Alama 30

Alama kei Korio

Vakabauta ni Kalou e bula dina tiko

O Korio e matadredredre ka vosa tiko vua e dua ni rau taubale vata tiko ena dua na sala osooso

A lako mai ki na vanua o Saraemala e dua na tagane na yacana o Korio. A tukuna vei ira na tamata ni Kalou kei Jisu Karisito erau sega ni bula dina tiko.

Alama 30:6, 12, 37–38, 45

E matadredredre o Korio ka dusia edua na gone ka rarawa tiko

E kaya o Korio ni rawa walega vei ira na tamata mera kila e dua na ka kevaka era raica. A veiwalitaki ira na tamata era vakabauti Jisu.

Alama 30:13–16

E matadredredre o Korio ni vosa tiko ki na dua na ilala tamata

E kaya o Korio nira sega ni gadreva na tamata na ivakaro ni Kalou. E kaya o koya ni rawa vei ira na tamata mera cakava e dua ga na ka era vinakata. E vuqa na tamata era a vakabauti koya. Era sa mani lewa mera cakava na veika ca.

Alama 30:17–18

Sa vesu o Korio ka ra kauti koya tani mai na koro na sotia

A tovolea o Korio me vakavulici ira na Anitai-Nifai-Liai, ia era a sega ni vakabauti koya. Era a vesuki koya ka vakauti koya tani yani. A mani lako ki na vanua ko Kitioni. Era a vesuki koya talega na tamata e kea. Era a vakauti koya vei Alama.

Alama 30:19–29

E matadredredre ka dusi Alama o Korio

A tukuna vei Alama o Korio ni sega ni bula dina tiko na Kalou. A kaya ni o Alama kei ira na bete tale eso era a lasutaki ira tiko na tamata. A kaya o Korio nira cakava tiko mera muria na tamata na itovo sesewa. A kaya talega nira taura tiko na ilavo mai vei ira na tamata. A kila o Alama ni sega ni dina na ka oqo. E vakabauta na Kalou kei Jisu.

Alama 30:30–40

E vosa tiko o Alama ki na dua na ilala tamata ni roqo liga tiko mai dakuna o Korio

A kaya o Alama ni o ira na parofita kei na veika kece e vuravura era vukei ira na tamata mera kila ni bula dina tiko na Kalou. A vinakata o Korio me so tale na ivakadinadina. A kaya o Alama ni na solia vei Korio na ivakadinadina. A kaya ni Kalou ena vakavuna me sega ni vosa rawa o Korio. Ni tukuna oti ga o Alama na ka oqo, e a sega ni vosa rawa sara ga o Korio.

Alama 30:41–50

E rarawa o Korio ka dusia tiko edua na tiki ni pepa ka volai tu nira lako tani mai vua e dua na ilala tamata

A vola o Korio ni kila ni bula dina tiko na Kalou. A sa dau kila tu ga mai o koya. A vola ni a lawakitaki koya na tevoro. A kaya na tevoro vei Korio me vakavulica na veika lasu baleta na Kalou kei Jisu. Ni ra sa kila na tamata na dina baleti Korio, era a sega ni vakabauta na nona ivakavuvuli. Era sa veivutuni ka tekivu mera muri Jisu tale.

Alama 30:52–53, 57–58