“Tenikamu,” iTalanoa ni iVola i Momani (2023)
Tenikamu
Taqomaki ira na nona tamata
O Tenikamu a dua na iliuliu ena mataivalu nei Kavetani Moronai. A tovolea tiko me maroroya na nodra veikoro levu na Nifaiti me taqomaki mai vei ira na Leimanaiti.
O Amalikaia a dua na Nifaiti ka yaco me nodra tui na Leimanaiti. A vinakata talega me lewai ira na Nifaiti. A valuti ira na Nifaiti ka taura e vuqa na koro lelevu.
Alama 47:1, 35; 48:1–4; 51:23–28
Era gole na mataivalu i Tenikamu me tarovi ira na mataivalu i Amalikaia mera kakua ni ravuta na veikoro levu vaka Nifaiti.
Era a vala na mataivalu ena siga taucoko. E a vala vakaukauwa cake o Tenikamu kei na nona mataivalu mai na mataivalu i Amalikaia. Ia e a sega ni qaqa edua na mataivalu. Ni sa buto mai, rau a tu vakadua na mataivalu ruarua me rawa ni rau vakacegu.
Alama 51:31—32
Ia a sega ni vakacegu o Tenikamu. Erau a yasa lo kei na nona tamata ki na keba nei Amalikaia.
A curu lo yani ki na valelaca nei Amalikaia o Tenikamu. O koya a vakamatei Amalikaia ni bera ni yadra mai. Sa qai lesu tale o Tenikamu ki na nona keba ka tukuna vei ira na nona sotia mera vakarau me veivala.
Ni ra yadra cake mai na Leimanaiti, era kila ni sa mate ko Amalikaia. Era raica talega ni sa vakarau tu ko Tenikamu kei na nona mataivalu me valuti ira.
Era a rere na Leimanaiti ka dro tani yani. Na ituvatuva nei Tenikamu a vakarerei ira na Leimanaiti mera kaba eso tale na koro levu vaka Nifaiti. Sa qai rawa oqo vei Tenikamu me cakava kina na veikoro levu vaka Nifaiti mera taqomaki vinaka. A cakacaka vakaukauwa me taqomaki ira na nona tamata. A rawa vua me taqomaka vinaka sara e vuqa na nodra koro levu na Nifaiti.