“Korianitoni,” iTalanoa ni iVola i Momani (2023)
Korianitoni
Gole tale vua na Turaga
O Korianitoni e dua vei ira na luvei Alama tagane. A lako vata kei tamana, o Sipiloni na tuakana, kei ira tale eso me ra vakavulica e dua na ilawalawa tamata ka ra vakatokai na Soramaiti me baleta na kosipeli i Jisu Karisito.
Ni tiko vata kei ira na tamata o Korianitoni, a temaki me ivalavala ca. Ni sega ni talairawarawa vua na Turaga, a digitaka kina me cakava na veika e saqata na ivakaro ni Kalou. Ena vuku ni ka a cakava, eso vei ira na Soramaiti era sega ni vakabauta na veika a vakavulica o Alama kei ira na luvena.
A sureti Korianitoni o Alama me veivutuni ka gole vua na Turaga me vosoti. A lomaleqataka o Korianitoni e so na tiki ni ituvatuva ni Turaga. A vukea na luvena o Alama me kila na ituvatuva ni marau ni Turaga, na Veisorovaki i Karisito, tucaketale, kei na bula ni oti na mate. A vakananuma vua o Alama ni sa tiko vua na Turaga e dua na cakacaka me cakava.
A rogoci tamana o Korianitoni. A vakabauti Jisu ka veivutunitaka na nona ivalavala ca. A vulica o koya ni sa dodonu ka yalovinaka talega na Turaga. A veivakavulici tale o Korianitoni vata kei tamana kei tacina. Era a vakavulica e vuqa na tamata me baleta na reki kei na vakacegu ni veivutuni kei na bulataki ni kosipeli i Jisu Karisito.