Ko ira na Soramaiti

Vakatubura na nodra vakabauti Jisu Karisito.

Era lako o Amuleki, Alama, Korianitoni, kei ira tale eso na Nifai ki na dua na koro

E dua na ilawalawa Nifai ka ra vakatokai na Soramaiti era sega ni muria tiko na ivakaro ni Kalou. A rarawa na parofita Alama ena vuku ni ka oqo. E kila o koya na sala vinaka duadua me vukei ira kina oya me vakavulici ira ena vosa ni Kalou. A lako vata kei Amuleki kei na so tale me vakavulici ira.

Alama 31:2–11

Rau a rairai rarawa o Alama kei Amuleki, kei ira na tamata isulusulu vinaka era a sega ni kauwaitaki ira na tamata era gadreva na veivuke.

Era kila na Soramaiti na Kalou ia era sa veisautaka na Nona ivakavuvuli. Era sa qaravi matakau. Era nanuma ni ra sa tamata vinaka cake mai vei ira na tamata tale eso. Era sa ivalavala vakatani talega vei ira e sega tu na nodra ilavo.

Alama 31:1, 8–12, 24–25; 32:2–3

era tucake tu na Soramaiti vakaisulu vinaka ena dua na vatavata cecere ena lomadonu ni dua na ilawalawa ka laveta cake na ligadra ki lomalagi

Era tara na Soramaiti e dua na vanua cecere me ra tu kina ena lomadonu ni nodra veivalenilotu. Eratou a tucake tu kina vakaveitarataravi ka masu. Era na masu e kea ka vakayagataka na vosa vata ga ena veigauna kece. Ena nodra masu, era kaya kina ni sega ni vakayago na Kalou ka sega ni ka dina o Jisu Karisito. Era kaya ni o ira duadua ga na tamata ena vakabula na Kalou.

Alama 31:12–23

Rau a vosa o Alama kei Amuleki vei ira na Soramaiti dravudravua.

A lomani ira na Soramaiti o Alama ka vinakata mera muria na Kalou kei Jisu. A masu ka kerea vua na Kalou me vukei koya kei ira tale eso era lako vata mai kei koya me ra vakavulici ira na Soramaiti. Era a vakasinaiti kece ena Yalo Tabu o Alama kei ira era tiko vata kaya. Era a lako ka veivakavulici ena kaukauwa ni Kalou.

Alama 31:24–38; 32:1

e vuqa na Soramaiti dravudravua era a vakarorogo ki na nodratou veivakavulici o Alama, Amuleki, kei Sisoromi.

Eso na Soramaiti era a rarawa. A sega ni vakatarai me ra tiko ena veivalenilotu baleta ni ra a sega ni vakaisulu vivinaka. Era a vinakata me ra qarava na Kalou ia era sega ni kila me caka vakacava ke ra sega ni gole ki na veivalenilotu. Era a tarogi Alama ena ka me ra kitaka. E vakavulica vei ira o Alama ni dau rogoca na Kalou na nodra masu se mani vanua cava ga era tiko kina.

Alama 32:2–12; 33:2–11

E taura tu o Alama e dua na sorenikau lailai ka dusia e dua na senikau balavu ka totoka ena ligana kadua

E kaya o Alama ni vinakata na Kalou vei ira na tamata mera dau vakabauta. A vakatauvatana na ivakavuvuli ni Kalou ki na dua na sorenikau. Kevaka era na tea e yalodra na tamata na ivakavuvuli ni Kalou, ena tubu na sorenikau oqori ka ra na kila ni dina na ivakavuvuli ni Kalou. E kaya o koya ni dodonu ga me tu vei ira na gagadre me ra vakabauta me ra tekivu cakacakataka na nodra vakabauta.

Alama 32:12–43

E vosa o Amuleki, ka toka e yasana e dua na ivakatakarakara i Jisu Karisito ni vakavulici ira na tamata

A qai vakavulici ira na tamata o Amuleki me baleta na ituvatuva ni Kalou me baleti ira na Luvena. A kaya vei ira ni mai vei Jisu ga ena rawa ni vosoti kece na nodra ivalavala ca. E vakavulici ira tale ga mera masu vua na Kalou ka kaya ni na vukei ira ka taqomaki ira na Kalou.

Alama 34

era raica na dauyadra ni vuqa na Soramaiti dravudravua era sa biuta na koro levu

E vuqa vei ira na Soramaiti era dravudravua era vakabauta na ka erau vakavulica o Alama kei Amuleki. Ia era a cudru na iliuliu ni Soramaiti. Era a vakasaurarataki ira kece na vakabauta mera biuta na koro levu.

Alama 35:1–6

Era a ciqomi ira na Soramaiti dravudravua na Anitai-Nifai-Liai

Era a lako na vakabauta me ra laki tiko vata kei ira na Anitai-Nifai-Liai. O ira na Anitai-Nifai-Liai era sa qai vukei ira, se qaravi ira, ena nodra solia vei ira na kakana, isulu, kei na qele.

Alama 35:9