena vosa ni Kalou
Era digitaki Alama Lailai na Nifaiti me nodra turaganilewa levu. A bete levu talega ena Lotu o Alama.
E dua na tamata na yacana o Neori sa tekivu vakavulica vei ira na tamata e dua na ka e vakatoka me vosa ni Kalou. Ia a vakavulici ira na tamata ni sega ni gadrevi me ra talairawarawa vua na Kalou se veivutuni.
E vuqa na tamata era taleitaka ka vakabauta na ka e kaya o Neori. E vinakata o koya me ra solia vua na tamata na ilavo ka vakacaucautaki koya. E nanuma o koya ni sa tamata vinaka cake mai vei ira na tamata tale eso. A cakava ga na nona lotu, ka vuqa na tamata era vakarorogo vua.
Ena dua na siga, a sotava o Neori e dua na kena turaga na yacana o Kitioni. O Kitione e dua na qasenivuli ena Lotu ni Kalou ka sa cakava e levu na ka vinaka. E vinakata o Neori me ra biuta na Lotu na tamata, ka mani veiba kei Kitioni. A vakayagataka o Kitioni na vosa ni Kalou me vakaraitaka ni o Neori e sega ni vakavulica tiko na dina. A rarawa ko Neori. A vakamatei Kitioni ena nona iseleiwau.
Era sa qai kauti Neori vei Alama o ira na tamata me lewai. A saga o Neori me taqomaka na veika sa cakava. A sega ni vinakata me totogitaki.
A kaya o Alama ni cala na ivakavuvuli nei Neori ka rawa ni vakamavoataki ira na tamata. A muria o Alama na lawa. Baleta ni a vakamatei Kitioni o Neori, sa mani vakamatei kina.
Ni bera ni mate, sa tukuna o Neori vei ira na tamata ni a lasu o koya. A sega ni vakatavulica o koya na vosa ni Kalou. E dina ga ni kaya o Neori ni cala o koya, e vuqa na tamata era muria na nona ivakaraitaki. Era lasu vei ira na tamata me ra vakacaucautaki koya ka rawa ilavo. Ia eso tale na tamata era a rogoci Alama. Era sa qaravi ira na dravudravua ka muria na ivakaro ni Kalou.