Digitaka o Jisu e Tinikarua na Tisaipeli

Kaukauwa me veivakavulici ka veipapitaisotaki

Sa tabaka na uluna e dua na tisaipeli o Jisu Karisito ka vakalougatataki koya, ka ra tu wavoliti iratou na tamata ka masu

Ni sa lako mai o Jisu Karisito ki na koro levu ko Vanuasautu, a digitaki ira e tinikarua na tamata ka solia vei ira na kaukauwa me ra veivakavulici ka veipapitaisotaki. A solia talega vei ira na kaukauwa me ra solia na isolisoli ni Yalo Tabu. A vakatokai ira me ra Nona tisaipeli. Eratou cakava na tisaipeli na veika a vakavulici iratou kina o Jisu.

3 Nifai 11:1, 18–22, 41; 12:1; 15:11–12; 18:36–37

E veivakavulici o Jisu Karisito, e dua na tisaipeli e papitaisotaka e dua, ka ra vakarorogo ka sarava oqo na vo ni tisaipeli

E vakavulici iratou na Nona tisaipeli o Jisu na ivakarau ni papitaiso. A tukuna vei ira na vosa e dodonu me ra tukuna. A vakavulici ira me ra tabadromuca na tamata ena wai ka vukei ira me ra lako cake tale mai. E kaya o Jisu mera dau veipapitaisotaki ena ivakarau e vakavulici ira kina. Sa qai vakavulici ira talega o Koya me baleta na Yalo Tabu.

3 Nifai 11:22–28, 35

A vosa o Jisu Karisito vua e dua na Nona tisaipeli

A vinakata o Jisu me ra veimaliwai vinaka na Nona tisaipeli ka kakua ni veiba. E kaya o Koya ni gauna era veiba kina, era sa sega ni muria tiko na Nona ivakavuvuli.

3 Nifai 11:28–30

Sa dodoka yani na ligana o Jisu Karisito vei ira na tamata, ka ra matadredredre ka vakarorogo na tamata

A vakavulici ira na tamata o Jisu mera vakabauti Koya, veivutuni, ka papitaiso me rawa ni ra bula vata tale kei na Tamada Vakalomalagi.

3 Nifai 11:31–33

A lako vata kei iratou na Nona tisaipeli kei ira na tamata tale eso o Jisu Karisito ka vakavulici ira

A kaya o Jisu vei iratou na Nona tisaipeli ni kevaka era vakabauti Koya, era na vakabauta talega na Tamada Vakalomalagi. Ena vukei ira na Yalo Tabu mera kila ni rau sa bula dina tiko o Jisu kei na Tamada Vakalomalagi.

3 Nifai 11:35–36

E dabe vata kei iratou na Nona tisaipeli kei ira na tamata o Jisu Karisito ka vakavulici ira

Ni sa vakavulici iratou oti na Nona tisaipeli o Jisu, a tukuna vei iratou me ratou lako ka vakavulici ira kece na tamata. E kaya o koya me kua ni leqataka na ka era na kania, gunuva, se vakasulumi kina. A tukuna vei ira ni kevaka era qarava na Tamada Vakalomalagi, ena taqomaki ira na Tamada Vakalomalagi.

3 Nifai 11:41; 13:25–34