Alama 62

Tenikamu kei Moronai

Vakaraitaka na yaloqaqa cecere

O Amoroni kei na mataivalu ni Leimanaiti ni vala tiko kei na mataivalu ni Nifaiti

Ni sa mate o Amalikaia, sa yaco me nodra tui na Leimanaiti o Amoroni na tacina. A valuti ira tikoga na Nifaiti o Amoroni. A yaco tiko na ivalu me vica vata na yabaki. Era sa tekivu qaqa na Nifaiti, ka ra sa cici yani na mataivalu kece ni Leimanaiti ki na dua na koro levu. O Moronai, Tenikamu, kei na dua tale na kavetani ni Nifaiti eratou a muri ira na Leimanaiti kei na nodratou mataivalu.

Alama 52:3–4; 54:16–24; 62:12–35

E taura tu o Tenikamu edua na moto ni toro yani ki na koro levu ena bogi

A cudru o Tenikamu ni rau vakavuna o Amalikaia kei Amoroni na ivalu levu, ka balavu oqo. Ena vuku ni ivalu, e vuqa na tamata era mate ka sa lailai mai na kakana. A vinakata o Tenikamu me tinia na ivalu. A lako o koya ki na koro levu ena bogi me vakasaqarai Amoroni.

Alama 62:35–36

E taura tu o Tenikamu e dua na dali vakaicoga ka rika mai na lalaga

A lade mai na dela ni bai ni koro levu o Tenikamu. A gole mai na dua na vanua ki na dua tale e loma ni koro levu me yacova ni kunea na vanua a moce tiko kina o Amoroni.

Alama 62:36

E duri tu o Tenikamu ena icurucuru ni valelaca kei na moto kei na dali

A cokai Amoroni o Tenikamu ena na moto. A lauti koya volekata nona uto. Ia a vakayadrati ira na nona tamata ko Amoroni ni bera ni mate.

Alama 62:36

O Tenikamu e sota kei ira na sotia ni Leimanaiti nira cola moto tu

Era a cemuri Tenikamu na tamata nei Amoroni ka vakamatei koya. Era a rarawa sara vakalevu na nodra iliuliu tale eso na Nifaiti ena mate nei Tenikamu. A valu ena yaloqaqa me baleta na nodra bula galala na nona tamata.

Alama 62:36–37

Era vesuki ira na sotia ni Leimanaiti o ira na sotia ni Nifaiti

E dina ga ni mate, a vukei ira na Nifaiti o Tenikamu me ra qaqa ena ivalu. A vakavuna mera vakayalia na Leimanaiti na nodra iliuliu. Ena mataka ka tarava, a vala kei ira na Leimanaiti o Moronai ka qaqa. Era biuta na Leimanaiti na nodra vanua na Nifaiti, ka mai cava kina na ivalu.

Alama 62:37–38

E liutaki ira tiko na tagane o Kavetani Moronai ena nodra tara koro, ka ra sarasara tiko na matavuvale

Sa qai yaco mai na tiko sautu. A cakacaka vakaukauwa o Moronai me taqomaka na nodra vanua na Nifaiti mai vei ira na Leimanaiti. Sa qai lako i vale o Moronai me lai bula ena vakacegu. Era a vakavulica na parofita na kosipeli ka liutaka na Lotu ni Kalou. Era a vakararavi na tamata vua na Turaga, ka qai vakalougatataki ira o Koya.

Alama 62:39–51