Sa Sikovi Ira na Tamata ko Jisu

Vukei ira yadua na tamata mera vakabauti Koya

e dua na matavuvale e raica na lomalagi, ka ra veiba na tamata ena koro levu

E vuqa vei ira na tamata era sega ni via vakarorogo vei ira na parofita ni Kalou. Ia eso era vakabauta na veika era vakavulica na parofita. O ira na dauvakabauta oqo era waraka na ivakatakilakila ni mate nei Jisu Karisito.

3 Nifai 7:16–26; 8:1–4

liva, cava, waluvu, uneune, kei na kama e vakarusa e dua na koro levu

Ni sa mate oti o Jisu mai Jerusalemi, sa tekivu na ivakatakilakila. E Amerika, a yaco na cava, uneune, kei na kama me tolu na auwa. Era vakarusai na veikoro levu, ka levu era mate. Sa qai tolu na siga na butobuto taucoko.

3 Nifai 8:5–19, 23

e dua e tovolea me waqara e dua na bukawaqa, ia a sega ni waqa ka butobuto na veika kecega

Sa rui vavaku na butobuto ka ra sega ni raica rawa na tamata na matanisiga, vula, se kalokalo. Era sega mada ga ni waqaca rawa na bukawaqa se kadrala.

3 Nifai 8:20–23

e se butobuto tikoga, era veivukei na tamata ena dua na vale sa kasura, sa tagi ka masu e dua na tamata

E vuqa vei ira na tamata era se bula tiko era a rarawa sara ka rere. Era tagi ka rarawa ni ra a sega ni veivutuni totolo.

3 Nifai 8:24–25

e se buto tikoga, era raica na lomalagi na tamata, ka sa mudu nona tagi na tamata e masu tiko

Vakasauri ga, era sa rogoca e dua na domo. Sa vosa tiko mai vei ira o Jisu. A yalataka ni na vakabulai ira kece era sa veivutuni. A tukuna vei ira o Jisu ni a mate ka tucake tale mai me vukei ira na tamata kecega. Era kurabui vakalevu na tamata ka ra sa sega ni tagi. A vakanomodi tu na vanua taucoko ena vuqa na auwa.

3 Nifai 9; 10:1–2

era dabe wavoki na matavuvale ka matadredredre, ka sa sega tale ni buto

Sa vosa tale mai o Jisu. A tukuna vei ira na tamata ni na vukei ira o Koya kevaka era digitaka me ra muri Koya. Sa biubiu na butobuto, ka sa mudu na sakure ni vuravura. Era marau na tamata ka vakacaucautaki Jisu.

3 Nifai 10:3–10

era soqoni wavokita na valetabu e dua na ilawalawa levu, ka ra raica cake na lomalagi ni sa tekivu me rarama na o butobuto

Ni oti e dua na yabaki, era lako mai e vuqa na tamata ki na valetabu ena vanua o Vanuasautu. Era tukuna na veika baleti Jisu kei na ivakatakilakila ni Nona mate. Ni ra veivosaki tiko, era a rogoca e dua na domo rogo lailai mai lomalagi. Taumada, era a sega ni kila. Era sa qai rogoca tale.

3 Nifai 8:5; 10:18; 11:1–4

Sa lako sobu mai lomalagi o Jisu Karisito, ka ra marau na tamata ka kidavaki Koya

Nira sa rogoca na domo ena ikatolu ni gauna, era rai yani ki lomalagi. O ya na Tamada Vakalomalagi e vosa tiko. A tukuna vei ira na tamata me ra raica ka vakarorogo vua na Luvena. Era sa qai raica na tamata e dua na tamata sa dara tu e dua na icurucuru vulavula ni sa lako sobu mai lomalagi.

3 Nifai 11:5–8

Sa tucake tu o Jisu Karisito ena kedra maliwa na tamata, ka ra lako mai Vua na tamata ka tara na mawe ni ivako ena qeteqete ni Ligana

Sa tucake tu na tamata oqo ena kedra maliwa na tamata ka kaya, “Oi au ko Jisu Karisito.” Era sa bale sobu na tamata ki na qele. A tukuna vei ira o Jisu ni a vakararawataki ka mate ena vukuda kece. A sureti ira na tamata me ra tara na maka ena Ligana, yavana, kei na sarisarina me rawa ni ra kila ni o Koya na iVakabula kei vuravura.

3 Nifai 11:8–14

Sa dabe toka o Jisu Karisito ena ikabakaba ni valetabu, ka ra lako mai Vua na tamata ka tara na maka ni ivako ena qeteqete ni Ligana

Era a lako yani vakayadudua vei Jisu na lewevuqa. Era raica e matadra dina ka vakila e ligadra na maka ena ligana, yavana, kei na sarisarina. Era kila kece ni sai Koya ga era a kaya na parofita ni na lako mai. Era sa qai kila ni sai Koya na iVakabula kei vuravura. Era sa cuva sobu na tamata ena yavai Jisu ka vakarokoroko Vua.

3 Nifai 11:15–17