“Seraia,” Na iTalanoa ena iVola i Momani
“Seraia,” Na iTalanoa ena iVola i Momani (2023)
Seraia
Nona ilakolako ni vakabauta e dua na marama.
E vakaitikotiko mai Jerusalemi o Seraia kei na nona matavuvale. Na watina o Liai, e parofita ni Kalou. Ena dua na siga, a tukuna na Turaga vei Liai me biuti Jerusalemi kei na nona matavuvale.
E vakabauta na Turaga o Seraia. Eratou biuta na nodratou itikotiko o koya kei na nona matavuvale. Era a biuta tu mai na nodratou koula kei na siliva me ra lako vata kei Liai ki na lekutu.
Erau a kauta na kakana o Seraia kei Liai kei na veika tale eso erau gadreva. Ni oti e vuqa na siga na nodratou lako tiko, eratou sa qai vakaduria na vale laca me ratou vakaitikotiko ena lekutu. Era sa qai tara e dua na icabocabo ni soro ka vakavinavinakataka na Turaga ena Nona veivuke.
Ena dua na siga a kerei iratou na luvei Seraia kei Liai tagane na Turaga me ratou lako ki Jerusalemi ka kauta mai na peleti parasa. Sa rere ko Seraia ni ratou sa sega ni lesu mai na luvena tagane. E nanuma o koya ni ra sa mate. Sa vakayalovinakataki Seraia ko Liai Erau digitaka me rau nuitaka ni na taqomaki ira na luvedrau tagane na Turaga.
E vakasinaiti ena reki o Seraia ena nodratou lesu mai Jerusalemi na luvena tagane. Ia oqo sa kila o koya ni sa taqomaki ira na Turaga. Sa nuitaka ni na solia vei ira na Turaga na kaukauwa me ra cakava na ka e kerea o Koya. Sa marau na matavuvale taucoko nei Seraia, ka ratou vakavinavinaka vua na Turaga.