O Samuela na Parofita

Veivakavulici me baleta na sucu kei na mate i Jisu

Era vakavuna na Nifai me biuta na koro levu o Samuela

A lako e dua na parofita ni Leimanaiti o Samuela me vakavulici ira na Nifai mai Saraemala. E vakavulica na veivutuni. Era sega ni via vakarorogo na Nifai ka cemuri koya tani mai na korolevu.

Ilamani 13:1–2

Sa vakarau lesu tale o Samuela vei ira na nona tamata. Ia na Turaga a qai tukuna vua me lesu tale me vakavulici ira na Nifai.

Ilamani 13:2–3

Sa tucake tu o Samuela ena taudaku ni koro levu ka raica cake yani

A tukuna na Turaga vei Samuela ni na tukuna vua na ka me tukuna. A talairawarawa o Samuela vua na Turaga. A lesu tale i Saraemala. Ia era sega ni vakatara na Nifai me curu ki na koro levu.

Ilamani 13:3–4

E tucake tu o Samuela ena bai ni koro levu ka vosa vei ira e dua na ilawalawa levu

A kabata yani o Samuela na lalaga ni bai ni koro levu. A tukuna na veika sa biuta ki yalona na Turaga. A vakasalataki ira na tamata ni ra na vakarusai baleta ni ra sa cakava tiko na veika ca. E kaya o koya ni veivutuni ga kei na vakabauti Jisu Karisito ena rawa ni vakabulai ira. E kaya o koya ni o Jisu, na Luve ni Kalou, ena sucu ena lima na yabaki mai oqo.

Ilamani 13:4–11; 14:2, 8, 12–18

Sa tucake tu o Samuela ena lalaga ni koro levu ka vosa, ka sa tiko tikivi koya e dua na ivakatakarakara i Jisu ni sa gonelailai, o Meri, kei Josefa

E kaya o Samuela ni na yaco na ivakatakilakila ni sucu nei Jisu. A kaya vei ira na tamata me ra vakaraica tiko na ivakatakilakila. E dua na ivakatakilakila o ya e dua na bogi ka sega kina na butobuto. Eso tale na ivakatakilakila oya ni na rairai mai lomalagi e dua na kalokalo vou ka vuqa na ka totoka.

Ilamani 14:3–7

E vosa o Samuela, ka tiko tikivi koya e dua na ivakatakarakara ni iVakabula sa Tucaketale ena taudaku ni Nona ibulubulu ka vosa tiko vei Meri Makitala

E vinakata o Samuela mera vakabauti Jisu na tamata. E kaya o koya ni na mate o Jisu ka tucaketale me rawa ni ra vakabulai na tamata kecega kevaka era veivutuni.

Ilamani 14:8, 12–18

E vosa o Samuela, ka sa tiko e dakuna e dua na ivakatakarakara ni dua na koro levu butobuto

E kaya o Samuela ni na yaco na ivakatakilakila ni nona mate o Jisu. Era na sega ni raica rawa na tamata na matanisiga, vula, se kalokalo. Ena sega na rarama me tolu na siga.

Ilamani 14:20–27

E vosa o Samuela, e toka tikivi koya e dua na ivakatakarakara ni dua na koro levu sa kama tiko ka lidika na yaseyase.

Ena yaco na kurukuru kei na liva. Ena yaco mai na uneune, ka na vakarusai e vuqa na koro levu.

Ilamani 14:21–27

E tucake tu o Samuela ena dela ni bai ni koro levu, ka ra tovolea e dua na ilawalawa cudrucudru e ra me ra yaviti koya ena gasau ni dakaititi kei na vatu, ia na veika kece qori a calati Samuela

Eso na tamata era vakabauti Samuela, ia e levu na Nifai era a cudruvi koya. Era vakaviriki koya ena vatu ka vanalaki koya ena dakaititi. A taqomaki Samuela na Turaga ni tucake tu ena lalaga. E sega ni dua vei ira na vatu kei na gasau e rawa ni tarai koya.

Ilamani 16:1–2

eso era masu ka rairai lomaleqa, eso tale era cudru, sa biubiu o Samuela

Ni sega ni dua e mokuti Samuela rawa, e levu tale era vakabauta na nona vosa. Ia e levu na tamata era se cudru tiko ga. Era saga me ra tauri Samuela ka vesuki koya. A dro o Samuela ka lesu i vale. E vakavulici ira tiko ga na nona tamata.

Ilamani 16:3, 6–8

e dua na parofita na yacana o Nifai e vosa vei ira na tamata ena yasa ni uciwai

O ira na Nifai era vakabauti Samuela era a veivutuni ka papitaisotaki mai vua na parofita o Nifai. Era vakabauti Jisu ka vakaraica tiko na ivakatakilakila ni sucu nei Jisu ka a tukuna vei ira o Samuela.

Ilamani 16:1, 3–5; 3 Nifai 1:8