Jekope 5–6

Na Vu ni Olive

Na loloma ni Kalou me baleti ira na Nona tamata

e vakaraitaki na iyaloyalo ni vu ni olive ni vosa tiko o Jekope

O Jekope a dua na parofita ni Kalou . E vinakata me vakatavulici ira na Nifaiti me baleta na levu ni nona lomani ira na Nona tamata na Kalou. A talanoataka vei ira o Jekope me baleta e dua na were ni vaini ni veiolive. Erau a cakacaka vata na Turaga ni were ni vaini kei ina Nona tamata me rau qarava na were ni vaini.

Jekope 5:1–4, 7; 6:4–5

kelikeli na Turaga ni were ni vaini ena isivi e yasa ni vu ni olive

E dua na nona vu ni olive talei na Turaga ka sa vuataka na vua vinaka. E kaya o Jekope ni vunikau oqo e vakataki ira na tamata ni Kalou, se na mataqali i Isireli. Na vuana sa vaka na nodra ivalavala na tamata. A qarava vinaka sara na vunikau oqo na Turaga. A vukea na kena tubu ena kena vakani na wakana ka samaka na tabana. A solia kina na veika e gadreva me bula kina.

Jekope 5:1–3, 5; 6:1, 7

sa tekivu me mate na vu ni olive

Ni oti vakalailai, sa tekivu me mate na Nona vunikau taleitaki. E vica walega na tabana bulabula. A rarawa na Turaga ena vuku ni ka oqo. E vinakata o koya me vuataka tikoga na vuanikau vinaka.

Jekope 5:3, 6–8

E musuka ka kauta tani na Turaga ni were ni vaini na tabana bulabula

Me vakabula na veitabana bulabula, a vagalalataki ira na Turaga ka semata ki na veivunikau tale eso. A qai vakaisosomitaki ira ena veitabana bulabula mai na veivunikau tale eso.

Jekope 5:7–14

era qarava na vu ni olive na Turaga ni were ni vaini kei ira na nona italai

Sa sivi e dua na gauna balavu. Erau sa dau lako wasoma ki na were ni vaini na Turaga kei na italai. Erau a qarava na vunikau taleitaki ni Turaga. Erau qarava talega na veitabana digitaki era sa semati tu ena veivunikau ena loma ni were ni vaini. E vuqa vei ira na vuanikau a tubu mai era vinaka. Na vuanikau vinaka e vakamarautaka na Turaga kei na Nona italai.

Jekope 5:15–29, 31

erau veivosaki na Turaga ni were ni vaini kei na nona tamata me baleta na vu ni olive

Ni oti e dua na gauna, era sa qai vuavuai vinaka na veivunikau yadua. Ia oqo sa ca kece na vuanikau. A rarawa sara vakalevu na Turaga. E sega ni vinakata me vakayalia na Nona were ni vaini se na vuana! A cakacaka vakaukauwa me vukei ira na Nona vunikau. A vakananuma o Koya na cava tale e rawa ni cakava. A veivosaki kei na italai ka nanuma me tovolea tikoga.

Jekope 5:29–51

musuka ka vagalalataka na tamata cakacaka na tabana bulabula

Me vakabula na Nona were ni vaini, a kaya na Turaga me vakasoqona na veitabana sa kautani mai na vunikau taleitaki. E kaya o koya me ra semati tale ki na vunikau taleitaki.

Jekope 5:51–60

era semati na veitabana bulabula ki na vu ni olive duidui

Oqo na iotioti ni gauna me cakacaka kina na Turaga ena Nona were ni vaini. A kacivi ira eso tale na italai me ra veivuke. Era a cakacaka vata kece me ra vakasokumuna ka semata na veitabana.

Jekope 5:61–72

taba ni olive bulabula kei na vuana

Era qarava na vunikau kece sara. Era vagalalataki na veitabana ca ka maroroi na veika vinaka. Ni oti vakalailai, sa qai vuataka tale na vua vinaka na nona vunikau taleitaki na Turaga. Na vunikau tale eso era vuataka talega na vua vinaka me vaka na vua ni vunikau taleitaki. Sa marautaka na Turaga. Sa vakabulai na Nona veivunikau! Era sa vuataka kece na vuanikau e vinakata o Koya me ra vuataka.

Jekope 5:73–75

Era vakaraica tu na Turaga ni were ni vaini kei ira na nona italai e dua na vu ni olive bulabula levu

Sa vakavinavinaka na Turaga vei ira na italai. A tukuna vei ira ni ra sa vakalougatataki ni ra a cakacaka vakaukauwa ka muria na Nona ivakaro. A wasea vei ira na vuanikau, ka ra sa marau kina vakalevu. Ena dua na gauna balavu, a marautaka na Turaga na vuanikau.

Jekope 5:75–77

vakaraitaki na iyaloyalo kei Jisu Karisito ni vosa tiko o Jekope

A vakacavara o Jekope na italanoa ni vu ni olive. A vakavulica vei ira na tamata ni Kalou e kauwaitaki ira me vaka ga na nona kauwaitaka na Turaga ni were ni vaini na Nona veivunikau. A kerea o Jekope vei ira na tamata kecega me ra veivutuni ka toro voleka yani vua na Kalou. A vakavulici ira me ra lomana ka qarava na Kalou baleta ni Kalou e dau dodoliga tiko mai me vukei ira.

Jekope 6:1–5, 7, 11