O Kavetani Moronai kei Paorani

Kaukauwa mai vua na Kalou

E yadra tikoga o Kavetani Moronai, ka ra vakacegu na sotia oca ka mavoa

Era sa vala tiko na Nifai kei na Leimanaiti. E a nodra turaga ni valu na Nifai o Moronai. Era sega ni vakauta na iliuliu ni Nifai na sotia se kakana me veirauti. A cudru o Moronai ka vola e dua na ivola vei Paorani, na nodra iliuliu na Nifai.

Alama 59:3–13; 60:1, 3–5

E vola o Kavetani Moronai e dua na ivola

Ena nona ivola, a tarogi Paorani kina o Moronai se cava e sega ni vakauta mai kina na veivuke. E nanuma o Moronai ni sega ni kauwaitaki ira na tamata o Paorani ka vinakata ga me dokai A vinakata o Moronai mera bula galala na nona tamata.

Alama 60

A wilika o Paorani na ivola nei Kavetani Moronai ka mata rarawa sara

A rarawa o Paorani ni a sega ni vukei na mataivalu. A vinakata me vukei Moronai, ia a sega ni rawata. Eso na Nifai era sa saqati koya tiko.

Alama 61:1–4

Era vakaisulu tu na Nifai ena isulu totoka ena lalaga ni koro levu ka kaila

O ira na Nifai oqori era vakatokai me ra tamata vakatui. Era vinakata me tu vei ira na kaukauwa me baleti ira ga ka lewai ira na tamata. Era a kauta tani na matanitu mai vei Paorani.

Alama 51:5; 61:3–5, 8

E vola o Paorani e dua na ivola ka raica sobu e dua na keba

A vinakata o Paorani me liutaki ira tikoga na Nifai me rawa ni vukei ira. Me vakataki Moronai, e vinakata o koya me ra muria na Kalou na Nifai ka maroroya na nodra bula galala. E diva me ra kakua ni vala kei na dua. Ia e tu vakarau me vala ke na vukea me taqomaki ira na nona tamata.

Alama 61:9–14, 19–20

E vosa o Paorani ki na dua na ilawalawa Nifai

A kerei ira na Nifai o Paorani me vukei koya me vala me taqomaka na nodra matavuvale, nodra bula galala, kei na nodra dodonu me ra qarava na Kalou. E kila o koya ni na tiko vata kei ira na Yalo ni Kalou ni ra digitaka me ra valataka na ka dodonu. E levu na Nifai era lako mai mera vukei Paorani mera taqomaka na nodra vanua.

Alama 61:5–7, 14–15

Sa vola o Paorani e dua na ivola vei Moronai. A sega ni cudruvi Moronai. A tukuna vei Moronai na veika kece e yaco tiko. A kerei Moronai me lako mai ka vukei koya me vala kei ira na tamata vakatui. E kila o Paorani ni sega ni gadrevi mera rere ke ra muria na Kalou. Ena taqomaki ira na Kalou ka vukei ira.

Alama 61:9, 14–21

Sa taura cake o Kavetani Moronai na drotini ni bula galala ka maji yani ena kedra maliwa na Nifai

A vakasinaiti o Moronai ena inuinui ena vuku ni vakabauta nei Paorani. Ia a rarawa ni so na Nifai era sa valuti ira lesu tiko mai na nodra tamata ka sega ni talairawarawa vua na Kalou. A kauta o Moronai e dua na mataivalu ka lako me laki vukei Paorani. A taura cake na droini ni bula galala ena veivanua kecega e lako kina. Era sa lewa e udolu na Nifai me ra vala me ra taqomaka na nodra bula galala.

Alama 62:1–5

E rau matadredredre o Kavetani Moronai kei Paorani ka rau raica e dua na mape

Rau a vakadrukai ira na tamata vakatui o Moronai kei Paorani ena nodrau mataivalu. A yaco tale o Paorani me nodra iliuliu na Nifai. A tala yani o Moronai e vuqa na tamata me ra vukei ira na mataivalu ni Nifai. A vakauta tale ga na kakana vei ira na mataivalu. Ia ni ra sa mai duavata oqo na Nifai, era sa qaqa ena vuqa na ivalu. Era sa taura lesu mai e vuqa na koro lelevu ni Nifai mai vei ira na Leimanaiti.

Alama 62:6–32