Mosaia 19–22

Tui o Noa kei Tui Limiai

Dro mai vei ira na Leimanaiti

Taura tu o Kitioni na iseleiwau volekata na vale cecere, ka tiko e loma o Noa ka dusia tiko nodra mataivalu na Leimanaiti

A liutaka tiko na Tui o Noa e dua na ilawalawa Nifaiti. A cakava o koya e vuqa na ka ca, ka so na tamata era cudruvi koya kina. E dua na tamata na yacana o Kitioni a veivala kei Noa ena dua na iseleiwau. A dro o Noa ka kabata e dua na vale cecere. Mai na vale cecere, a raica edua na mataivalu ni Leimanaiti nira lako tiko mai. A lawakitaka o Noa ni a leqataki ira na nona tamata, ka mani vakalaivi koya kina o Kitioni me bula.

Mosaia 11:1–2; 19:2–8

Sa dro o Noa, ka ra sa rere na tamata i Noa

E a dro o Noa kei ira na nona tamata. Ia o ira na Leimanaiti era a vakacemuri ira ka tekivu ravuti ira. A tukuna o Noa vei ira na tagane me ra biuta tu mai na nodra matavuvale ka lako vata kei koya.

Mosaia 19:9–11

O Limiai, Kitioni, kei na so tale na Nifaiti era sotava na mataivalu ni Leimanaiti

Eso na tagane era biubiu vata kei Noa. Ia e vuqa na tagane era digitaka me ra tiko vata ga kei ira na nodra matavuvale. A digitaka talega o Limiai na luvei Noa me tiko mai.

Mosaia 19:12, 16–17

era duri na yalewa e matai Limiai kei ira na Nifaiti tale eso

E vuqa na luvedra yalewa era duri e matadra na mataivalu ka kerei ira na Leimanaiti mera kakua ni vakararawataka na nodra matavuvale. Era a vakarorogo na Leimanaiti vei ira na luvedra yalewa ka laivi ira na Nifaiti mera bula. Ia, o ira na Lemanaiti era a qai vesuki ira na Nifaiti.

Mosaia 19:13–15

O Noa kei ira na nona tamata era veicudruvi vaka i ira

O ira na tagane era a dro era vinakata mera lesu tale ki na nodra matavuvale. A tovolea o Noa me tarovi ira, era a qai vakamatei koya na tagane. Era sa qai lesu tale ki na nodra matavuvale.

Mosaia 19:18–22

o ira na Nifaiti tagane era a kidavaki ira na nodra matavuvale kei Kitioni

Era a marau vakalevu na tagane nira taqomaki na nodra matavuvale. Era a tukuna vei Kitioni na ka a yaco vei Noa.

Mosaia 19:22–24

E solia na kakana kei na manumanu vei ira na Leimanaiti o Limiai

Era a digitaki Limiai me nodra tui vou na tamata. A yalataka o Limiai vua na nodra tui na Leimanaiti ni ra na sauma vei ira na Leimanaiti na veimama ni veika kece era taukena. Me kena isau, a yalataka na nodra tui na Leimanaiti ni na sega ni vakamavoataki ira na tamata i Limiai.

Mosaia 19:25–27

E rarawa o Limiai kei na watina, ka vuqa na Nifaiti era vakamavoataki

Era a tiko sautu me vica vata na yabaki. Era sa qai tekivu ivalavala kaukauwa vei ira na tamata i Limiai o ira na Leimanaiti. Era a vinakata na tamata me ra galala tale. Era saga mera valuti ira na Leimanaiti, ia era a druka. Era a masu vua na Kalou na tamata me ra vukei.

Mosaia 19:29; 21:1–15

Erau vosa o Limiai kei Amoni

Dua na siga, edua na Nifaiti na yacana o Amoni a sikovi Limiai kei ira na nona tamata. A lako mai o Amoni mai na dua na vanua ka vakatokai ko Saraemala. A marau o Limiai me raici Amoni.

Mosaia 21:22–24

Eratou vosa o Kitioni, Limiai, Amoni, kei na so tale na Nifaiti

Sa rawa vei Amoni me liutaki ira na tamata i Limiai ki Saraemala, ia me ra dro tani mada e liu mai vei ira na Leimanaiti. A tiko edua na ituvatuva nei Kitioni.

Mosaia 21:36; 22:1–9, 11

Era moce na sotia ni Leimanaiti, ka ra biuta na korolevu na Nifaiti

Ena bogi, a solia o Kitioni vei ira na sotia ni Leimanaiti eso tale na waini me ra moce kina. Ena gauna era moce tiko kina na sotia, era a dro kece mai na korolevu o Limiai kei ira kece na nona tamata.

Mosaia 22:7, 10–12

Sa kidavaki Limiai kei ira na nona tamata na Tui o Mosaia kei ira na nona tamata

Era a lako ki Saraemala ka laki tomani ira na Nifaiti e kea. A vulica vakalevu cake o Limiai kei ira na nona tamata na veika baleta na Kalou. Era a cakava e dua na veiyalayalati, se yalayala digitaki, me ra qarava na Kalou ka talairawarawa ki na Nona ivakaro. Era a papitaiso ka yaco me lewe ni Lotu ni Kalou. Era nanuma lesu ni a vukei ira na Kalou me ra dro tani mai vei ira na Leimanaiti.

Mosaia 21:32–35; 22:13–14; 25:16–18