3 Nifai 1

iVakatakilakila ni Sucu i Jisu

Na vakabauti ni nona ivakavuvuli edua na parofita

tina kei tama kei na gonelailai kei rau na gone ratou taubale tiko e loma ni koro levu

Sa oti beka oqo e lima na yabaki mai na gauna a vakavulica kina na parofita o Samuela na ivakatakilakila ni sucu i Jisu Karisito. E vuqa na tamata era a vakabauta ka vakaraica tiko na ivakatakilakila. Eso tale na tamata era kaya ni cala o Samuela ka sa sivi na gauna ni ivakatakilakila. Era veiwalitaki ira na vakabauta ka kaya ni na sega ni lako mai o Jisu.

Ilamani 14:2–7; 3 Nifai 1:4–6

dabe vata na matavuvale, ka vosa o tama

Era a lomaleqa na tamata vakabauta, ia era a vakabauta tiko ga. Era a vakaraica tikoga mai na ivakatakilakila. E dua na ivakatakilakila sai koya ni na dua na bogi ena sega ni butobuto. Ena serau me vaka na siga ni sa dromu na matanisiga. Na bogi ka na sega ni butobuto ena vakatakila ni na sucu o Jisu ena siga ka tarava ena dua tale na vanua.

Ilamani 14:2–4; 3 Nifai 1:7–8

e rere na matavuvale niratou kailavaki tiko

O ira na tamata era sega ni vakabauta era a cakava e dua na ituvatuva. Era digia edua na siga ka kaya ni kevaka e sega ni yaco na ivakatakilakila ena siga oya, era na vakamatei na tamata vakabauta.

3 Nifai 1:9

E raici ira na tamata o Nifai nira cudruva tiko na matavuvale

E dua na tagane na yacana o Nifai e a dua tiko na parofita ena gauna oqo. A rarawa vakalevu o koya ni so na tamata era vinakata mera vakamatei na tamata vakabauta.

3 Nifai 1:10

E tekiduru o Nifai me masu

A cuva sobu o Nifai ki na qele ka masu vua na Kalou ena vukudra na vakabauta era sa vakarau mate ena vuku ni nodra vakabauta. A masu ena siga taucoko.

3 Nifai 1:11–12

A biuta vata tu na ligana o Nifai ka masu tiko

Me isau ni nona masu, a rogoca o Nifai na domoi Jisu. A kaya o Jisu ni na yaco na ivakatakilakila ena bogi oya ka na qai sucu o Koya ena siga ka tarava.

3 Nifai 1:12–14

era rai ki lomalagi na tamata ena kurabui

Na bogi oya a sega ni butobuto e dina ga ni sa dromu oti na matanisiga. O ira na tamata era a sega ni vakabauta na vosa i Samuela, era a kurabui vakalevu ka ra bale sobu ki na qele. Era a rere ena vuku ni nodra a vakatitiqa. O ira na tamata vakabauta era a sega ni vakamatei.

3 Nifai 1:15–19

era raica ena kurabui na matavuvale edua na lomalagi karakarawa ramase

Ena siga ka tarava, sa cadra cake tale na matanisiga ka ramase tu ga na lomalagi. Era kila taucoko na tamata ni oqo na siga ena sucu kina o Jisu.

3 Nifai 1:19

era rai ki lomalagi na tamata ka raica e dua na kalokalo vou

Era raica na tamata e dua tale na ivakatakilakila. A basika mai lomalagi e dua na kalokalo vou. Na ivakatakilakila kece a tukuna o Samuela a yaco dina. E vuqa tale na tamata era a vakabauti Jisu ka papitaisotaki.

Ilamani 14:2–7; 3 Nifai 1:20–23