“Na Liaona kei na Dakaititi Ramusu,” iTalanoa ni iVola i Momani (2023)
Na Liaona kei na Dakaititi Ramusu
Vakasaqara na veivuke ni Turaga
Era a lako tu ena lekutu na nodrau matavuvale o Liai kei Isimeli ena vuqa na yabaki. A liutaki ira na Turaga ena veiyasana vinaka cake ni vanua. Me ra na vakasaqaqara ka kumuna vata na kakana ena ilakolako oqo. E dua na ilakolako dredre.
Sa yalataka tu na Turaga ni na liutaki ira na matavuvale ki na dua na vanua vinaka kevaka era muria na ivakaro. Era sega ni kila na sala me ra kunea kina na qele, ia ena tuberi ira o Koya.
Dua na mataka, a kurabui o Liai ni raica e dua na polo parasa ena taudaku ni nona valelaca. A vakatokai na polo me Liaona. Ena loma ni Liaona, e dua na icoga e dusia na sala e gadrevi me ra lako kina na ilawalawa. Ena so na gauna era dau kunea na itukutuku mai vua na Turaga ka volai tu ena Liaona. Oqori na sala a dusimaki ira kina na Turaga.
1 Nifai 16:10, 16, 26–29; Alama 37:38
Ena dua na siga ni vakasasa tiko o Nifai, a ramusu na nona dakai titi sitila. Ena sega ni rawa na kedra kakana na matavuvale ke sega oqo. Eratou a cudruvi Nifai kei na Turaga na tuakana .
Era sa oca kece ka walokai ena viakana. Eso vei ira era a rarawa ka vosakudrukudru. Era sa rere ni ra na viakana. A vosakudrukudru sara mada ga o Liai vua na Turaga.
A cakava o Nifai e dua na dakaititi vou kei na kena gasau mai na kau. E vakabauta o koya ni na vukei koya na Turaga me kunea na kakana.
A tarogi Liai o Nifai ena vanua me laki vakasasa kina. Sa rarawataka sara o Liai ni a vosakudrukudru. A veivutuni ka kerea vua na Turaga me vukei. A kaya na Turaga vei Liai me raica na Liaona. A volai kina e dua na itukutuku. Era vulica na matavuvale ni qai cakacaka ga na Liaona ni ra vakabauta na Turaga ka talairawarawa ki na ivakaro.
Ena so na gauna e dau veisautaka na Turaga na itukutuku ena Liaona me vukei ira ena nodra ilakolako. A vukei Nifai na Liaona me kila na vanua me vakasasa kina. A kauta lesu mai na kakana me laukana, ka ra sa marau taucoko. Era a veivutuni ka tagi vua na Turaga.