Alama 53; 56–57

Na Mataivalu Gone

Cauravou era nuitaka na Kalou

era tauri isasabai, moto, kei na iseleiwau na sotia gone

Era a veivaluvaluti tiko na Nifaiti kei ira na Leimanaiti ka ra gadreva na veivuke. Era vinakata na Anitai-Nifai-Liai mera veivuke. Ia era sa yalataka oti vua na Turaga mera kakua ni vala. E rua na udolu vei ira na luvedra gonetagane era a sega ni vakayacora na yalayala oya. Ia, era a yalataka na luvedra tagane me ra vala me taqomaka na nodra matavuvale. O ira na luvedra tagane oqo era a vakatokai mera gonetagane sotia.

Alama 53:8, 13–18, 22; 56:1–8

E liutaki ira na sotia gone o Ilamani ki na dua na koro levu

O ira na gone tagane sotia era a digitaki Ilamani na parofita me liutaki ira. Era a ilawalawa lailai ni vakatauvatani kei na mataivalu levu ni Leimanaiti. Ia o Ilamani e kila nio ira na gone tagane sotia era lomadina, yaloqaqa, ka yalodina. Ena veiliutaki nei Ilamani, era a lako me vukei ira na Nifaiti.

Alama 53:19–22; 56:9–10, 17, 19

era tara na sotia gone edua na koro ni valu kei ira na sotia ni Nifaiti, ka ra kau kakana mai na itubutubu

Era sa oca na sotia ni Nifaiti. Ia ni ra yaco mai na gone tagane sotia, era a marau na Nifaiti. Na mataivalu gone a solia edua na inuinui kei na kaukauwa vei ira. Era a vakavakarau vata mera lai valuti ira na Leimanaiti. Era veivuke talega na nodra itubutubu na gone tagane sotia ena nodra kauta mai na kakana kei na iyaya vei ira.

Alama 56:16–17, 19–20, 22, 27

Sota ena valelaca na iliuliu ni Nifaiti kei ira na sotia gone

Era sa vesuka na Leimanaiti e vuqa na koro levu ka ra biuti ira tiko kina na nodra mataivalu. Era a vinakata na iliuliu ni Nifaiti mera biubiu na Leimanaiti mai na dua vei ira na koro levu. Era cakava e dua na ituvatuva ka kerei ira na sotia cauravou me ra veivuke.

Alama 56:18–30

Era cici yani na mataivalu tauri iyaragi ni Leimanaiti vei ira na gone tagane sotia

Era a vakalecaleca na gone tagane sotia nira kau kakana tiko ki na nodra koro levu voleka na Nifaiti. Ni ra raica na ilawalawa lailai na Leimanaiti, era biuta na nodra koro levu ka cemuri ira na gone tagane sotia. Era nanuma na Leimanaiti ni na rawarawa na nodra vesuki ira.

Alama 56:30–36

era yatuni ena laini balavu na gone tagane sotia, e muri ira na mataivalu ni Leimanaiti, ka dua na mataivalu ni Nifaiti e muria tiko na mataivalu ni Leimanaiti

Era dro mai vei ira na Leimanaiti na gone tagane sotia. Sa qai dua na mataivalu ni Nifaiti e tekivu cemuri ira na Leimanaiti. Era vinakata na Leimanaiti me ra toboki ira na gone tagane sotia ni bera nira yacovi ira yani na Nifaiti. Era raica na Nifaiti ni ra sa vakaleqai na gone tagane sotia ka ra lako yani vakatotolo me vukei ira.

Alama 56:36–41

e lomaleqa edua na sotia gone ni vakaraica tiko na veimataivalu eso

Ni oti e dua na gauna, era sa sega ni raici ira rawa na Leimanaiti o ira na gone tagane sotia. Era sa tekivu vakananuma se ra sa yacovi ira rawa na Leimanaiti na Nifaiti ka ra sa veivala tiko.

Alama 56:42–43

Sa taura cake o Ilamani na nona iseleiwau

-A sa lomaleqa o Ilamani. A nanuma ni ra tovolea tiko beka na Leimanaiti mera vesuki ira. A tarogi ira na nona sotia gone se ra rawa ni lai valuti ira na Leimanaiti.

Alama 56:43–44

era laveta na nodra iseleiwau na sotia gone

Era nanuma mai na gone tagane sotia na veika era a vakavulica vei ira na tinadra. Era a vakavulici ira na tinadra mera nuitaka na Kalou ka kua ni vakatitiqa, baleta ni na taqomaki ira o Koya. O ira na gone tagane oqo era vakabauta na Kalou ka vinakata mera maroroya na nodra yalayala mera taqomaka na nodra matavuvale. Era a tukuna vei Ilamani ni ra sa vakarau tu mera lako ka vala.

Alama 56:46–48

Sa toso o Ilamani kei ira na sotia gone

A kurabui sara o Ilamani ena nodra yaloqaqa. A kauti ira lesu mera vala kei ira na Leimanaiti.

Alama 56:45, 49

E duri tu e delana o Ilamani kei ira na sotia gone ka ra vaka iyaragi tu

O ira na gone tagane sotia era raici ira na Leimanaiti kei na Nifaiti ni ra vala tiko. Era sa oca na Nifaiti. Era sa vakarau druka era sa qai yaco mai na sotia gone.

Alama 56:49–52

Era sa taqaya na nodra sotia na Leimanaiti

Era sa vala ena kaukauwa ni Kalou na gone tagane sotia. Era sa rere na Leimanaiti ka ra sega ni vala. Era a veivuke na gone tagane sotia mera qaqa ena ivalu!

Alama 56:52–54, 56

Sa dodoka yani na ligana ko Ilamani vei ira na sotia gone

Ena ivalu, era a mate e vuqa na Nifaiti kei na Leimanaiti. A lomaleqa o Ilamani de so vei ira na nona sotia gone era sa mate talega. Ia ni sa oti na ivalu, a wiliki ira vakayadudua na tamata kece o Ilamani. A marau vakalevu ni raica ni sega ni dua vei ira na gone tagane sotia e mate. A taqomaki ira na Kalou.

Alama 56:55–56

era mavoa na sotia gone ka ra duri vata kece tu

E levu tale na gone tagane era a tomani ira na gone tagane sotia. Era vukei ira tikoga na Nifaiti me ra vala. Ena ivalu tale eso, era a mavoa kece kina na gone tagane sotia, ia a sega ni dua vei ira e mate. Era a nanuma lesu na veika a vakavulica vei ira o tinadra. Era a nuitaka na Kalou, ka qai taqomaki ira kina o Koya.

Alama 57:6, 19–27; 58:39–40