Ilamani 3–6

Oi rau Na Veitacini o Nifai kei Liai

Rogoci edua na domo mai lomalagi

rau veivakavulici na veitacini o Nifai kei Liai, ni tu voleka edua na mataivalu ni Leimanaiti

Erau veitacini o Nifai kei Liai ka rau vinakata me ra kila na tamata kecega na kosipeli i Jisu Karisito. Era sa veivaluvaluti tiko na Nifaiti kei na Leimanaiti, ia erau se veivakavulici tikoga na veitacini vei ira na ilawalawa ruarua oqo. Ena dua na siga ni rau lako tiko me rau vakavulici ira na tamata, a biuti rau ki valeniveivesu edua na mataivalu ni Leimanaiti.

Ilamani 3:20–21, 37; 4:4–5, 14; 5:4–21

Era gole yani na mataivalu ni Leimanaiti ki na valeniveivesu erau tiko kina o Nifai kei Liai

Ni oti e vica na siga, era sa lako mai na mataivalu ki na valeniveivesu me vakamatei Nifai kei Liai.

Ilamani 5:22

e serauni Nifai kei Liai na bukawaqa kei na rarama ka taqomaki rau, era bale na sotia, ka basika mai na o butobuto loaloa

Ni bera ni dua e vakamavoataki Nifai kei Liai, e a vakavolivoliti rau edua na bukawaqa. A sega ni vakamai rau na bukawaqa. Ia, a maroroi rau na Kalou. Sa qai sakure na qele. E vaka ni ra na bale sobu na lalaga ni vale ni veivesu. Sega ni dede, sa ologa na tamata kecega e vale ni veivesu na o loaloa. Era a rere vakalevu na tamata.

Ilamanai 5:23–28

era tiko na tamata ena o loaloa ka rai tiko yani ki na rarama

A rogo mai na dela ni o loaloa edua na domo. E a malumu, vaka na vakasolokakana, ia era vakila na tamata e lomadra. E a domo ni Kalou. A tukuna vei ira na Kalou mera veivutuni.

Ilamani 5:29–30, 46–47

na tagane kei na yalewa era rai cake tiko ena maliwa ni o butobuto

Sa qai sakure vakalevu na qele kei na valeniveivesu. A rogo tale mai na domo ka tukuna vei ira na tamata mera veivutuni. Era sega ni rawa ni veitosoyaki na tamata ena vuku ni o kei na nodra rere.

Ilamani 5:31–34

A dusi rau o Nifai kei Liai ko Aminatapi, nirau serau ka rai cake tu

E dua na tagane ena ilawawa e yacana o Aminatapi. A lewena tu ena dua na gauna na Lotu ni Kalou. A raica ni sa tekivu me serau mai na matai i Nifai kei Liai. Erau a rairai me vaka na agilosi. E vaka ni rau veivosaki tiko kei na dua mai lomalagi. A kaya o Aminatapi vei ira kece me ra raici Nifai kei Liai.

Ilamani 5:35–39

e vuqa na tagane kei na yalewa era rai cake ena maliwa ni o loaloa ka masu

Era a tarogi Aminatapi na tamata se cava e rawa nira cakava me kau tani kina na o loaloa. A wasea o Aminatapi na veika e kila me baleta na Kalou kei Jisu. A tukuna vei ira na tamata me ra veivutuni, vakabauti Jisu, ka masu vua na Kalou. Era a vakarorogo na tamata vei Aminatapi. Era a masu me yacova ni sa takali yani na butobuto.

Ilamani 5:40–42

era masu tiko na tamata nira vakavolivoliti tu ena rarama kei na bukawaqa

Na bukawaqa mai vua na Kalou sa wavoliti ira kece na tamata ka sega ni vakamai ira. Era a vakasinaiti na tamata ena Yalo Tabu ka ra sa marau sara vakalevu. Era a cavuta eso na veika veivakurabuitaki. A rogo tale mai na domo oya. A tukuna vei ira mera vakacegu baleta nira sa vakabauti Jisu. Era lako mai na agilosi ka sikovi ira na tamata.

Ilamani 5:43–49

Erau biuta na valeniveivesu o Nifai kei Liai, ka ra sarava tu mai na tamata

Ko Nifai, Liai, kei ira kece na tamata era sa biuta na valeniveivesu. Era a tukuna vei ira e vuqa na tamata ena vanua taucoko na ka era a raica ka rogoca ena siga oya. E vuqa vei ira na Leimanaiti era a vakabauta ka digitaka mera muri Jisu. Era sa sega tale ni vala ena ivalu. Ia, era vukei ira na tamata mera vakabauti Jisu ka veivutuni.

Ilamani 5:50–52; 6:1–6