Ica 6; 12–15

Ica na Parofita

Na ivakasala ni Turaga ki na dua na matanitu

tamata mamarau ena dua na makete ena koro levu

Na Turaga a kauta mai na taci i Jereti kei na nona matavuvale ki na vanua yalataki. Era a yalomalumalumu ka dau muria na ivakaro ni Kalou. E a tubu na nodra ilawalawa ena vuqa na yabaki, ka ra vinakata me liutaki ira e dua na tui. A vakasalataki ira na tuakai Jereti ni rawa ni vakavu leqa ke tiko edua na nodra tui, ia a laiva ga mera digia e dua na tui.

Ica 6:5, 12–18, 22–24, 27

Era cudru na Jeretaiti ka ra dusi i Ica

Ena vica vata na drau na yabaki, era a bula voli na Jeretaiti ena vanua yalataki. Ena so na gauna era a tuberi ira na nodra tui mera caka vinaka, ia ena so tale na gauna e a sega. O ira na parofita ni Kalou era na vakasalataki ira na tamata me ra veivutuni. Nira vakarorogo ka muria na ivakaro ni Kalou, a vakalougatataki ira o Koya. Na iotioti ni nodra parofita na Jeretaiti a yacana o Ica.

Ica 7:23–27; 9:26–30; 10:16–17, 28; 11:1–8, 12–13, 20–22; 12:2

E dabe ka veivakavulici o Ica, ka so na tamata era cudru

Era a sega ni talairawarawa tiko na tamata vua na Kalou. Ia a tiko vata kei Ica na Yalo ni Turaga. A vakavulici ira mai na mataka me yacova na bogi. A kaya o koya mera vakabauta na Kalou ka veivutuni de ra na vakarusai. Kevaka e tu vei ira na vakabauta, e rawa ni ra nuitaka mera lai bula vata tale kei na Kalou ka tu vei ira na kaukauwa mera cakava na veika vinaka. Era a sega ni vakabauta na tamata.

Ica 11:22; 12:2–5; 13:2

e dabe tiko o Ica e loma ni qaravatu ka volavola tiko

A sarava o Ica na ka era cakava tiko na tamata. A vuni ena dua na qaravatu ena siga ka vola na veika a raica. Era a sega ni veivutuni na tamata ka tekivu veivala vakai ira.

Ica 13:13–15

Sa rai ki liu o Korianatuma

A raica o Ica ni nodra tui na Jeretaiti, o Korianatuma, a valuti ira e vuqa na tamata era a vinakata mera tui. A vakayagataka na nona mataivalu o Korianatuma me taqomaki koya.

Ica 12:1; 13:15–19

Sa vosa o Ica vei Korianatuma

Ena dua na siga, a tukuna na Turaga vei Ica me vakasalataki Korianatuma kei ira na nona tamata me ra veivutuni. Kevaka era vakayacora vakakina, na Turaga ena vukei ira na tamata ka na maroroya kina o Korianatuma na nona matanitu. Kevaka e sega, era na veivakarusai vakai ira na tamata. Ena bula balavu o Korianatuma me raica ni dina na vosa ni Turaga. Sa na qai mate talega.

Ica 13:20–21

Era valuta na mataivalu i Korianatuma ko Sisi kei na nona mataivalu, ka raici ira tu ko Ica

A sega ni veivutuni o Korianatuma kei ira na nona tamata. Era a saga na tamata mera vakamatei Ica, ia a dro o Ica ki na nona qaravatu. E dua na tamata na yacana o Sisi a valuti Korianatuma. Era a digitaka na tamata me ra lewena e dua vei rau na mataivalu se nei Sisi se mataivalu i Korianatuma. Erau dau veivaluvaluti vakalevu na mataivalu e rua oqo. E levu na tamata era mate kina.

Ica 13:22–25; 14:17–20; 15:2

Era valuta na mataivalu i Sisi na mataivalu i Korianatuma, ka vola kina o Korianatuma edua na ivola

A nanuma lesu o Korianatuma na veika a tukuna o Ica. A rarawa ni vuqa na nona tamata era sa mate. A nanuma lesu ni o ira kece na parofita era a vakasalataka ni na yaco na ka oqo. Sa tekivu me veivutuni o koya ka vakauta e dua na ivola vei Sisi. A kaya ni na solia na matanitu kevaka era na vakabulai na nona tamata. Ia a vinakata o Sisi me vala.

Ica 15:1–5

na tagane, yalewa, kei na gone era maji vaka sotia, ka raica tiko o Ica

Era sa cudru na tamata i Korianatuma ka via vala. Era sa cudru talega na tamata i Sisi ka vinakata mera vala. E sega ni dua e vinakata me veivutuni. A raica o Ica ni ra lai valu na tamata yadua. E levu tale na tamata era mate.

Ica 15:6, 12–17

tekiduru o Korianatuma ena uca ni taura tiko edua na moto

A vinakata o Korianatuma me tarova na ivalu. A kerei Sisi o koya me taura na matanitu ka kakua ni vakararawataki ira na nona tamata. Ia era a cudru kece. E a sega ni tiko vei ira na Yalo ni Turaga. A raica o Ica nira vala kece tiko na tamata me yacova ni sai koya duadua ga na ikarua ni Jeretaiti ka sa vo. A qai ciba o Korianatuma.

Ica 15:18–30, 32

E tekiduru o Ica ka masu vua na Kalou ena icabocabo ni soro ena delana, ka maroroi na ivolatukutuku ena dua na qara voleka

A raica o Ica ni sa dina na veika kece a tukuna na Turaga. Sa qai vola vakaoti o Ica na ka a yaco. Sa qai qarauna mera na kunea rawa na tamata na nona ivolatukutuku ni sa na mate. A vakabauta na Kalou o Ica ka nanamaki tu me tiko vata kei Koya ena dua na siga.

Ica 15:33–34