“Na Vunikau ni Bula,” iTalanoa ni iVola i Momani (2023)
“Na Vunikau ni Bula,” iTalanoa ni iVola i Momani
Na Vunikau ni Bula
Na tadra veivakauqeti nei Liai
Ena dua na bogi, a tadra mai vua na Turaga o Liai. A tukuna vei iratou na nona matavuvale na nona tadra.
Ena nona tadra, a raica o Liai e dua na tamata vakaisulu vulavula. A kaya na turaga oqo vei Liai me muri koya.
A raica o Liai ni sa tu ena dua na vanua butobuto ka lala. A taubale voli me vuqa na auwa. Ia a sega ni seyavu tani na butobuto. Sa qai yaco, ni a masuta o Liai na veivuke.
Ni sa tinia na nona masu o Liai, sa raica sara e dua na were levu. Ena were oya e tu kina e dua na vunikau ka vulavula na vuana. A nanuma o Liai ni na vakamarautaki koya na vuanikau, sa qai kania. E vakasinaiti na yaloqu ena reki. …
E kana vinaka cake na vuanikau oya mai na vuanikau kecega. E kamica qai kana vinaka. A vinakata o Liai me wasea vei iratou na nona matavuvale. E kila o koya ni na vakamarautaki ira talega. A raici Seraia, Semi, kei Nifai o Liai ni ratou duri volekata e dua na uciwai. Kedratou irairai e vaka ni ratou yali tu. A kacivi iratou o Liai ena domo levu. A kerei iratou me ratou lako mai ka kania na vuanikau.
Eratou a lako mai ki na vunikau o Serai, Semi, kei Nifai ka kania na vuanikau. A vakasaqarai Leimani kei Lemueli o Liai. E vinakata me rau marautaka talega na vuanikau. Ia erau a sega ni via kania na vuanikau.
Qai raica o Liai e dua na sala kei na dua na ititoko kaukamea ka basika ki na vunikau. E raica ni vuqa na tamata era lakova tiko na sala oya. Vakasauri ga, sa yaco mai e dua na butobuto vavaku. A dredre sara na rai ena butobuto oya. Na sala duadua ga me da yaco kina ki na vunikau o ya me da tautauri matua toka ga ena itautauri kaukamea.
Eso na tamata era biuta na salatu ka yali yani. Eso tale era tautauri toka ena itautauri kaukamea ka toso ki liu.
Ni ratou sa yaco ki na vunikau, eratou sa kania na vuanikau.
A rai cake o Liai ka raica e dua na vale levu ka sinai tu kina e vuqa na tamata. Era veiwalitaki ira tiko na tamata era kania na vuanikau. Eso era kania na vuanikau era yaloca ni ra dredrevaki ira eso, era sa mani biuta na vunikau. Era sa lakosese ka yali yani.
Ena nona tadra, a raica o Liai e levu na tamata era tautauri matua ki na ititoko kaukamea. Era toso ki liu ena veikalawa yadua me yacova ni ra sa yaco ki na vunikau. Era sa qai tekiduru ena vunikau ka kania na vuana. Era a sega ni rogoci ira na tamata ena loma ni vale. Erau digitaka me rau tiko ga ena vunikau.
Ni yadra cake mai o Liai, sa lomaleqataki Leimani kei Lemueli. Erau a sega ni kania na vuanikau ena nona tadra. Ko Liai e lomani rau ko Leimani kei Lemueli E nuitaka ni rau na tiko volekata na Turaga. A sureti rau o koya me rau muria na ivakaro ni Kalou.