Momani na Parofita

Volai ni iVola i Momani

e vuqa na tamata era bulia na iyaragi, ka sa tucake voleka tu o Momani ni se gone vata kei tinana ena dua na teveli ka sinai tu ena iseleiwau

O Momani e dua na Nifaiti e vakabauti Jisu Karisito. A tubu cake ena dua na gauna era a sega ni talairawarawa kina e vuqa na tamata ki na ivakaro ni Kalou. Era veibutakoci ka veivakamatei vakai ira na tamata me baleta na ilavo kei na kaukauwa. A levu sara na ivalu.

3 Nifai 5:12–13; 4 Nifai 1:27–49; Momani 1:1–3, 15, 18–19

A vosa vei Momani kei tinana o Amaroni ni rau tatamusuki tiko, ka vuqa na tamata era cakacaka ena were voleka

Ni sa yabaki 10 o Momani, a lako mai vua e dua na tamata na yacana ko Amaroni. A maroroya tu o Amaroni na nodra ivola ni itukutuku makawa na Nifaiti. A nuitaki Momani o Amaroni ka tukuna vua ni itukutuku a vunitaki tu ena dua na delana. E kaya o Amaroni ni sa yabaki 24 o Momani, e dodonu me vola o Momani na veika a raica me baleti ira na nodra tamata ka vakuria ki na ivolatukutuku.

4 Nifai 1:47–49; Momani 1:2–4

sa masu o cauravou lailai Momani ena dua na veikau, ka sa wavoliti koya tu na rarama

Ni sa tubu cake o Momani, a nanuma na ka a kerei koya kina o Amaroni me cakava. Ni sa yabaki 15 o Momani, a sikovi koya na Turaga. A vulica o Momani na vinaka i Jisu.

Momani 1:5, 15

e daramaka na iyaragi na cauravou lailai o Momani ka yadrava e dua na mataivalu ni Nifaiti

Dina ga ni se gone o Momani, a kaukauwa sara. Era digitaki koya na Nifaiti me liutaka na nodra mataivalu. E lomani ira na tamata o Momani ena yalona taucoko. E vinakata mera talairawarawa vua na Kalou ka mera marau.

Momani 2:1–2, 12, 15, 19; 3:12

sa rarawa ka masu na qase o Momani, ka sa tu e dakuna na vanua sa kama

A saga o Momani me vukei ira na tamata. A masulaki ira ena veisiga yadua. Era kila na tamata ni ra sa cakava tiko na veika ca, ia era sega ni via veivutuni. Sa sega tale ni tu vei ira na kaukauwa ni Kalou me vukei ira. Baleta ni sega vei ira na vakabauta, sa muduki kina na cakamana. Era tomana tiko ga na nodratou vala, ka vuqa vei ira era mate. Sa rarawa o Momani.

Momani 1:13–14, 16–19; 2:23–27; 3:1–12; 4:5, 9–12; 5:1–7

Sa volavola o Momani ka sa tuvanaka na peleti kaukamea

Ni sa yabaki 24 o Momani, a lako ki na delana ka vunitaki tu kina na ivolatukutuku. Sa tekivu me vola na italanoa kei na nodra ivakavuvuli na tamata ena peleti kaukamea. A vukei koya na Kalou me kila na ka me vola. A cakacakataka tiko o Momani na itukutuku oqo ena vuqa na yabaki. Nikua, na ivola itukutuku oqo sa mai vakatokai tiko me iVola i Momani.

Vosa i Momani 1:3–9; Momani 1:3–4; 2:17–18

Eratou sa lako o Momani, watina, kei na luvedrau

Ni oti e vuqa na ivalu, era sa voleka ni vakamatei ira taucoko na Nifaiti na Leimanaiti. E kila o Momani ni ra sa na vakarau yali totolo na nona tamata. A rarawa o koya baleta ni ra se bera ni veivutuni ka kerea na veivuke ni Kalou. Ia a masu qai kerea vua na Kalou me taqomaka na peleti. E kila o koya ni na taqomaki vinaka na peleti baleta ni sa tu kina na vosa ni Kalou.

Vosa i Momani 1:11; Momani 5:11; 6:6, 16–22

Ni sa qase o Momani sa qai solia vei luvena o Moronai na peleti kaukamea.

A vinakata o Momani me ra vakabauti Jisu na tamata. A nuitaka ni na levu era na wilika na ivola oqo ena veisiga mai muri. A vinakata vakalevu me ra wilika na nodra matavuvale na Leimanaiti ena dua na siga. Ke ra cakava qori, era na vulica na veika baleti Jisu. Ni bera ni mate o Momani, a solia na itukutuku vei luvena o Moronai me na taqomaki kina.

Vosa i Momani 1:1–2; Momani 3:17–22; 5:8–24; 6:6; 7; 8:1