Mosaia 11–17

Apinatai kei na Tui o Noa

iTukutuku mai vua edua na parofita

E dusi tiko Na Tui o Noa kei na rua na bete mai dakuna

Na Tui o Noa a liutaki ira tiko na Nifaiti ka ra tiko ena vanua ko Nifai. O Noa a lewa mera solia vei koya na nona tamata e levu na ilavo ka qai volia kina na veika vinaka me nona ga. A kacivi ira na bete dokadoka me ra vukei koya ena veiliutaki. A sega ni muria o Noa na ivakaro ni Kalou. Ia, a cakava o koya e vuqa na ka ca.

Mosaia 11:1–13

Tui o Noa

O Noa a liutaki ira na nona tamata mera dau caka ca talega. Era a sega ni muria na Turaga.

Mosaia 11:7, 11, 14–15, 19

Raici ira tiko na tamata o Apinatai ni ra cakava tiko na ka ca

E dua na parofita ni Kalou na yacana o Apinatai a bula tiko ena vanua o ya. Na Turaga a talai Apinatai me tukuna vei Noa kei ira na nona tamata me ra veivutuni.

Mosaia 11:20

Vosa tiko o Apinatai vei ira na tamata

O Apinatai a tukuna vei ira na tamata ni Turaga e vinakata mera veivutuni. Kevaka era na sega ni veivutuni, na Turaga ena vakatara mera lako mai na meca ki na nodra vanua ka lewai ira. O ira na nodra meca era na vakadredretaka na bula vei Noa kei ira na nona tamata.

Mosaia 11:20–25

Era cudru tiko na tamata

Era a cudruvi Apinatai na tamata ena ka e tukuna. Era a vinakata me ra vakamatei koya, ia a taqomaki Apinatai na Turaga ka vukei koya me dro.

Mosaia 11:26

E vakasotara vata na ligana na Tui o Noa ka vosa vei ira na bete

O Noa a vinakata talega me vakamatei Apinatai. O Noa a sega ni vakabauta na Turaga. O koya kei ira na nona tamata era a sega ni veivutuni.

Mosaia 11:27–29

E taura tu o Apinatai na peleti ka vosa ki na matavuvale

Ni oti e rua na yabaki ki muri, na Turaga a talai Apinatai me lai vunauci ira na tamata. A tukuna vei ira na tamata o Apinatai nira na taukena na vanua na nodra meca baleta nira se bera ni veivutuni. Era a cudruvi Apinatai na tamata. Era tukuna nira sega ni cakava edua na ka ca kara na sega ni veivutuni. Era a vesuki Apinatai ka kauti koya vei Noa.

Mosaia 12:1–16

A tekiduru o Apinatai ka vakanadaku vua na Tui o Noa

Era a cakava edua na ituvatuva o Noa kei ira na nona bete. Era tovolea na bete me ra lawakitaki Apinatai ena nodra tarogi koya ena vuqa na taro. Ia a sauma ena doudou o Apinatai. Era a kurabui na bete ena isau ni taro nei Apinatai. Era a sega ni rawa ni lawakitaki koya. A tukuna vei ira na bete o Apinatai nira kauwaitaka vakalevu cake na ilavo mai na nodra cakava na veika e dodonu.

Mosaia 12:17–37

E duri tu o Apinatai ka ramase tu

O Noa a tukuna vei ira na nona bete mera vakamatei Apinatai. Ia a vakaroti ira o Apinatai me ra kakua ni tarai koya. A serau na matana ena kaukauwa ni Kalou. A kaya o Apinatai nio ira na bete era a sega ni vakavulica na lawa ni Kalou. A vakavulici vei ira o Apinatai ni na sucu o Jisu Karisito, mate ena vukuda, ka na tucaketale. A kaya ni na vosoti ira o Jisu kevaka era veivutuni.

Mosaia 13; 16:6–15

O Apinatai e raica tiko na Tui o Noa

A vakacavara o Apinatai na itukutuku ka talai koya mai kina na Turaga me mai solia. E se cudru tikoga o Noa. A tukuna vei ira na nona bete me ra kauti Apinatai ka vakamatei koya.

Mosaia 17:1

A raici Apinatai tiko na Tui o Noa ni vakasama tiko o Alama ka ra cudru tiko na vo ni bete

E dua na bete, o Alama, a vakabauti Apinatai. A tovolea o Alama me vakabulai Apinatai. Ia oqo sa cudruvi Alama talega o Noa ka vakasaurarataki koya me lako tani.

Mosaia 17:2–3

E vunitaki ira na bete ca o Alama

Era tukuna na bete vei Apinatai ni rawa ni bula kevaka e tukuna ni sega ni dina na veika a vakatavulica. Ia a kaya o Apinatai ni a vakavulica na dina. E cudru tale o Noa kei ira na nona bete. Era a vakamatei Apinatai ena bukawaqa. Era a saga na sotia nei Noa me ra vakamatei Alama talega. Ia a vuni o Alama ka vola na vosa kece nei Apinatai.

Mosaia 17:3–13, 20