“Inosi,” iTalanoa ni iVola i Momani (2023)
“Inosi,” iTalanoa ni iVola i Momani
Inosi
E dua na masu cecere vua na Turaga
A solia o Jekope na peleti vua na luvena o Inosi. A volavola kina o Inosi me vakataki Jekope. Ena dua na siga a lai vakasasa ko Inosi ena loma ni veikau. E nanuma lesu na veika a vakavulica o tamana me baleta na Turaga. A vakavulici Inosi o Jekope ni muria na Turaga ena kauta mai vua na reki.
A vinakata o Inosi me vakila na reki e tukuna o tamana. A nanuma me masu vua na Turaga. A masu tiko ena siga taucoko ka laki bogi mai.
A tukuna na Turaga vei Inosi ni sa vosoti na nona ivalavala ca. Sa marau vakalevu o Inosi. A vakalougatataki o Inosi ena vuku ni nona vakabauti Jisu Karisito.
E vinakata o Inosi me ra vakila talega na marau oqo o ira na Nifaiti. A tomana tikoga na nona masu. A kerea vua na Turaga me ra vakila na Nifaiti na reki vata ga.
A kaya na Turaga vei Inosi ni na tiko vata kei ira na Nifaiti kevaka era maroroya na Nona ivakaro. Ni sa rogoca oqo o Inosi, sa kaukauwa cake sara na nona vakabauta na Turaga.
Masu tale o Inosi. A kerea vua na Turaga me vakalougatataki ira na Leimanaiti ka me taqomaki na volavola ena peleti. A vinakata mera wilika na Leimanaiti na peleti ka vakabauta na Turaga. A yalataka na Turaga vei Inosi ni ra na wilika na Leimanaiti na volavola ena dua na siga.