“E Dua na Cava e Wasawasa,” iTalanoa ni iVola i Momani (2023)
“E Dua na Cava e Wasawasa,” iTalanoa ni iVola i Momani
E Dua na Cava e Wasawasa
Kune vakacegu vua na Turaga
A kaya na Turaga vei Liai ni sa gauna me vodo kina ki waqa. Era dui tawana na matavuvale e levu na kakana me ra kania ni ra lako tiko. Era sa qai vodo kece ki waqa ka soko yani ki na vanua yalataki.
Ni oti e vuqa na siga e wasawasa, eso na tamata era sa tekivu veibeci ka viavialevu. Era sa guilecava ni a vukei ira tiko na Turaga.
A lomaleqa o Nifai de ratou vakararawataka na Turaga. Kevaka e sega na veivuke ni Turaga, ena sega ni taqomaki na nodratou waqa. A kerei iratou na tuakana o Nifai me ratou muduka.
Erau cudruvi Nifai o Leimani kei Lemueli Erau a vesuki koya ka cakava na ka rarawa vua. Erau sa sega ni talairawarawa vua na Turaga, ka sa sega tale ni cakacaka na Liaona. Sega ni dede sa yaco mai e dua na cava levu. Ni oti e tolu na siga ena cava, era sa rere kece de ra na luvu.
A vakamasuti Leimani kei Lemueli na matavuvale nei Nifai me rau sereki Nifai. Ia erau sega ga ni vakatara o Leimani kei Lemueli me dua e sereki Nifai. Rau sa rarawa sara o Seraia kei Liai ka rau sa tauvimate bibi sara. A sega ni mudu na cava.
Ena ikava ni siga, erau kila o Leimani kei Lemueli ni sa vakarau me luvu na waqa. Erau sa veivutuni ka sereki Nifai. Ni masu o Nifai, sa oti na cava. Sa cakacaka tale na Liaona. A vakayagataka o Nifai me vagolea kina na waqa ena sala dodonu.
Ni oti e vuqa na siga, era sa yaco na matavuvale ki na vanua yalataki.