Sa Vakavulici Ira na Tamata O Jisu

E vukei ira mera vulica na Nona kosipeli

E tekiduru o Jisu Karisito ka vosa vei ira na gonelalai mamarau, ka vuqa na tamata mamarau era tekiduru wavoliti ira ka vakarorogo

Era marau na tamata mai Amerika ni ra raici Jisu Karisito ka rogoci Koya ni veivakavulici. Era sa wawa tiko mai ena vuqa na yabaki mena lako mai na iVakabula.

3 Nifai 11:10, 17

Sa tucake tu o Jisu Karisito ena kedra maliwa na tamata mamarau ka vakavulici ira

A vakavulica vei ira o Jisu e vuqa na ka vata ga a vakavulica vei ira na tamata volekati Jerusalemi. A vakavulica vei ira mera dau vakabauta, veivutuni, ka papitaisotaki. Kevaka era cakava na tamata na veika oqo, ena tala mai vei ira na Kalou na Yalo Tabu. A vakavulica o Jisu vei ira na ivakarau ni masu. Sa kerea vei ira mera dau vosoti ira na tamata. E vinakata me ra dauivakaraitaki vei ira na tani.

3 Nifai 11:31–39; 12:22–24, 44; 13:5–14; 17:8; 18:15–24

A tukuna o Jisu vei ira na tamata me ra lako ki vale ka masuta na Kalou me vukei ira me ra kila na veika a vakavulica vei ira o Koya. E kaya o Koya ni na lesu mai ena siga ka tarava.

3 Nifai 17:1–3

era dabe wavoki na tamata ena bukawaqa ka veivosaki vakai ira

Ena bogi oya, era tukuna na tamata ni ra a raici Jisu. Era a tukuna na veika sa tukuna ka cakava o Koya. E levu era lako ena bogi taucoko mera raici Jisu.

3 Nifai 19:1–13

era vakavulica na tisaipeli na ilawalawa levu ni tamata

Ena siga ka tarava, era a soqoni vata yani na tamata kei iratou na tinikarua na tisaipeli i Jisu. Eratou vakavulica na tisaipeli na veika kece e vakavulica o Jisu vei ira na tamata. Eratou a tekiduru ena qele ka masu.

3 Nifai 19:4–8

E tekiduru ka masu o Jisu Karisito, ka ra tekiduru wavoliti Koya eso tale ka masu talega

Sa qai lako mai ko Jisu. A masulaki ira na Nona tisaipeli kei ira na tamata. Eratou a masu tale ga na tisaipeli. Era sa tekivu serau me vaka na iVakabula. A marau o Jisu. Era sa savasava na tisaipeli ena vuku ni nodra vakabauti Koya. A masu tale o Jisu, ka ra rogoci Koya na tamata ni tukuna na veika veivakurabuitaki.

3 Nifai 19:15–36

e sureta e dua na gone mamarau e dua me lako mai ka tomani ira na tamata era vakarorogo tiko vei Jisu Karisito

Ena vica na siga ka tarava, a vakavulica kina o Jisu vei ira na tamata e vuqa na ka me baleta na ituvatuva ni Tamada Vakalomalagi. A veisoliyaka talega vei ira na sakaramede. Era vakabauti Jisu Karisito na tamata kece ena vanua ka ra papitaiso. Era sa qai ciqoma na isolisoli ni Yalo Tabu.

3 Nifai 20–27; 4 Nifai 1:1–2

era veivukei na tamata mera lako mai vei Jisu Karisito, ka vosa vei ira o Jisu Karisito ka matadredre

Era veivukei vakai ira na tamata ka wasea na veika kece e tu vei ira. Era cakava na veika kece e vakarota o Jisu mera cakava. Era sa vakatokai me ra Lotu i Karisito. Erau marautaki ira vakalevu na tamata na Tamada Vakalomalagi kei Jisu Karisito.

3 Nifai 26:17–21; 27:30–31; 4 Nifai 1:3–18