Alama 23–27

O Ira na Anitai-Nifai-Liai

O ira na tamata era digitaka me ra lomani ira na nodra meca

veivakavulici o Amoni e ruku ni vunikau

E vuqa na Leimanaiti era vulica me baleta na Kalou mai vei Amoni kei iratou na tacina. O ira na Leimanaiti oqo era vakabauta vakaukauwa na Turaga ka muria na ivakaro ni Kalou. Era a vinakata e dua na yaca vou, ka ra vakatokai ira mera Anitai-Nifai-Liai ka sega ni Leimanaiti.

Alama 23:3–7, 16–17

Vakarorogo na matavuvale eso ki na veivakavulici nei Amoni

Era veisau na Anitai-Nifai-Liai ena vuku ni nodra vakabauta na Kalou. Era veivutunitaka na veika ca era a dau cakava. Era kila ni lomani ira ka vosoti ira na Kalou.

Alama 24:8–14

Era kolotaka na iyaragi na Anitai-Nifai-Liai ki na dua na qara

Era a cudru na Leimanaiti ka ra vakavakarau me ravuti ira na Anitai-Nifai-Liai. Era a sega ni vala, ia era a yalayala vua na Kalou na Anitai-Nifai-Liai. Era kaya nira na sega ni vakamavoataki ira tale na tamata. Me vakaraitaka oqo, era a buluta kina na nodra iyaragi. Era digitaka mera lomani ira na nodra meca ka sega ni vakamavoataki ira se vakamatei ira.

Alama 24:1–19; 26:31–34

E taura tu na iyaragi na Leimanaiti cudrucudru

O ira na Leimanaiti ka ra sega ni vakabauta na Kalou era a valuti ira na Anitai-Nifai-Liai.

Alama 24:20

Tekiduru ena masu e rua na Anitai-Nifai-Liai

Era vakabauta na Anitai-Nifai-Liai ni kevaka era vakamatei, era na lai bula vata kei na Kalou. Era a maroroya na nodra yalayala vua na Kalou ka ra sega ni vala kei ira na Leimanaiti.

Alama 24:16, 21

Era sa cegu ena vala na Leimanaiti

Me isosomi ni veivala, era a masu na Anitai-Nifai-Liai. Nira raica na Leimanaiti, e vuqa vei ira era a sega ni via vala. Era a lomararawa nira vakamatei ira na tamata. Era a digitaka talega na Leimanaiti me ra kakua tale ni vakamavoataki ira tale na tamata. Era a laki tomani ira na Anitai-Nifai-Liai.

Alama 24:21–27; 25:13–16

E lako ena ilakolako o Amoni kei ira na Anitai-Nifai-Liai

Ni toso na gauna, era a ravuravu mai e vuqa na tamata. O Amoni kei iratou na tuakana eratou rarawataka na nodra vakararawataki na Anitai-Nifai-Liai. Eratou a kerea vua na tui me kauti ira na nona tamata mera laki tiko vata kei ira na Nifaiti. Sa kaya na tui ni ratou na lako ke vinakata na Turaga me ratou lako. A masu o Amoni. E kaya na Turaga ni dodonu me ra lako ka na taqomaki ira o Koya.

Alama 27:2–15

Era kidavaki ira na Anitai-Nifai-Liai na Nifaiti

Era solia na Nifaiti na vanua vei ira na Anitai-Nifai-Liai me ra tiko kina ka qai taqomaki ira. Me kena isau, era a solia na Anitai-Nifai-Liai na kakana vei ira na Nifaiti. Era a vakabauta ka lomana vakalevu na Kalou na Anitai-Nifai-Liai. Era a yalodina vei ira na tamata kecega ka maroroya na nodra yalayala me ra kakua ni vala. Era a yalodina ena nodra bula taucoko.

Alama 27:20–30